الموضوع: يا مال الجنة افييدوني

السلام عليكم ورحمه الله وبركاته
^
^
يا جماعة الربع الله لا يهينكم ابي شوركم في الهوندا اكورد 2007 هي في مزاجي من زماااان <<<< مغبرررر :d
عااااد الحين يوم دخلت الجامعة ابي اشتريلي موتر والوالد موافق بس بشرط ان الموتر يكون (جديد) ....

بس تتوقعوني اني ابلقى هوندا 2007 مخزنه ولا لا ..؟؟
ولو لقيتها مخزنة وين ابلقاها فيه ..؟؟
ولو لقيتها كم بتكون اسعارها عقب الموديلات الجديدة ..؟؟
ووش رايكم فيها من جميع النواحي (خراباتها - وضعها على الخط - الراحة )....؟؟
^
^
^
اتمنى من الاخوة انهم يفيدوني في هالموضوع الله لا يحرمكم الاجر
مشكووووووووووووووووورين قبل الرد :d

سالفة انك تلقى جديدة اغسل يدك هههههههههههه

لكن لو بتشتري مستعملة صدقني بتتعب عشان تلقى النظيف


أما السيارة من ناحية الخرابات والاستخدام بصراحة اشوفها افضل من الموديلات الجديدة

سيارة عملية تماما من كل النواحي ولا اذكر فيه احد اشتكى منها

[quote=صمت البوح;434098]سالفة انك تلقى جديدة اغسل يدك هههههههههههه

^

^

^

بس انا سمعت انه فيه مخزنه .... قالي واحد من اخوياااي بس مدري وينها احصلها :(

وعليكم السلام ورحمة الله وبركاته

ياخوي ممكن تحصلك نظيفة 2007
بس يبغلك تدور وتبحث
لاننا أحنا في سنة 2010 وانت نبغى أكورد موديل 2007
وان شاء الله الأخوان يفيدونك


تحياتي

المشاركة الأصلية كتبت بواسطة صمت البوح

سالفة انك تلقى جديدة اغسل يدك هههههههههههه

لكن لو بتشتري مستعملة صدقني بتتعب عشان تلقى النظيف


أما السيارة من ناحية الخرابات والاستخدام بصراحة اشوفها افضل من الموديلات الجديدة

سيارة عملية تماما من كل النواحي ولا اذكر فيه احد اشتكى منها

مشكوووووووووووووور يالغلااا الله لا يحرمنا من ردودك
بس ياليت تتأكد لي من المعلومة هل احصلها ولا
لو ايت مديل بس نفس شكلها :d

المشاركة الأصلية كتبت بواسطة همس الأحساس

وعليكم السلام ورحمة الله وبركاته

ياخوي ممكن تحصلك نظيفة 2007
بس يبغلك تدور وتبحث
لاننا أحنا في سنة 2010 وانت نبغى أكورد موديل 2007
وان شاء الله الأخوان يفيدونك

تحياتي

مشكوووووووور يالغلا الله لا يحرمنا من ردودك
بس انا كلمت الوالد وهو رافض مررررررررررة يشتري مستعمل والمشكله نفسي فيها :d

صراحة لتجربتي لـ2005 صراحة سيارة فعلاً ..

وكلام الوالد صحيح لإن ما تضمن السيارة ..مفحط بها ولا خربانه من التصديم ..وصعب تلقى نظيفه ..

,,

تحياتي لك ..2005 أكورد

اخوي انا محصل في معارض النسيم بالرياض

اكورد 2007 فل كامل((جلــد)) لؤلؤي شبه جديد ماشيه 12 الف فقط

السوم 73 الف والمرتر يستاهل حتى اكياس الوكاله موجوده ماشاء الله

وبالتوفيق لك اخوي

^^^^

السعر غالي نوعا ما بغض النظر عن الممشى او النظافة

بس مسئله 2007 الى 2010 = 3 سنوات

و التخزين يعدم الكفرات و الهوبات تصدي و لابد من تغير السوائل بالسيارة و تشحيم و شغل صراحه

المشاركة الأصلية كتبت بواسطة silver aurion

^^^^

السعر غالي نوعا ما بغض النظر عن الممشى او النظافة

بس مسئله 2007 الى 2010 = 3 سنوات

و التخزين يعدم الكفرات و الهوبات تصدي و لابد من تغير السوائل بالسيارة و تشحيم و شغل صراحه

قسم بالله لو تشوف الموتر والله تقول يستاهل ياخي وكاله الموتر حتى ريحته ماشاء الله وكاله

مشكووووووووووووووووووووووورين وما قصرتم الله يجزامك كل خير



بس 73 الف <<كانها شوي غااااااااااالية

المشاركة الأصلية كتبت بواسطة عاااشق هوندا 2007

مشكووووووووووووووووووووووورين وما قصرتم الله يجزامك كل خير

بس 73 الف <<كانها شوي غااااااااااالية

هماك تبي موتر مخزن

انسى تلقى مخزن وانت روح دور بالمعارض وموقع مستعمل وحراج يمكن تلقى بس اذا تبي نصيحتي ....
اخذ جديد والله يكتب لك الي فيه الخير.......

خذ جديد 2010 احسن لك

مساله انكـ تحصل مخزن زيرو انســــى >> كان غيركـ اشطر

السلام عليكم
وبعدين ليش تبي مخزن وش دراك يمكن مخزنه أنت ما تدري وين هي مخزنه يمكن مخزنه في الشمس يعني الجلد خربت وعلى هوبات وعلى كفر وعلى الجلد إلي أسفل السيارة أنا ما أقول السيارة مو حلوه لا السيارة روعة بس مافي جديد أنصحك كأخ تعوذ من الشيطان وخذلك جديد 2010 تراها روعة وإنشى الله ما أكون طولت أشوفك على خير