الموضوع: رايكم باسعار الاكورد الخالية من المواصفات

المشاركة الأصلية كتبت بواسطة ابوعليان

اساسا انا من ناحيتي ندمت اكبر ندم اني شريت هوندا لو جلست على المقربع احسلي السنه الجايه اببيعها وافتك افشل سياره شفتها بكل شيء فيها حتى اللي يقول جوده اقوله مايعرف الجوده صح تبي تعرف الجوده اركب مازدا وتعرف كلمة الجوده بالياباني واذا تبي اعلى اركب مرسيدس وتعرف قيمة كل قطعة تركبها ولا تتحسف حتى تشيكاتها متتحسف اما الهوندا ولا غيره والله من ناحيتي حرام ادفع هلله وحده عليها

خخخخخخخخخخخخ اي جوده اللي تتكلم عنها ؟؟

وبعدين المازدا مع صاحبي وكل يوم يشتكي منها ومره ركبت معه وربي ان الددتسن احسن منها مليون مره حتى عيون القطط لما تطلع فوقها تسمع اصوات الديكور وكأنه بيطيح عليك

واخرتها ثاني ايام العيد كنت ماسك خط الشرقيه وقدامي مازدا 2010م انفقع عليه الكفر وهو ماشي يمكن تقريبا 120 ك بس مجرد انفقع الكفر قامت السياره تحوس في الشارع الين ضربت بالشبك الجانبي ويحمد ربه انه ما انقلب هاه قول لي وين الجوده خخخخخخخ لا نظام حمايه بعد الله ولا شي وش ابي بسياره تهلكني وتوديني للموت ... انا ما اقولك ان هذا مو مقدر ومكتوب له بالعكس هذا مقدر ومكتوب بس الامان مطلوب بعد الله بالسيارات والحمدلله ان الهوندا من اكثر السيارات امان وبشهادة اهل الخبره يعني مو بشهادتي ولا شهادة غيري

وليه تخليها للسنه الجايه دامها مفشلتك ومستاء منها روح بيعها اليوم قبل بكره عشان ماتتغير نظرتك ههههههههههههههههه

وعلى فكره اذا انت ناوي تشطح لاتشطح شطحه قويه اشطح شطحه على قدنا عشان نقدر نهضمها اجل تقارن الالماني بالياباني ههههههههههه معروف ان الالماني هو الغالب

اااااااااااه بس على هالمقارنات اللي مدري كيف الناس فاهمه معنى المقارنه غلط ع العموم حصل خير :d



وبعدين محد جبرك انك تشتري شي منت مقتنع فيه ومنت مجبور على شي وعلى فكره اذا ناوي تبدل موترك بموتر خويي المازدا عطني خبر :d لان خويي يبي اكورد :d


تحيتي لصاحب الموضوع ولحد يزعل بس كلامك مرررره مو مقنع اوكي انا معاك ان الهوندا فيها عيوب بس كلها عيوب استهلاكيه مثل الفحمات اللي للحين مالقو لها حل بس اما انك تجي وتتكلم على الجوده لا معليش اسمحلي انا مو معاك بهالكلام

ومره ثانيه اقدم لك عذري ولا تزعل

تحيتي لك ولجميع اعضاء المنتدى