سلامآ يالغآليُ ..
بسيطه أن شآءالله يفيدونك الشبآب ،
السلآم عليكم ورحمه الله وبركاته
قبل آذآن المغرب والعالم حوسه وكل واحد قاعد يجهز الفطور
كنت واقف عند البقاله ! وانا داخل السياره أبنزل مادريت الا الصوت طططع من ورا واحد صدمني
انا صراحه من الصوت قلت بس اللي ورا انعدم كله وانزل الا مصري واقوله ماتشوف أنت ومن الكلام
المهم الحمد لله جت عوافي
بس الحين متردد مدري اوديها الوكاله سمكره أو اسوي لها شفط واتركها
أو اغير الاسطب بس واخلي الصدمه على ماهي
أو اصلحها بورشه
{{ واللي ينصحني بورشه سمكره او شفط يقولي وين مكانها وكيف شغلهم .. الرياض والشرقيه }}
.
.
.
.
.
.
تكفون يآعيآل ساعدوني بالنصيحه اللي تقدرون عليها
.
.
.
.
سلامآ يالغآليُ ..
بسيطه أن شآءالله يفيدونك الشبآب ،
اول شي الحمد الله على السلامه والله يجعلها اخر الاضرار
عن نفسي اقول غير اصطب بس واذا بتعدلها تعديل خفيف بدون سمكره وبويا ممكن تضبط لاأنها بسيطه
وتقبل مروري ونشالله يفيدوك الشباب
الحمد لله ع سلامتك اهم من السياره
مشكلة الرفارف الخلفيه انها تجي طبقتين دبل وماتعدل الا بالسمكره
اذا انت مهتم بالشكل والسياره مطوله معااك .. صلحها واحتفظ بصورة الصدمه عشان لو بعتها بيوم ماا يكون المشتري على بينه انها حكه وليست صدمه وبكذا ماينزل بسعرها
اخوي نصيحتي لك ركب اسطاب وجرب الشفط او السحب بدون سمكرة او بوية وصدقني راح تعجبك
هاااااااي
الحمدالله على السلامه وانشالله اخر الاحزان
اشوف انك تحاول تغير الاسطب وتعدل الصدمه تعديل بسيط وانصحك تروح لمحل يعدل الصدمات بدون بويه هوموجود بالخبر وبيعدلها لك مثل الوكاله رقمه ااتوقع تحصله في جريده المبوبه احاول اني اقدرت اساعدك والله ياخذ الاجانب
شكراااااا
الحمدلله على السلامه اولا ..
بخصوص الشفط نزلت مره الصناعية اللي حول الدخل في الرياض مع واحد .. يقولون مافيه شي اسمه شفط تلعثمت
شوف اخوي .. اذا تبي تعدل لازم بويه ... وانا اشوف انو ماهي مستاهله .. الا اذا انت تموت في الشكل الخارجي مثل ماهو واضح في التوقيع ههه
انا لو مكانك .. اغير الاصطب واتوكل على الله .. خصوصا انو البويه باقي سليمه والحمدلله .. يعني لا تركز .. وفكك من الورش والرشات .. ورشه تضبط ورشه ماتضبط .. (اقصد رشة البويه) .. وخلك ثقيل على كلام الناس .. وانتهينا ...
^^^^^^^^^^^ة
نفس فكرتي
ولكن هذا الحل اذا كان البدي دخل (( طعجة)) من غير خطوط
الخطوط ما تروح الا مع سمكرة
و بالنسبة لي انا صارت في سيارتي و رحت الصناعية و اخذت معجون و سنفرة الخط و سويته بالبدي و نقطته بالصبغ و الحمد لله .
السلام عليكم ورحمه الله وبركاته
انا من نصيحتي اذا كانت السياره مطوله معاك انك تصلحها واذا تبي تصلحها انا عندي لك سمكري والله فنان وماشاء الله عليه واحدمن العيال معه اكورد 2009 صارله حادث ودليته عليه والله عجبه الشغل مره مره وفي الاول و الاخير الحمدلله على السلامه......
