السلام عليكم...
شخباركم...؟؟؟
وش مسوين...؟؟؟
المهم خلوني ادخل بالموضوع:d
البارح كنت رايح الدمام.....
طبعا انا ما كانت في نيتي اروح محلات الزينه..لاني ما اعرف اماكنهم...
بس كنت موصل الاهل حق الحياه بلازا...الا بالصدفه اشوف محل الشراع
قلت اسم المحل مو غريب علي......وتذكرت ان ناس كثير هنا يمدحونه قلت حلني ادخله....واشوف ويش عنده...
المهم سألته في عندك جناح اكوررد 2006
قال لا..بس في حق 2005 قلت له طيب ما يركب عليه قال لا....
فأنا الحين ابي اعرف وين احصل هالجناح وابيه يكون مرشوش ابيض لؤلؤي مالي خلق ارووح اصبغه..؟؟؟
وبعدين سألته عن الكشافات قال ب 230 ريال مع التركيب يقول يشتغلون مع السكن...قلت له لا انا ابي اللي يجي معهم عصا وتغيرها باللي في الدريكسون..المهم ما فهم علي...
فياريت تقولون لي وين احصلهم وكم اسعارهم مع التركيب...؟؟؟
المهم بعدين سألته عن التخشيب قال فيه بدون تركيب 270 ومع التركيب 320...
فجلست اكاسره لين قالي يلا اخر شي 300 ريال اذا تبي تركب قبل ما نسكر المحل...
فقلت له اصلا انا مو جاي بسيارتي:d بس سمعت ان هذا المحل اوكي فقلت اشوف ويش عندك...
المهم طلعت من عنده وبديت افر بمحلات الزينه...الى ان وصلت محل ماتريكس...وقلت اسم المحل مو غريب علي...
دخلت الا اشوف المحل كله ستيكرات
المهم شفت عنده قطع تخشيب مثل اللي بهالصوره...<<<خخخ وش رايكم مصورها لكم
ركزوووا على الزبيري خخخخخ;)
طبعا بتقولون هذا حق كامري بقول ايه ...بس قال يقدر يجيب حق الاكورد سألته بكم قال ب 250 مع التركيب...المهم قالي اذا تبي بسويهم لك ب 220 ريال وقالي اذا ابي رش ب 500 ريال بس اشوف بعض الاعضاء يشتكون منه لانه يتقشر فقلت له لا ابي تركيب علشان متى ما ابي اشيلهم اشيل...!!! طبعا سعره ارخص من الشراع...بس المشكله اني ما شفت نوع التخشيبه اللي عند الشراع...
طبعا حصلت معه لونين فاتح وغامق وهذي صوره حق اللون الفاتح...
ها وش تنصحوني اركبه والا في نوعيه افضل منه...؟؟؟؟ واذا فيه وين احصله وكم سعره مع التركيب....
سألته عن اغطيه الانوار قال لي ب 70 ريال للي قدام...واذا تبي بلاستك حق الكشافات مهعم ب 80 ريال....طبعا انا مقرر اخذ الاغطيه حق الاخطوط مع اني مو راعي خطوط بس انزل من الخبر الى الاحساء بالشهر او كل 3 اسابيع مره....ولا ودي افصل برقع لاني سمعت انها يترك اثار على البويه...والتلزيق احس انه غالي...فهل تنصحوني بالاغطيه..وهل تحمي الانوار اذا كان فيه عج والا لا..؟؟؟؟؟؟
كنت ناوي اخذ طربال حق السياره لاني اوقف السياره برى البيت والشمس صاقعه بيتنا صقاع...ولا في محل ضل اوقف السياره فيه بالويك اند....حصلت جاهز جلد مبطن من الداخل بقطن ب 90 ريال..والتفصيل ب 170 ريال طبعا التفصيل يكون الجلد خفيف بس القطن اللي داخل سميك عكس الجاهز...ويش تنصحوني اخذ الجاهز والا افصل...؟؟؟
طبعا حصلت انوار الزينون حق اللوحه الخلفيه في محل قال لي ب 20 ريال بس ما شفت الصناعه ومحل قال لي ب 10 ريال صينيه...فاذا ممكن ويش النوعيه الزينه ووين احصلها..؟؟
واخيرا قلم البويه حق اللون اللؤلؤي وين احصله وكم سعره..؟؟؟
<<<<انتظر الان اجوبتكم على اسئلتي...وطبعا لاحد يعطني محل بالرياض او جده..
يعني حاولوا قد ما تقدرون انه يكون بالمنطقه الشرقيه الخبر او الدمام..واذا الاحساء مو مشكله بس غير كذا الصراحه ما اقدر..
وآسف على الاطاله.....واللي ينصحني اركب اشياء ثانيه يقول لا يستحي
مواقع النشر (المفضلة)