الموضوع: رايكم باسعار الاكورد الخالية من المواصفات

السلام عليكم

ليش احنا اصحاب الاكورد مضلومين
دائما كل السيارات تتطور واحنا لا
ولا عاد اصحاب الاربعة سلندر الفل
اوبشن مواصفات زيرو
حتي زنون ما في بالسيارة وسعر مرتفع
واداء ضعيف او متوسط
اسمحولي اقول هذا الكلام من القهر الي
اجيني اذا اجوف السيارات الثانية والتطور
المذهل الي فيهم عجل الاكورد سعره يوصل
الأربعة سلندر لسعر
السيارات الستة ومواصفات زيرو
والسبب السيارة يابانية والي يقهر اكثر
السيارات الاربعة كلها شكمانين احنا اصحاب
الاكورد شكمان واحد مواصفات اتقول اكورد
98 مو اكورد 2010
استجابة السيارة في القومة خصوصا ثقيلة وبعد
سرعة 80 اتحس السيارة بدت اتبدل براحة ليش
جدي والله احس نفسي ندمان لاني شريت اكورد
في نظري زمن الاكورد راح
السيارات الكورية فيها تطور مذهل واداء رائع
افضل من الاكورد
لمتي نجدب على نفسنا وانقول الاكورد افضل سيارة
بينما السيارات الثانية افضل منها تكون
اصوات من الديكور عزل صوتي جيد ( وليس
ممتاز )عالشان
لاتقولون ظلمت الاكورد وصوت الكفرات
(الاطارات) مرتفع ويوصل لمقصورة السيارة
انا لولا الظروف والله بعته بس الحين عقب
ما اشتريته ندمان بس احاول اتاقلم ويا السيارة
ونشوف اخرته وش ويا الاكورد
والاسعار اصبحت فلكية والي يقهر
الناس تشتري بهل السعر وتترك السيارات
الثانية اعطوني شىء مميز في الاكورد
غير عن السيارات الثانية (مو تقولون
يابانية لان نعرف ان هي يابانية بس
الاحظ سعرها قريب ووصل للكزس
والافالون الفل والمكسيما الفل اوبشن
واحنا نشتري وصدقوني الاكورد
الجديدة يمكن اتوصل 125000
الى 130000 الستة سلندر
وبنشوف بعده الناس تشتريها
انا كلامي مو عالشان اكرهكم
بالاكورد بس اقول الحقيقة
وكل واحد عند ليه راي يختلف عن
الثاني بس احنا في زمن التكنولوجيا
والسيارات تتسابق على التكنولجيا
والمزايا في السيارات والاكورد
كل سنة ينزل الموديل واحطون ميزة
لا وعادي بعد وازيدون السعر 5000
ريال هذا شىء يقهر صراحة
لا واذا قلت ليهم ليش جدي قالوا
الاكورد يابانية
اهاااااااا بس لو يرجع الزمن
ما اخذ غير المكسيما او المازدا 6 الترا
6 سلندر بس خلااااااااص الحين
ما يفيد الندم علينا نرضى بالواقع
ونتحمل الاكورد لين الله يرزقنا
ان شاء الله وانبدله بسيارة
سنعة وعدلة
وسامحوني اذا كثرت في الكلام

وبانتظار ارائكم