الاخوة الاعزاء
تم حصول هذه المشكلة معي بالامس ولم اعرف مالسبب فكلي ثقة بالقائمين على هذا المنتدى الغالي
تم ارتفاع الحرارة فجأة بالسيارة ووجدت تهريب في بوابة الماكينة الي اسفل لي الهوا حق الماكينة.
ووجدت صيانة تم عمل لاصق معدني له وتم حل المشكلة الاولى...
ولكن المشكلة الاخرى هي ان السيارة لاتمشي عند اختيار d او اي حركة..فلماذا حصل هذا والان السيارة لاتتحرك عند التغيير باي وضعية لناقل الحركة...
هل يعقل ان يكون الجربوكس انتهى ام ماذا وماحل مثل هذه المشكلة ارجوكم الحقووووني..
وبارك الله فيكم وبمساعدتكم لي.
يا اخوي الجربكس فل الزيت فيه!!!!
وللمعلومية سيارتي اكورد 4 سلندر موديل 2005 فل كامل طبعا عارضها للبيع من قبل هذه المشكلة..
وهل في احد يشتريها بهالوضع والله نفسي طلعت منها--بس بدون بخس:d--؟؟
او يعطيني سبب المشكلة وين سببه؟
وبارك الله فيكم وكل عام وانتم بخير وربنا يتقبل الطاعة وصالح العمل.
عيد سعيد على الجمـــيع
يااخوان تكفووون ابس فزعتكم معاي ....
ههههههههههه اسعدتني بمرورك ويارب الحل قريييييب
عزيزي الشرح غير واضح اذا ممكن تشرح اكثر او تعيد صياغه الموضوع علشان نخدمك لأن نصف حل المشكلة بالشرح الوافي والواضح
################
ادخل هنا - يوسف سعد الدريويش (kakashi-san) إنقطع عمله وانتم أمله !!
################
سيارتي هوندا اكورد 2005 فل كامل 4 سلندر
عندما كنت امشي بالطريق السريع تفاجأت بارتفاع للحرارة الى مستوى H في المؤشر -علما انه لايوجد اي مشكلة سابقة بالسيارة ولله الحمد- واصبحت السيارة تنتع وانا ماشي على D طبعا كي اصل الى اوقف السيارة جانبا ولكن عند الضغط على دواسة البنزين لزيادة السرعة كي اتجاوز واقف لايزيد سوى المؤشر دون حصول سرعة فيصبح المؤشر على 5 rpm ولاتختلف سرعة السيارة لا اعرف لماذا؟؟؟
ولكن توقفت ولله الحمد ووجدت تهريب في ماء الرديتر في القطعة المعدنية الموجودة اسفل لي الهوا الذي نهايته فلتر الهواء...
فتم عمل لحام معدني وتعبئة الردتير بالماء واصبحت السيارة بدون تهريب..
وبعد ذلك اردت ان اتحرك لاكمل الطريق فلم استطع عند اختيار اي من نواقل الحركة 1 2 D3 D R لايوجد اي استجابة من السيارة للتحرك طفيت السيارة وفصلت البطارية واعدتها بعد قليل ولكن نفس المشكلة اتصلت فورا على احد الاخوة الميكانيكين واخبرني ان الجربوكس تعطل ويجب تغييره او شراء اخر مستعمل لان عمره انتهى وكانت الحادثة اخر يوم دوام في رمضان بالمساء.
لم اقتنع بجوابه لان الجيربوكس مبلغ وقدره والسيارة ممشاها ليس كثير 180000 فقط ؟؟؟؟
فارجو منكم المساعدة وارشادي لما استطيع عمله او اي شخص يساعدني علما انني قد قدمت عرضا في هذا المنتدى الرائع لبيع سيارتي من قبل شهرين.فهل يوجد من يشتريها بوضعها الحالي بدون بخسها؟؟؟؟
دمتم بخير واتمنى اني وفقت في عرض مشكلتي عليكم.
السلام عليكم
في عندك الراديتر والثلاجة وحساس الحرارة
اذا هذا الثلاثة اوكي انشاء الله الحرارة تنام عندك c
وانت حسب شرحك عندك الثلاجة تهرب واللحام ما يفيد واجد
التغيير يمدحونه واذا طولت في هدا الوضع بتوصل الى توظيب مكينة
وشكرا
طيب الحرارة اتوقع انتهى موضوعها وكل شي عندك تمام لكن انتبه بالمستقبل اول ارتفاع للحرارة اوقف المحرك فورآ حتى لاينعدم عليك رأس الماكينة
بخصوص القير السيارة تحتاج فحص كمبيوتر لمعرفة السبب ودون ذلك ستجد تخبط في الاجابات لكن اعرض السيارة على ميكانيكي شاطر قبل كل شي والله يعينك على شيلتها بالسطحات
ونصيحتي شيلها من أول مرة وعلى الوكالة على طول ( فحص كمبيوتر شامل فقط بدون اصلاح ) يمكن يكلفك 200 الى 500 ريال اذا ماني غلطان ويصححون لي الشباب ان شاء الله ، وراح يسلمونك التقرير فيه كل شي وسبب المشكلة
################
ادخل هنا - يوسف سعد الدريويش (kakashi-san) إنقطع عمله وانتم أمله !!
