الاكورد او الهوندا بصفة عامة كلها تفرش من الخلف .. علشان كذا بعض المرات لامنك مسكت خط او رحت مشوار بعيد شوي تحصل الكفرات فارشة من الخلف .. و تحصل السيارة طايحة من الخلف و من الامام مثل ماهي . ممكن في حالات نادرة تحصل الكفرات الامامية فارشة بعد ، بس هذه في حالات نادرة ( اذا خليت السيارة بدون يايات )

الحل بسيط و مريح ..

ركب يايات رياضية ماركة spw coilover kit او ماركة ايباخ .. النوع الاول ممكن تتحكم بإرتفاع السيارة عن الارض مثل ما تحب يعني تخليها نازلة شوي من قدام و من الخلف مرفوعة علشان لامنها فرشت ، صارت السيارة مثل المسطرة
الايباخ ، تعطيك سدحة وحده لكن ماتلاقي السيارة نازلة اكثر من الخلف او من الامام او الغباء هذا .

او ممكن تركب عامود توازن خلفي ، و وظيفتة بيخلي السيارة ماتفرش كثير من الخلف ، و كذا تتم السيارة فووووق فوق هام السحب ( على رفعتها العادية ) مع انه يعطيك رساوة للسيارة من الخلف .

هذه عده حلول ...

لكن بالاخر نصيحة لوجه الله

خلي سيارتك وكالة لانه ياي رياضي ، يجر معاه جنط ، يجر معاه سدحة ارض ارض ، و بعدين ما تعجبك السدحة و تركب هيدروليك و تسدح السيارة بالارض الين الاقزوز يحك بالازفلت