هلا بك اخوي شيك على المجموع يمكن معلق عندك شي
السلام عليكم .. مساءكم الله بلخير جميعاً
كيف الحال اعضاء المنتدى الغالي انا صراحه اول مره اطرح مشاركتي وطلبي واتمني انكم ماتردوني خالي اليدين.. ابي حل
عندي مشكله بسيطه في الانوار (اذا رفعت النور العالي يعلق معي ماينزل على طول لازم اكرر وادبل من خمس الى ست وبعض الحالات يعلق وماينزل الا اذا تركته شوي اضغط المفتاح وينزل ).. وطبعا الحاله ماتجي دائما يعنى فترات متقطعه يمكن كل اربع او خمس ايام مره .. جننتني صراحه رحت لكهربائي وفحص علبة الفيوزات وفك ديكور الدركسون للكشف على مفتاح التشغيل سليم وكل شئ اوك بس مادري وش توقعون المشكله..
طبعا نوع السياره اكورد 2007 4 سلندر..
اتمنى الرد باسرع وقت منكن وشكراً
هلا بك اخوي شيك على المجموع يمكن معلق عندك شي
اخر مره حركت الانوار كانت بعام 2009 يعني قبل سنه تقريبا
وانت ما شاء الله تحركها كل 5 ايام
..
....
هلا اخوى المسافر.. يالله حيه
ليه يعنى ماتمشى في الليل والا تمشي بدون انوار!! شكلي لاشفتك ببلغ عليك اقول بغى يصدمني مو مشغل انواره هع هع ..
الشئ الثاني انا اسافر كثير مايمر يومين ثلاثه الا ماسك لي خط .. فا احتاج النور العالي كثير واسعدني مرورك وتواجدك في متصفحي يالغالي
اخوي شيك على الدينمو حق وزنية الانوار ممكن المشكله منه معلق او يبغاله تغيير
انت عندك تعليق بالعالي ؟
ولا الدينمو حق الوزنيه خربان ؟
:(
هلا اخوى king عندي طال عمرك النور العالي يعلق اذا رفعت العالي ماينزل الا اذا دبلت خمس ست مرات وبعدين ينزل للواطي
هذه ياطويل العمر علبة الفيوزات الي بالكبوت خربانه
اذا سيارتك ماشية اقل من 120 الف ودها الوكالة يصلحونها على الضمان
واذا سيارتك عدت 120 الف في حل مبدئي انك تنظف الفيوز حق النور وتنظف العلبة كلها يمكن تنحل المشكلة
او غير الفيوز احسن
فيه طريقة ثانيه يسوونها الكهربائيين يركب لك كتاوت عشان تضبط الحركة
لكن الأفضل تتبع الخطوات إلي فوق.
:(
نفس مشكلتي بالضبط ورحت الصيانة اليوم قالي المهندس مو على الضمااان
انا كنت احسب الدينمو يعلق
اذا على النور العالي ممكن تغير علبه الفيوزات عند الوكاله ضمان لها الى 120 الف
ولا تغير كتاوت العالي بالكبوت تلقاه وتنضفه زين ويضبط ان شاء الله
..
....
اشكرك يالغالي على ردك وتلطفك .. فعلا يوم رحت للكهربائي فك علبة الفيوز اللي داخل الكبوت كلها وطلعها وحاول ينضفها وقال المشكله هنا داخل العلبه فيه مكان مسكر ماقدر يفكه الضاهر انه زي الايسيات او شئ زي كذا يقول لو تروح لمحل الكترونيات يمكن يقدر يزبطه لك ..
لكن فعلا بعد مافكها ذيك الايام ونضف العلبه زبط النور فتره وبعدها رجع ..
والقهر ان سيارتي ماشيه الحين 123000 يعنى مايصلح اوديها للوكاله ويصلحونها تحت الضمان :(:(
باقي الحركه بس ماجربتها يمكن تزبط بجربها وبشوف وش يصير النتيجه اتمني انه تنجح لانه بهذلني بكثر تعليقاته
طيب ياخ علي وش قال لك المهندس وش المشكله وش الحل لها ياليت تفيدينا وتعطينا حل الوكاله للمشكلهيعطيك العافيه يالمسافر على ردك ومعلوماتك القيمه لكن يالغالي المشكله بالنور نفسه وهي المشكله تبدو لي انها من علية الفيوزات لكن وش الحل غير تغيير العلبه كامله لانها اكيد بتكون غاليه مع اني ماسألت عن سعرها بس اكيد مو اقل من الالف وخمسميه ..
وبيني ووبينكم بدى الخراب فيها قبل حوالي خمس او ست شهور اوقات الامطار اتوقع انه داخل في علبة الفيوزات مويا وعشان كذا صاير فيها التماس والا صاير فيها شئ فا عشان كذا صاير التعليقات
واشكر كل من مر واتحفني برده بالموضوع ثانكيو للجميع
ياشباب احين هل علبه الفيوز عليها الضمان ولا لا لان الوكاله لي هناك يقول لي ماعليها ضمان
هل النور الواطي يشتغل مع العالي ولا لا لان انا فصلت الزنون وجيت اضرب العالي صار نور الواطي الاصفر يشتغل مع العالي وهو مطفى ؟؟؟ هل احد عنده علم ؟
مساء الخير للجميع
بالبدايه اشكر كل من مر خلال متصفحي وعلّق ومر ومن لم يعلّق ..
هناك حل لهذه المشكله واللي اتضح لي من خلال تجوالي على عدة كهربائين اصحاب خبره ان المشكله في القاعده حقت الفيوز اللي موجوده بكبوب السياره وان المشكله كلها منها...وبعضهم قال اصلحها لك وبعضهم قال لابد تغييرها وممكن انك تلقاها بالتشليح .. فا مادري وش رايكم اصلحها والا اغيرها وش الحل المناسب والافضل ...
شوركم ترى يفيديني كثيرا ياصحاب الخبره والشور الزين
اشكر كل من مر وعقب واعطاني الشور في مشكلة سيارتي ..
ولله الحمد تم تغيير علبة الفيوز كامله من التشليح بـ800 ريال وانحلت المشكله .. بعد مشاورات ومداولات بين اكثر من محل لقطع الغيار للهوندا ومن ضمنهم النعماني ..
طبعا سعر القطعه (علبة الفيوز + الضفيره كامله ) بالوكاله 1949 بعد الخصم :(
الشكر موصول لك لانك عقبت على موضوعك وعلمتنا كيف حليت المشكلة
يلا يابوية الحمدلله على سلامة الموتر انشاء الله مايواجهك منه الا كل خير
مواقع النشر (المفضلة)