أرجو المساعدة

**متى اشوفك** · 01-09-2010, 12:36 PM

السلام عليكم ورحمة الله وبركاته
عمتم مساءاً جميعاً

ادخل في الموضوع دغري

عندي اكورد 2006 ستة سلندر (3.0) V6

الحمدلله كل شي تمام فيها وعال العال

لكن ألاحظ انها تصرف بنزين بصورة غير معقولة او غير طبيعية ان صح التعبير

انا اعبي السيارة فل (بنزين 95) لكن يادوب يكفيني 250-280 كيلو

طبعاً حسبتها كذا لأن مشوار الدوام يومياً ذهاب وإياب تقريباً 100 كيلو (المجموع)
ولما اعبي السيارة فل بتكفيني ثلاثة أيام او ثلاثة مشاوير ونص تقريباً .

لذا ، عندي كم سؤال أرجو من ( أصحاب الخبرة والتجربة ) الإفادة عنها ، كالتالي :-

س1 / هل صرفية السيارة للبنزين طبيعية ، مع العلم اني ما اسرع بها ابداً ولا اتجاوز المية واربعين ؟

س2 / رحت لوكيل قطع غيار هوندا أصلي ، واخبرني ان البنزين يفترض ان يكون 91 وليس 95 ، ولما ذهبت الوكالة الموظف قال لي الأفضل للمكينة هو بنزين 95 ، أبغي احد يجاوبني عن تجربة ، أيهم افضل بنزين 91 أو 95 ؟

س3 / لو كانت الصرفية غير طبيعية ، ايش القطع المفروض اغيرها (فلتر البنزين مثلاً أو البواجي) علماً أن السيارة ماشية 150 ألف .

س4 / هل اللون اللؤلؤي له تأثير في صرفية البنزين ؟ <=-=-=- وجه واحد بدى يستهبل لووول:d

وهذي استفساراتي واتمنى القى الجواب الشافي عندكم

مع جزيل الشكر والامتنان للجميع

مع التحية

**King** · 01-09-2010, 12:49 PM

غريب !!

المفترض من سيارتك انها ماتصرف كثير , لأن الـ v6 عادة ماتشتغل البساتم وقت الحركة!.

بمعنى ان البستم لما تدعس تشتغل الـ 6 وتعطي قوة وبكذا تكون النتيجة "صرف بنزين"

عموما ً انت متى آخر مره غيرت فيها فلتر البنزين والبواجي؟

بنزين الـ 95 (الأحمر) عادة يمشيك من 450 كلم إلى 500 كلم << داخل المدينة

وقت السفر والطرق الطويلة 700 كلم وانت مرتاح (طبعا ً يفضل على دعسه وحده).

**متى اشوفك** · 01-09-2010, 01:02 PM

أولاً أشكر لك تواصلك السريع

فلتر البنزين والبواجي مااتوقع تغيروا من وكالتهم او ربما تغيروا مرة وحدة <=-=- انا المالك الثاني للسيارة

ومثل ماتفضلت انو البساتم المفروض ماتشتغل كلها على الحركة السرعة البطيئة ( لكن ماادري إذا كانت هذي المعلومة تنطبق على الأكورد 2006) لأن خبري بها من الأكورد 2008 وطالع

عموماً شاكر لك تواصلك يالغالي

**أغـار يا هـوندا** · 01-09-2010, 08:09 PM

اسمع أنا غيرت صفاية البنزين (فلتر) بـ 150 ريال
والحمدلله تماااااااااااااااااااااااااااااااااااااااااااااااا ااااام
قبل التغيير كانت تمشيني 230كم فقط
بعد التغير مشتني 620 كم فقط

**accordyon** · 02-09-2010, 04:36 AM

واجهتني نفس المشكلة الفل يمشيني 280-300 كلم بس
الي سويته غيرت فلتر البنزين مع البواجي
وصارت تمشيني 450 احياناَ اكثر داخل المدينة طبعاً على حسب الدعسه
عاااد انا 4 سلندر

<< اقصد سيارتي:d

**اكورد مودي** · 02-09-2010, 04:45 AM

طيب يا شباب البلوف والثروتل بدي ياثر على الصرفية وانا اعبي 95 ويمشيني 340 كيلو وفلتر البنزين ماغيرته للان.

**الحايلي1** · 02-09-2010, 06:09 AM

اخوي اصلا كل 100 الف لازم تغير الفلتر حق البنزين ومعها البواجي والسير حق المكينة و زيت القير هذي اهم القطع .
والصرفيه الي انت تشتكي منها فهيا من الفلتر حق البنزين غيره وترتاح إن شاء الله.
(لاتحرموناااااااااااااااااا من دعائكم)

**الحايلي1** · 02-09-2010, 06:19 AM

المشاركة الأصلية كتبت بواسطة اكورد مودي

طيب يا شباب البلوف والثروتل بدي ياثر على الصرفية وانا اعبي 95 ويمشيني 340 كيلو وفلتر البنزين ماغيرته للان.

كم ماشية سيارتك؟

**اكورد مودي** · 02-09-2010, 02:11 PM

الان ماشية 112000.

**محمد عقيل** · 02-09-2010, 04:01 PM

يالحبيب
دائما زبط دعسة البنزين بصورة طبيعية بحيث لاتدعس بقوة وتشيل بسرعة وهكذا خليها متوازية تدعس ببطء وتشيل ببطء وبهذه الطريقة تكون شغالة عال 3 سلندر ولازم يكون عندك ضوء بالطبون eco لما يضوي تكون ماشي على 3 سلندر
انا عندي 2005 امريكي على الطرق السريعة بس يفصل ال 3 سلندر بتصير تصرف زي السيفك

**متى اشوفك** · 02-09-2010, 08:27 PM

مشكوووووووووورين للكل دون استثناء

ولكن من خلال التواصل واضح ان الافضل اغير فلتر البنزين اول واجرب

عموماً لي عودة بعد التغيير وسأوافيكم بالتغيرات في الصرفية

مشكورين مجدداً