وعليكم السلام ..
اذا تبي نصيحتي ، اشتر لك كبوت جديد ورشّه رش كامل وحطه بدال هالكبوت اللي رايح فيها ..
واحد من ربعي سمكر الكبوت ، في الاخير يرتفع علينا اشوي في الخط
مثل هالاماكن ما ينفع معها الا التبديل بدون سمكره ..
السللام عليكم ,كل عام وانتو بألف خير , انا الحمد لله شريت سيارة هوندا 2008 اكورد طبعا ,والسيارة شبه جديدة وبسعر يابلاش ,المووووهم ان العيب اللي بالسيارة هي فجوة بنصف الكبروت,فيه واحد جالس بمنتصف الكبوت وسبب له طعجة وهاذي مسببه لي قلق , ودي الله جكزاكم الف خير تنصحوني بالحل وش اسوي ودي اشيلها بدون سمكرة ولا ابي منكم اي حل وياليت اللي يقترح محل يكتب لي اسمه,وهاذي صورة الطعجة:
وعليكم السلام ..
اذا تبي نصيحتي ، اشتر لك كبوت جديد ورشّه رش كامل وحطه بدال هالكبوت اللي رايح فيها ..
واحد من ربعي سمكر الكبوت ، في الاخير يرتفع علينا اشوي في الخط
مثل هالاماكن ما ينفع معها الا التبديل بدون سمكره ..
انا مع كلام اخوي كاكاشي
وبعدين اللي جلس عليها فيل ولا سيد قشطه
^^^^
:d
الافضل زي اخونا كاكاشي تبدل الكبوت وروح التشليح يمكن تحصل كبوت لون اسود ونظيييف
الله لايهينكم ويدخلكم جناته على مروركم
سمكرهـ عند ورشه مضبوطه والخيار لك
سلام عليكم وكل عام ونتم بخير (زيرو)
سواله شفط عند محالة تالميع ويظبط انشالله
اللي جلس عليه تحس له سنتين ما جلس :d
لكن امره سهل انشاء الله
جرب الشفط في محل يشفط على طريق خرص
خل وكالة برجستون على يمينك بيجيك دوار الاحساء روح سيدا بتجيك مجموعة معارض على اليمين هو معهم
لكنه يسلخ في السعر انا رحت عندي طعجة بطول اصبعي قال 350 ريال
مر عليه واذا كان سعره زين توكل على الله واذا غالي سو زي ما قالك اخوي كاكاشي كبوت جديد ورشة ولونك اسود يعني اكثر الورش تضبطة 100%
اف اف اف وش كبرهاا
الله يعووضك خير يارب
^
^
^
ههههههههههههه
والله شكله صادم أحد عليها , ولا ضربت عجراء
لكن انت أحسن شي تسويه سولها شفط عند ورش السمكره ويرجعه لك زي الحلاوه ولا يخذو وقت
ولا بعد يكلفك , وألف مبروك على الزينه والله شكل , ماشاء الله
وعليكم السلام
وكل عام وأنت بخير يا أخوي و ألف مبروك الموتر والله يعطيك من خيره ويكفيك شره
أولا أنت يا أخوي ذكرت كل شيء بس أهم نقطة ما ذكرتها وهي مكانك ياخوي لأنه حتى البيانات الشخصية إلي على يسار مو كاملة
يعني ما ذكرت من وين بالسعودية هل بالرياض ولا الشرقية ولا القصيم ....إلخ . حتى تستفيد أكثر . وبالنسبة للعفط أنا أشوف أمره سهل وهو التعديل بدون رش ولا سمكرة تعديل يدوي من ورشة حلوة وشغلهم زين وبكذا ترتاح وما أعتقد راح تكلف واجد .
وإذا أنت بالقصيم فيه ورشة بعنيزة بالصناعية أسمها ورشة أبو فهد شغلهم بالتعديل شغل ما عليه كلام أنت أسئل عنه والعمال حقينه باكستانيين أفضل ما فيهم التعديل فقط . وإن شاء الله أكون أفدتك .
