الحق عليه عند طبيب الزجاج خليه يضبطة لك
السلام عليكم ورحمة الله وبركاته يامعشر الصائميـن ...احتراما للوقت
فجأه إلا انكسرت الكزازه
ادري بتقولون ذا وش يبي :d بس انا بقول لكم
انا مثلكم
كنت ماشي على الخط إلا و سياره لومينا يكبس بعز الضهر
هو الله يهديه ما صبر لين افتح له الخـط وطلع كتف وطارت حصى صغيرووونه
ولكن اجزم إنها طلعت من تحت الكفر بسرعـه 400 كيلوا متر في الثانيـه لكل مربع :d
وضربت بالقزازه حقت السياره من اليميـن
صوت قوي طق
واطالع إلا الكزازه انشطبت :d
ياعيني ياعينـي :d
ياليـل انا وش طلعني بذا الظهيره
المهم قلت مالي إلا الشايـب
يوم قلت له ..
قال وش دخلني انت تخرب وانا اصلـح :(
الحين وش دخلني انا
ياخي ذا الشيـاب
اي شي يحطه براسك :d
المهم تصلح القزازه وإلا ئـئـه
علما إن القزازه الكسر فيها يعني مو مره
والحين الكسر كل شوي يمشي ويمشي ويمشي
ما ادري احتمال يطلع برا القزازه
<<<<<واحد حده خايف :d
افيدوني يقولون العلم تطور والتنكولوجيـا وصلت ما ادري وين
في محل يزينها
علما إن العيد قرب :(
الحق عليه عند طبيب الزجاج خليه يضبطة لك
^
وين الحق عليـه قد وصل ليـن الجهة الثانيه مشى من اليمين الحين وصل النص
ماوده يوقف شوي يعبي بنزين وإلا شي :(
مشكور
قبل يومين غيرتها من عند السالم ب600 ريال ماليزي
رح لمحل لدكتور زجاج و صلحها تشميع مدري كيف
حل مؤقت الى ما تركب قزازة من الوكالة بعدين ..
روح عند محل القزاز يسويلك تجميع عليه
اخوي طبيب الزجاج
يصلحها بس يبقى لها اثر
صلحها مؤقت لين تغيرها
انا وصلت للنص ووديتها لطبيب الزجاج بـ100 ريال
الله يحرم وجيهكم على النار في ذا اليوم
طيب ياعبود الماليزي إلي ركبته كيفه معك
عليه ضمان من دخول المويه و الهواء وهيك يعني؟
يالبى التظليله بس ,:o
678 مره تنصقع القزازه والحمدلله للحين مانكسرت :d
انصحك تظلل تظليله ابو كلب من الخارج عشان تحمي القزازه .
خصوصا اذا كنت راعي خطوط ..
هلا اخوي
انا صارت لي مثل سالفتك
ووديتها عند محل اسمه ارمز موجود بشارع الملك سعود بالدمام
وصلحتها عنده والحين كملت 9 شهور تقريبا والى الان ما صار للقزاز اي شي
هو يعطيك ضمان بس نسيت كم مدته بالضبط
واتمنى اكون افدتك يا الغالي
شباب تدرون وش شعر قزازتي الامامية
وش تتوقعون
ماراح تصدقون اذا قلت المشرط
ايه المشرط
من كثر ما اضلل
في احد المرات الي يضلل ضغط بقوة على المشرط وشق القزازه من النص الي الطرف
يعني الي يضلل يشيك على القزاز
من النص لان بعض الاوقات مع كثر التضليل يشق القزاز
اتمنى اني افدتكم
ان شاء الله بحاول ارفق صور والقزازه مشقوقه
عشان تناظرون وش سوى المشرط في قزازتي
^^^^^^
نفس اللي سار عندي بالضبط
اول ماطلعت السياره يقالي بحافظ عالقزاز من السافي واروح اظللها من برا
خليت السياره عند المحل عشان يظللها ورحت مشوار ورجعت الا الاقيها مشعوره
سألته عنها قلي ما ادري يمكن من اول كذا
ماحبيت اظلمه وقلت يمكن صح من اول بس ما انتبهتلها
وبعدين اكتشفت انه من المشرط والافندي عارف وماقال
الحمدلله على كل حال
وعلى طول على الدكتور وعملها تلحيم بـ100 ريال بعد حرب عشان ينزل السعر ولا كان يبي 150 والشعر مو كبير حيل
أنا اليوم كسر كامل للقزازه الأماميه مع الاسف
طاحت بلكه خخخخخخـ اشوى على القزازه بس البدي سليم
موديل السيارة 2009
بكم القزازه بالوكالة
عليك بـ بابلغوم شغل مزبووووووووووط
عنده قزاز نفس حق الوكاله الاصلي على ماظن والتكلفه التقريبيه 700 ريال
اما اذا تبي من الوكاله تقريبا مع التركيب حدود 2000 ريال
اااااااااااااااااااااااااااااااااااااااااااااااااا اااااااااااااااااااا
التسعيره من الوكاله مع الربلات كامله تقريبا 2900 ريال .... وانا نفس الحكايه طارت حصاه وانا ماسك خط بس مو بالقايله في الليل وانكسر القزاز وكنت على طريق سفر وينك يا دكتور الزجاج وينك بس للاسف وصلت جده والكسر وصل الربع وسويته بـ 100 ريال وجلست كم شهر وابو الشباب دز ووصل الكسر الى ثلث القزاز وسويته بـ 100 ريال وجلس كم شهر وابو الشباب دز الى نص القزاز وطفشت ورحت عند واحد وسواه لي بـ 150 ريال وابشركم الوضع في سبات عميق الى وقتكم هذا متى يدز ابو السباب مدري بس راح اخبركم اذا اشتغل !!!!
ما صار كسر هذا فلم هندي !!!!
طبعا رحت للوكاله ابزينه قالوا لي بـ 2900 ربال تقريبا مع الربلات ... قلت خليه دام انه نايم وهاجد .....
^
2900
اسمعوا الله يعطيكم العافيـه على التفاعـل بس الحيـن يعني الحل المؤقت بيصير نفس إلي صار مع ابو شهد 2 يعني في كل الأحوال راح اغيرهـا بإذن اللـه
بس الصدمـه إني بغيرها مش وكالـه ..يعني كزاز مثلج ..ليه ايس كريم مثلا :d<<<<<يلطف الجو على نفسه مادرى إنه بيصك الف ريال :d
بالله كم بيكلفنى القزاز الأمامي من التشليح او من محلات القزاز ؟
ويعطيكم من العافيـه جركليـن
مواقع النشر (المفضلة)