المفروض انك رجعتها لهم على طول وتقول انك اول ماحركت من عندهم خبطت
والله قهر :(
دامك مواظب على الصيانه المفروض انه ما يخبط عليك القير :(
مساء الخير ياشباب
انا معي أكـــــورد 2004 طبعا ماشيه 200000 ك وامشي عليها داخل الرياض كثير يعني باليوم
لايقل عن 100 كيلو بحكم شغلي بالشركه واسافر نهاية الاسبوع دايم رايح جاي 500ك يعني
بالاسبوع 1000 ك ومواظب عالصيانه كل 30000ك اغير بواجي وزيـت القــير وفلتر الهوا مع
التشييك الكامل عالسياره ورحت اغير الزيت عند الوكاله ويوم حركت من عندهم كيلو بس
ووقفت عند الاشارة ابمشي مامشت تمشي شوي وتوقف ياووولد وش جاااها يمين يسار
ماتمشي الاخفيف واعطيها بنزين ولاتمشي الاشوي ووديتها الوكاله قالوا القير يبي له توظيب بــ 10000 ريال وااااو وش السالفه مدري؟؟؟ وديتها عند ورشه ووظبه لي بـ5000 ريال
وضمان 6 شهور ....... بس ماني فاهم ولامستوعب اللي صار
وش رايكـــم ياجمـــاعه السياره تمشي كثير بس المشي مايضرها اذا كان محافظ عليها وعلى
الزيت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟
المفروض انك رجعتها لهم على طول وتقول انك اول ماحركت من عندهم خبطت
والله قهر :(
دامك مواظب على الصيانه المفروض انه ما يخبط عليك القير :(
الله يعينك ...ان شاء الله بعد التوظيب تزبط معاك ..المكينه بعض الاحيان تكون قويه اكبر من المكاين الاخرى و ما تتحمل زياده .
السلام عليكم
توجد قيور للاكورد لموديلات 2003 و 2004 بها خلل مصنعي يؤدي الى تعطل القير
يكون كود مكتوب على القير Rcl على مااظن
اذا الرقم 1 معنها القير فيه الخلل المصنعي
اذا كان 2 معنها القير من الدفعه المعدلة
اذكر كنت حافظ الاستدعاء عندي في الجهاز ببحث عنه وارفعه للمنتدى
تحياتي
محمد
انا مثلك مشيت على سيارتي الاكورد حوالى 220000ثم خبط عندي القير فجاءة وش السالفة ما ادري مع اني اغير زيت القير كل عشرين الف واغيرة من الوكالة اضمن لي ثم رحت اشوف وش السالفة للوكالة قالو لي الكلتشات القير لازم توظيب واضطريت انى اوظبها الاسبوع الماضي ب4500 ريال كلفتنى لاكن اتوقع ان قيور الهوندا مبرمجة كل ما مشت مسافة معينة بدت يخنبق فيها شي وهذا اللى لاحظتة في سيارتي وفي سيارات اصدقاي
يعطيكم العافيه بس غـــريبـــه جدا ؟؟؟؟؟ يعني مافيه سبب محدد او شي انا ملاحظه عالسياره
ويعطيك الععافيه 922 بس هل يبي يصلحونه لي بعد الــ200000 ك وهل يبي يستقبلونها بعد ماصلحته؟؟
الله يكون بعونك
أول شي ارحب بالجميع ..........
ثاني شي انا عندي اكورد 2003 خبط القير عند 294000 كلم وتم توضيبه 3800 ريال ونا الان ماشي فيها 336000 كلم والحمد لله كل شي تمام....
مواقع النشر (المفضلة)