الموضوع: انطباعكم بعد استخدام اكورد v6موديل 2008

وعليكم السلام ورحمة الله وبركاته

اخوي انا استخدمت 4 سلندر و6 سلندر

وربي فرق كبير بين الاثنين

الـ 4 سلندر بطه ومافيها عزم بصراحة

اما الـ 6 سلندر عزم وقوة

اما عن المشاكل الحمد لله مامريت بأي معناة مع الـ6 سلندر

وكل يوم تكبر بعيوني

وان شاء الله الشباب يتحفونا بتجاربهم

العزم و الأستجابة في الستة تفرق بكثير كثير عن الأربعة
و فيها خاصية من أروع الخصائص و هي التشغيل التتابعي للسلندرات لتوفير الوقود و لأستجابة أسرع .......
في الخط صوت المحرك يكاد أن يكون معدوم .

شكرا على ردودكم يا شباب
ولكن هدفي اني اعلم من تجاربكم اخواني عن الاكورد 6 سلندر هل واجهتكم مشكله مع فتره الاستخدام من 2008 ال اليوم
وهل من الممكن معرفة فرق ما بين ال ex , lx
تحياتي للجميع

المشاركة الأصلية كتبت بواسطة acc cop

شكرا على ردودكم يا شباب
ولكن هدفي اني اعلم من تجاربكم اخواني عن الاكورد 6 سلندر هل واجهتكم مشكله مع فتره الاستخدام من 2008 ال اليوم
وهل من الممكن معرفة فرق ما بين ال ex , lx
تحياتي للجميع

عزيزي الـ lx تعتبر فئة الستة سلندر السياحية يعني المراتب مخمل والدركسون على ما أذكر مو جلد ومثله مساكات الأبواب مو نيكل (ماني متأكد من النقطة الأخيرة لأني من فترة ما شفت 6 سلندر مخمل)

أما فئة الـ ex تعتبر فل الستة سلندر وتحتوي على مراتب جلد والدركسون جلد والمساكات نيكل وأنوار زينون..

وطبعا نصيحة خذ فئة الـ ex لأنه حرام تاخذ ستة سلندر وفي الاخير مواصفاتها ناقصة..

^^
معلوماتك غلط

الفرق الي موجود في ex و ناقص في lx المراتب مخمل ولا يوجد خاصية التعتيم في المرايه الداخليه والمراية الخارجيه لايوجد فيها خاصية التصفياط و مسكات ليست نيكل و سب اوفر فقط والباقي كلها زي بعض حتى الدركسون كلها جلد

انا املك اكورد 2008 6 سلندر lx تحت الفل

صراحه اذتني اول ماشريتها بالكفرات كل يوم مصعرر واحد

والفحمات واصواتها

ب الحين لها معي سنتين طبعا سنة استخدام

وسنة واقفة من الحادث

بس بعد الحادث الحمد لله كل شي تمااام

واقولها صدق ولا ادري وش السبب

يعني اصوات الفحمات راحت مع انها نفسها صوت المكينه خف عن قبل

السياره تحسنت بعد الحادث وهذا مالم اتوقعه

والعزم ماشاء الله

مافيه مثلها والرساوة لا تشوف غيرها

وفخمه بشكل طبيعي يعني مو الفخامه الي مالها سنع

بشكل عاام السياره نالت على اعجابي من اول قياده لها

لاني ماكنت ناوي عليها يوم فكرت اشتري موتر

على كلن اسف عالاطاله

بس ارجع واقول سياره روحانية تمتلكك من اول نظره

وشكرا على الطرح

على فكره الفروق بين الlx والex

هي

الجلد
قابضات ابواب نيكل
مراتب القدام اوتوماتيكية
القير مخيط
سب ووفر للماعات الخلفية
تعتيم المراية من النور

اما الزينون موجوده فيها كلها
اي استفسار حاظرين

ماقصروا الشباب عطوك الفرق بين lx و ex وبصراحة الاكورد الستة سلندر 2008م ما عليها كلام مشاء الله تبارك الله

راسية في الطريق وتعطيك جو لاينسى ابدا في الخطوط وخاصة مع كوب كابتشينو وموسيقى رايقة

تحية لك

شكرا على معلوماتكم القيمه
لكن هل واجهتكم مشاكل وكان تفكيركم يروح انو يجب على الشركه تجنبها في الموديلات المنتجه

المشاركة الأصلية كتبت بواسطة ITALIAN BOY

^^
معلوماتك غلط

الفرق الي موجود في ex و ناقص في lx المراتب مخمل ولا يوجد خاصية التعتيم في المرايه الداخليه والمراية الخارجيه لايوجد فيها خاصية التصفياط و مسكات ليست نيكل و سب اوفر فقط والباقي كلها زي بعض حتى الدركسون كلها جلد

عزيزي ممكن تفهمني شلون معلوماتي غلط؟

أولا وواضح من ردك إن معلوماتي ناقصة وليست غلط وبقولك كذا يعني كل المعلومات اللي ذكرتها غلط وما فيها أي صحة وهذا شيء مو صحيح أنا أفدت الرجال باللي أعرف وأكيد فيه أشياء أجهل عنها بحكم عدم إمتلاكي لأكورد ستة سلندر... والمعلومة الوحيدة اللي مو صحيحة هي إني قلت إن دركسون الـ lx ما يجي جلد وفي الحقيقة يجي جلد وحتى في هالملعلومة قلت على ما أذكر يعني مو متأكد..

وعليكم السلام
ما قصروا الشباب معاك والله يعطيهم العافيه
عني أنا جربت v6 2009 فل كامل بس في خط سفر بصراحه زااد جنوني فيها أكثر
وفي الرساوه ما عليها كلاااام
تحياتي

شكرا يا شباب ما قصرتو:d