صيانة 100000 مائة الف

[شامخ البيد]

يا شباب أحد عنده خبره و اغير في صيانة 100000 الف انا ما ني ملتزم بالصيانة في الوكالة و الحين مشيت سيارتي 100000 كلم (اكورد 2009)

سمعت واجد يقول غير البواجي و طرمبة البنزين

وش رايكم؟؟؟

[قلبي حبك]

انا لو مكانك اروح لهم
واقول ابي اشوف وش اللي يشمله الصيانه حقت 100 الف ويعطيك ورقه
انت اقراء الموجود فيها
وسوه بالوكاله لوا برا الوكاله

[heronassim]

الصيانه راح اتكلفك 1500 ريال شاملة تغيير زيت مكينه وفلتر - زيت قير - بواجي - سير مكينه - تصفيه مكينه - امور الصيانه الاخرى 0 بالنسبة لطرمبة البنزين لازم اتغيرها عشان ترتاح قميتها 400 ريال

[حمودي 2008]

الصيانه راح اتكلفك 1500 ريال شاملة تغيير زيت مكينه وفلتر - زيت قير - بواجي - سير مكينه - تصفيه مكينه - امور الصيانه الاخرى 0

لكن على حسب استعمالك للسيارة اذا كان استعمال جيد انصحك بزيارة الصيانة في اقرب وقت ممكن
لكن اذا كنت لا تضمن انه يكون هناك تصليح لقطع اخرى او تغييرها فأنا من وجهة نظري تزورهم بعد رمضان
لأني أجد الصيانة في رمضان بدون اي اهتمام واضح (كأنهم في اسبوع الصيانة المجانية)

[شامخ البيد]

انا غيرت زيت القير قبل شهرين بس مدري عن تصفية المكينة والسير مطلوب أغيرها بعد كم كيلو؟

[memories]

سيارتك 4 سلندر مايحتاج تغير سير المكينه

انصحك توديها الصيانه وتقلهم انك غير ملتزم وحتى لو ياخذوا 1500 ريال زي ماقالو الشباب عالأقل لما تخرج من عندهم بتحس انه السياره رجعت جديده وكاله

[شامخ البيد]

مشكووووووووووووووورين شباب على ردودكم

و حقيقة ان الهوندا أفضل الموجود في الجودة و الله يا شباب كارفها كرف و الحين ماشية 101000 و بدون هوادة أو رحمة و أحيانا ما أحميها عند التشغيل و المطبات ما اعترف فيها احيانا و مع ذلك ما شاء الله تبارك الله شبه جديدة


يعطيكم العافية

[abdelslam]

وعليكم السلام ورحمة الله وبركاته

ياشباب لاحد يتكلم الى عن علم وخبرة ولاتزعلون

أنا اقولك الخبر اليقين وعن تجربة قبل اسبوعين

رحت الوكالة وانا مثلك بالضبط مو ملتزم بالصيانة والسسبب صاحب السيارة الأول

عاد دخلت عندهم وقلت بشوف ايش الصيانة ايش بيغيرون وكم راح يأخذون

لقيت الدعوة نصب يقولك صيانة الـ 100000 فقط تغيير زيت المكينة +فلتر و تغيير زيت القير وتغيير البواجي والباقي كله

فحص فحص فحص فحص فحص فحص فحص فحص فحص

وسعر الصيانة 1100 ريال تقريبآ

انا قلت للمهندس ماأبي أغير زيت القير لأني قبل فترة مغيرة وفيه أشياااء هامة لازم تتغير قالي لا لازم تسويها كلها ولا ماتعتبر صيانة

قلت يصير خير ان شاء الله رحت للبيت وأخذت ورقة وكتبت الأشياء الإستهلاكية الي لازم تتغير { يعني انا بسوي الصانه الي أحتاجها اشتريت القطع من الوكالة وسويتها عند ورشة الجزيرة أفضل ورشة تعاملت معها }

زيت المكينة + الفلتر سعرهم تقريبآ 110 <-- عند بنشري ممتاز أفضل من الوكالة لأن الوكالة زحمة برمضان

بواجي 4 وسعرهم اذكر الحبة بـ 70 ريال تقريبآ والله ناسي

تغيير ماء الرديتر وسعر الجالون 50 ريال تقريبآ وعلبتين ماء مقطر + شغل يد 150 ريال تغيير البواجي وماء الرديتر

فلتر البنزين وسعرة حوالي 300 ريال ممكن يكون أقل + شغل يد 50 ريال عند الورشة {بالوكالة 300ريال تغييرة }
{ انتبه من هذي الشغله خطر لا يسويها الى واحد فاهم واذا بغيت تغيره احرص كل الحرص ان البنزين يكون على الربع أو أقل }

فلتر هواء المكينة وسعرة تقريبآ بحدود الـ 200 ريال { كنت بغيرة لكن للحين ماغيرته }

فلتر هواء المكيف تقريبآ 200 ريال { كنت بغيرة لكن للحين ماغيرته }

مساحات الزجاج ايسي دلكو وليت مااشتريتها والله غبية ماتمسح زين وصغيرة مع انها أحسن شيء بالسوق

بس هذا الي انا اعرفة

وان اصبت فمن الله وان أخطأت فمني ومن الشيطان

والسلام عليكم

[هيموالمسعودي]

http://www.hondaarabia.com/club/showthread.php?t=23772


شوف هالرابط.........................