السلام عليكم ورحمة الله ..
أخباركم عساكم طيبين ..؟
حبيت اقلكم موضوع بخصوص الاكوردات من موديل 2003 إلى موديل 2007
وهو عيب تصنيعي بالدركسون وطبعا يمكن صار على البعض منكم ثقل بالدركسون وانا عن نفسي صارت لي وعبيت زيت الدركسون ومشى الحال ولكن بعد فترة جاني خبر من واحد من الشباب إن فيه عيب صناعي في الدركسون وإن الوكالة تستقبل الزبائن لتغيير قطعة في الدركسون وعلى حساب الوكالة مجاناً والله وفعلا رحت للوكالة وما قصروا الله يعطيهم العافية غيروا اللازم وقالوا لي انه هذا عيب صناعي في الاكوردات من 2003 إلى 2007 وسلموني المفتاح ومشيت فأي واحد تصير معه هالحاله على طول يتجه إلى الوكالة والافضل انه يروح من الان حتى لو ما صارت معه هالمشكلة عشان يخلص من هالموضوع
مع إن يلي استغربته إن ليش الوكالة ما ارسلت رسائل للزبائن عشان يتجهون للوكالة ويغيرون القطعة
وكمان فيه اعضاء معهم هوندا سيفيك يشتكون من الدركسون فممكن تكون حتى السيفيك فيها نفس العيب فالافضل انهم يتجهون إلى الوكالة
عموما هذا انا عطيتكم خبر
واتمنى إني أفدتكم
لكل من يسأل عن اصلاح العيب المصنعي هل لازم ان سيارته تكون تحت الضمان ولا لا
و الجواب انه اي عيب مصنعي تتحمله الوكالة وتصلحه مجانا ً مهما كان موديل السيارة وحتى لو هي مب تحت الضمان يتم اصلاحها لأن العيب من الشركة مب من الزبون
والله يعطيكم العافية
مواقع النشر (المفضلة)