اذا فيه محل لصيانه اكورد 2006 زين ؟؟او الوكاله ؟؟

**R3BoOoB** · 24-08-2010, 10:48 AM

لسلام عليكم ورحمه الله وبركاته

رمضان مبارك علينا وعليكم

ابختصر لكم الموضوع انا سيارتي اكورد 2006 فل مخمل ماشيه 107 الف تقريبا وودي ادخلها الصيانه او ودي اشيك عليها كامل
لاني احس ان فيها شي ولا ادري وشو
مثل اذا جيت امشي اسمع فيها صوت العيال يقولون من الكارونه ولا ادري هو منها ولا من الكفرات ولا الدفرنس ولا العكوس ولا الزفلت
فودي اذا فيه ورشه زينه اوتنصحوني بالوكاله ودي اشيك على السياره من الى يعني من الصدام للصدام ويكون سعرهم زين وشغلهم برضو حلو

الحمد لله السياره ما فيها شي بس مجرد احساس لا غير هذا غير الصوت اللي سبق وقلت لكم

يعطيكم الافيه مقدما وانتظر ردودكم

مع كل الشكر

**alkasr777** · 24-08-2010, 12:06 PM

وعليكم السلام ورحمة الله وبركاته

اخوي عندك اوتو سيرفس إذا كان عندكم في الرياض

و أنا سبق أن دخلت سيارة اخوي الفورد (تحتيه بس 50 ريال)و طلعولي المشاكل اللي فيها كلها

و أنا توني اليوم مدخل موتري تشييك كامل بـ(200 ريال)وإذا طلع ان شاء الله برد عليك بكره في الليل

و طبعا يعطونك ورقه مفصله بالقطع اللي يحتاجها الموتر بالعربي والإنجلينزي

و تشييك بالكمبيوتر لكن إذا كان فيه شي شاك فيه قلهم عنه ويشيكون عليه باليدوي والكمبيوتر وترا الكبيوتر ممتاز

اخوي بس لا تصلح عندهم لو سمح الله وطلع فيها مشكله لأنها غاليه و شغلهم مو ذاك الزود

و تقبل مروري وشكرا...

**R3BoOoB** · 24-08-2010, 02:02 PM

طيب وين محلهم بالرياض ؟؟

**hanadi** · 25-08-2010, 02:58 AM

اخوي عندك ميزان العيب عنده الفحص مجاني

**alkasr777** · 25-08-2010, 08:33 AM

والله ما عندي علم بمكانه في الرياض بس تعال الحسا و أضبطك عندنا فرعين فرع جمب بيتنا في شارع الستين و فرع في المبرز و إذا تبي أوديك أحسن ورشه في الحسا الشامي وديتك في الصناعيه لكن ما جربته و الكل يمدحه
و هذا رقم اوتو سيرفس في الحسا 03.5888222 وشكرا...