^^
جهــاز الشفط هذا وين يبــاع ؟
ياليت تعلموني ابيه ضروري
وماتشوف شر ياراعي الموضوع
وانا اشوفه انها بسيطــه
تحيتي
اول شي الحمد لله ع السسلامه وإنشاء الله انها كف ضر .. آخر المصايب انشاء الله
..
اخوي انا اقول حراام السمكره مدام البدي جديد ( يعني ما جاه صدمات قبل ).. لو احتفظت بالصوره يمكن ما يصدق انا اقول لا ترش ولا تسمكر حط عليها بويه بنفس اللون وأن قدرت تعدلها بدون سمكره.
غير الاسطب وبس ولمع الحكه
وخل العفطه موجودة لا تسوي فيها شي
الاسطب بالوكالة قيمته حول 280 ريال
انا جتني تقريبا نفس الضربه ورجعتها وكاله بدون سمكرة ولا شي بس كان الموتر كامري 2007 وغيرت الاصطب بس سويتها عند محل بالاحساء اسمه دايموند ممتاز جدا وانصحك فيه واخذ مني فقط 250 ريال ولا كانه صار شي
السلام عليكم
الحمد لله على السلامه وان شاء الله خاتمة الصدمات<~~متآثر
شفت صورة سيارتك وباين انها الصدمه جايه على الحرف معناه يبي لها فنان من شان يظبطها لك ونصيحتي لك توديها لمحل متخصص بتعديل يرجعها لك مثل الوكاله
انتبه توديها لسمكري لانه حرام يحوسها لك والموتر جديد
انا صار لي قبل فترة نفس الي صار لك بس جتني الصدمه بالرفرف الايمن الي قدام على الحرف
وديتها لمحل متخصص بتعديل موجود بالقصيم ومعروووف جداً تجيه ناس من كل مكان وانا مشيت400كيلو لعيونه
صراحةً شغله روعه ونظيف وتعامله راقي جداً
شوف الصور قبل وبعد واحكم على شغله
قبل
[IMG][/IMG]
بعد
[IMG][/IMG]
اتمنى ان الصور تظهر وتكون واضحة
الرد اخذ مني وقت فارجو انه افادك واذا بغيت اسم المحل انا حاضر تراه بالقصيم
سلامات اخوي
قدر الله وماشاء فعل
لعلها خيره لك اخوي
استخدم اللي يقولونها الشباب ممكن ينفع مع اني مااضن لأن العفطه كبيره شوي بس ممكن بالحرارة يضبط شوي
اذا بتغير الاسطب ممكن تغير البلاستيكه اللي ع الاسطب يعني تولف واحد جديد والافضل من وجهة نظري انك تركب اسطبات الليد عشان تطلع خخخخقققق واحلى
بسيطة يارجل بس غيرالاسطب
والف حمدلله على سلامتك ياغالي
أنا أشوف إنك تغير الاصطب مؤقتا لين تشفلك ورشة سمكرة محترمة ترجعلك السيارة مثل ما كانت
أنا أشوف إنه الرش أصعب من السمكرة على أي حال
وربي يعوضك يا رب
إحتمال كبير ينفع معها التعديل بدون أي سمكرة وبويه وشف الرجال إللي يقول بالقصيم تراهم جن يسوون شي مايخطر على بالك
كثيرين يروحون لهم
اخوي الاسطب خوذه من التشليح افضل لك وكاله ينزعه لك من سياره وكاله
لانه بالوكاله غالي
انا عن نفسي معاي اكورد 2004 وصار لي حادث من الخلف وتكسرن الاسطبات وشريتهم من تشاليح الكويت فكوهن من سياره
وبسعر رخيص مررررره الاسطب على 130 ريال
مواقع النشر (المفضلة)