################
أول شي كل عام وانت بخير
بس ياليت توضح المشكله الي عندك في القير ولا المكينه , لأن القير لحال والمكينه لحال
وهل السياره تمشي إذا كانت بارده واذا سخنت صارت ما تمشي , وتلاقي حرارة المكينه طبيعيه والسياره تغير نمر من كيفها يعني تكون بنمره 3 وترجع 2 وبعده ترجع ل3 ؟
إذا كذا معناته الجربكسات عندك خربانه , وسببه الدعس الزايد
والله يعينك , وكم لك شاري السياره ؟
وتراء كلامي مجرد توقع على كلامك , لكن لأحسن توديها لورشه متخصصين للغير الأتماتيك
وهم بيعطونك الكلام الأكيد , وإذا أحتجت شي تراهم يمدحون التشليح لأنهم يعطون ضمان شهر
الحمد لله الحرارة تمام وانحلت مشكلتها....
دلوني الشباب على ورشة في جده- في شارع الاسكان- اسمها مركز صيانة هوندا ((م.مطهر & م.نعيم))
هل في احد مجربهم او يعرف عنهم شي افيدوني بارك الله فيكم..
والله يااخوي القايلة العطل انه السيارة فجأة ماتتحرك نهائياً اذا غيرت الى اي من 1 2 d3 d r...يعني ميتة على الاخر..
ولا فادة معها اي عملية انعاش !!!!
ونفسي اعرف سبب عطل الجربوكس هل هو كذا؟؟؟ وايش السبب؟
وهل هذه الورشة بتنصحوا فيها للاصلاح...افيدوني
يعطيك الف عافية اخوي وكل سنة وانت بخير ان شاء الله عساك دايما من عواده .... صراحة جيت اقرءا بعض المواضيع عن قطع الهوندا بحيث استفيد وناوي إن شاء الله تنزيل ما كينة H22a على سيارتي من نوع هوندا برليود كوبيه 97 وتجهيزات اخرى ... وللاسف كلنا مجموعة من الشباب معنا سيارات هوندا إلي سيفك وإلي برليود وإلي سي ار اكس معظمهم اتعطلت عليهم السيارت وتقول كأنها عيدية العيد لهجولة الهوندات .. هههههه والحمدالله مسيطرين على الوضع.. بالنسبة للمشكلة إلي صارت عندك بتهريب الموية صارت نفس المشكلة عندي وانا حاليا عندي ما كينة اكورد فيتك موديل 2000 منزلها على البرليود ولحمت الراس نفس الحركة إلي مسويها طبعا مشيت السيارة بس للاسف ما شفت خير فيها من كثر الحرارة بين كل فترة والثانية لدرجة ان حساس بوابة الهوا انعدمت واصبح وزنية السيارة غير طبيعية والرقم على ار بي ام يوصل احيانا 2 طبعا ... هجولة الهوندات اصبحت بدمنا .. رحت للصناعية شبك المطار لمحل قطع غيار الهوندا غير فقط الحساس اسفل لي الهواء إلي موصول فيه ماسورة الموية الصغيرة إلي يدخل للثلاجة ... والله ثم والله رجعت السيارة لحالتها الطبيعة واحسن ... وانا اسف للاطالة لكن ممكن نتقابل وانا اسئل من المعارف عن مشكلة السيارة عندك بالنسبة للجيربوكس وان شاء الله تتعوض بأحسن ( وهذا الايميل الشخصي بحيث نتواصل dragon_20006_@hotmail.com )ولك مني اطيب تحية
السلام عليكم ورحمة الله وبركاتة وكل عام وانتم بخير
السلام عليكم
حبييي مالك الا الوكاله في تشخيص المشكله وتحديدها ثم التصليح في ورشة ممتازة
بس يمكن تحتاج سيارتك اعادة برمجة الجربكس دام انها ما تتحرك
وان شاء الجربكس سليم
ودمتم سالمين
والله يا غالي اخذتها على ورشة متخصصة بالهوندا وعلى كلامه الجيربوكس دورت مستعمل او من دبي وماحصلت فوضح لي انه يباله توظيب ويديني ضمان شهرين..كيف اعرف انه غير القير وانه الشغل والجربوكس 100% ليطمئن قلبي؟؟؟افيدوني والي يرحم والديكم.
طبعا طلب الرقم الفلاني..((الله يعوض علي))
فما ادري هل صحيح هالكلام علما بان الممشى 180000كم ...وانا لله وانا اليه راجعون قدر الله وماشاء فعل.
انا مع راي الشباب انك تفحص كمبيوتر للقير بالوكالة قبل تتخذ اجراء التوظيب
الورش في مشاكل القير ماعندهم غير كلمة توظيب ...وممكن المشكله من حساس لا اكثر
مواقع النشر (المفضلة)