حمد لله على السلامة ومعوض خير إن شاء الله
السلام عليكم ورحمة الله وبركاته
كيفكم يا شباب
وكيف رمضان معاكم ؟
عسى الشباب المدخنين بيصومو مو زي واحد عندي بالفندق بعد الفجر داققلي سجاره !! :d
المهم ندخل في صمصميم الموضوع !!
امس على خط الاسكان بالمدينه المنوره !! اجيبلكم الاحداثيات بعد !! بعد محطة الروضه !! وقبل محل يارا !! من المخطط خرجتلي سياره وما شاء الله تبارك الله زي ما انتو عارفين عادتنا !! من اقصى اليمين إلى اقصى الشمال
طبعاً السالفه مو هنا !! السالفه إني ضربت فرامل وما كانت حتى قويه
إلا اسمع حييييييييييييييييط بوووووم!!
ونيت شمع فيني من ورا وبعج وكسر الصدام الخلفي وطبعاً الاصطب الخلفي معاه والقهر الشنطه كمان انضربت وجزء من السياره بعد الاسطب اتقشعت بويته بسبب الاسطب حكه حكه حلوه !!
الحل يا بشر ؟ جانا المرور بعد طول عناء !! اخد رخصتي واستمارتي وما اظن انه اخد منه شيء لأنه ما كان اساسا معاه شيء!! فـ الحل يا بشر ؟ رحت المرور قالولي تعال بكره رحت بكره قالولي روح الوكاله قدر الاضرار وتعال
رحت الوكاله السمكري ما كان موجود - ابشركم يا اهل المدينه هوندا فتحت سمكره بالوكاله - وقدرو الاضرار تقريباً -لأنه السمكري ما كان موجود فـ التقدير مو دقيق للغايه- من 3 إلى 6 آلاف ريال !! ريال ينطح ريال :p
المهم دحين يا شباب ابغى مشورتكم كيف اصلحها على التأمين ؟ تأميني ميدجولف لأنه انا اخد السياره نظام تأجير ؟
فكيف العمل ؟
الله يسعدكم هاي اول مره انخبط واكلم المرور عشان التقرير والتأمين؟
كيف الموال من طق طق للسلام عليكم بعد اذنكم...
حمد لله على السلامة ومعوض خير إن شاء الله
الحمدلله على السلامة
الحمد لله على السلامة
..
والله يعضوك خير منها
الحمد الله على السلامة
::
يفيدونك الشباااب
الحمد لله ع السلامة
والله يعوضك خير
والله لو تصلحها على حسابك افضل من التأمين التأمين بتأخذ لك فتره على بال ما يصرفونه لك وراح تتمرمط لحد ما تقول خلاص ما عاد ابي تأمينكم
معوض خير خيو
تاخذ اوراق التقدير
تصورالرخصة و الاستمارة و التامين
صورة من كروكي الحادث
و اهم شي لا تتنازل ولا بيضيع حقك مع التامين و بتدفع قيمة الاصلاح من جيبك
و فوق ذا كلة اذا تامينك شامل خلهم يصلحو السيارة بالوكالة طبعا اذا كانت احد بنود التامين تنص ان الاصلاح وكالة
و سلامتك
يا رجال في الحديد ولا في العبيد
الحمدلله على السلامه و معوض خير و يمكن فكه عين (زي ما صارلي واحد متعقد)
اما اهالي المدينه عليهم سوااقة منت فاهم كييف..
كل واحد يسقط عالثاني وهرجة..
المهم بالنسبه للتامين انا صارلي حادث خفيف واحد دقني من الخلف..وحطو الغلط عليه ميه بالميه..
وخويك مافي الا مرمطه من القسم للتامين وعور راااس.
اخر شي قلت العوض على الله وباصلحها من حساابي..
والله يكونــ فيـ العونــ ,,
الحمدلله على السلامة
والله يعوضك خير إن شاء الله
الله يعوضك خير واعتبرها دفعت بلا
لا تتنازل عن حقك وخليهم يصلحولك السيارة يمكن نظام المدينه غير نظامنا هنا الي في جدة يخلوك تبوس يدهم عشان يصلحولك السيارة.
فاولو خير يا جماعة الخير
الله يستر
خوفتوني والله
بس لو التأمين ما وافق يصلحها او تعبني
ايش رأيكم اقطع الاقساط تبعت التأجير ولا لآء ؟
اذا التامين ماشي يصلوحها .. اهم شي لالاتنازل
والسيارة على بالي ما تتصلح على التامين تاخذ بالشهور .. وانت بمزاجك
ممكن تسحب على التامين
وتاخذ تعويض من الرجال وتصلحها
ألف حمد لله على السلامة ومعوض خير وفي الحديد ولا فيك إنشى الله
الحمد الله على السلامه
الله يعوضك غريها
مافي شك الخطاء عليها يتحملها التامين
واذا تامينك شامل من نفس التامين
فا توكل على الله ودخلها الوكاله
ولكن اذا الخلفيه متضرره ومنقهر
اطلب قطع الغيار وكاله لاتطلب بسمكره الموتر جديد ويحق لك وكاله لايلعبون عليك
_
سلآمآت , في آلحديد ولآفيك
آنتبه مرهـ ثآنيه ,
..
سلامات و ما تشوف شر ان شاءالله
!!! اكــــــــورد عندما تعشق التـــــــميز !!!
جزاكم الله الف خير
وطبعاً اكيد اني ما راح ارضى انه يسمكر
اكيد اكيد
السياره مالها ثلاث اشهر كامله عندي !!
اساساً الصدام مشقوق
فما يقدر يسمكره
والاسطب مكسور كسر
والباقي قطعة الشنطه بس اللي فيها اللوحه
بشوركم اخليهم يحطو وحده جديده ولا كيف؟ هيه بس مجروحه بويتها من الزاويه لأنه الاسطب انكسر وخدشها
والله يجزاكم الف خير
وبالنسبه لحكاية مرمطة التأمين
فشو رأيكم لو كترو عليا ابطل ادفع الاقساط واترك السياره عندي ولا يشمو ريحتها ؟ لحد ما يصلحوها ؟
اشيرو عليا ايها القوم فما خاب من استشار
الله يعوضك خير عزيزي ما تشووف شر
الله يحفظكم من كل سوء
مواقع النشر (المفضلة)