اتمنى العيال افادوك
وانا اقولك مايحتاج رش او سمكره
شفط
وحتى تقدر انت تجربها
جرب روح لمحل الأواني المنزليه
وبتلقا عندهم حق فك الانسدادات مدري كيف اوص لك شكله هههه
اهو يشفط وقد شفت موضوع وفيه صوره
وان شاء الله تكون فهمتني :d
بحاول اجيب لك الصوره
شوف انا بقولك عندي فورد عدلتله بالكبوت نفس المشكله بس للحين ما ظبط اعلمك ليش لان
الوزنية حقت الكبوت ما ظبطت بس هل احد يضبطها او لا والله ما ادري بس انا من رأيي خذ
لك كبوت جديد ورشة احسن لك من انك تتوهق بكرا بالكبوت طالع لك من مكانه,,
هذا ماهي جلسه
هذه نطة ورع على الكبوت من سيارة الى سيارة والله اعلم
اذا كان عندك نية تغيير كبوت جرب هذه الطريقة قبل ماتغيره
جيب استشوار وسخن مكان الطعجه لمدة خمس دقائق بعدين جيب بخاخ اسمه فريز تلقاه عند محل مجداف اللي في الديرة شارع الثميري بالرياض قيمته 17 ريال ورش على المكان اللي سخنته بهذا البخاخ ( البخاخ وضيفته التبريد ولا يضر ابدا ويستخدم مثله في اصابات الملاعب البخاخ اللي يرشونه على سيقان اللاعبين اذا قصوا بعضهم )
راح يطلع الجزء المنخفض باذن الله
التجربة سهلة وقد تغنيك عن شراء كبوت جديد
ابحث في اليوتيوب عن هذه الطريقة راح تحصلها مصورة ايضا موجودة هنا اعتقد في احد الموضوعات
والله يعطيك خيرها ويكفيك شرها
مثل ماقال خفيف الروح سوله شفط ولايحتاج اساسا فك كبوت ولوشريت كبوت سواً وكاله اومن تشليح في النهايه بيرشونه كامل
جيت بكره بتبيعها قالولك مدخله وجهيتها كامله وتقبل مروري
هلا فيك يالغالي
لا تشتري كبوت و ولا تسمكر
الحل هو انك تروح لسمكري شاطر وعند محلات السمكرة المجهزة تلاقي جهاز شفط قوي جداً يقوم بشفط الضربة ويرجع الكبوت لوضعه الاساسي او في طريقة عند حقون السمكرة وهي بالمطرقة لكن أنصحك بالشفط اضمن واذا ما نفع اتجه للمطرق بس صدقني ان الشفط بينفع لانه شفط قوي و مضمون
واتمنى إني افدتك
وسلامتك ،،،
مدام السيارة عروسة ونظيفة بالكامل وما فيها إلا الطعجة هذي
أنا لو مكانك شريت كبوت جديد ورشيته في مكان محترم وريحت راصي مرة وحدة
سمكري فـنان .. يحــتاج لـ ساعتين فقط وبدون بوية ( شغل بارد )
وأنا أضمن لك إنها ترجع وكالة .. نصيحة لا تغير الكبوت ياليت لو تـحـدد موقعك !
انا من الرياض
جرب شفاطت البلاعات وانت والقارئين بكرامه
ترها شغله مجديه
الله لايهينكم كلكم
والله اني مادري لكن فيه عندك ورشه الوفاء اللي بصناعيه الجنوب روح لها ..
يمدحون شغلها ...
انا أذكر واحد من عيال عمي صارله نفس الشي بس بالباب الخلفي خلف السواق وراح لورشه وسووله شفط بدون سمكره ولاشي ورجع زي اول كأن مافيه شي .. فانت لاتستعجل وتسوي سمكره روح للورش وقله ابي اسوي شفط مو سمكره ...
والله دخت من كثرة الاراء
ارس على بر شفط اورش وتغير
ان مانفع الاول دور لك على كبوت نفس اللون وركبه وحبة تلميع ولاكأن شئ صار
مواقع النشر (المفضلة)