الموضوع: متحطم لاني اشتريت اكورد

المشاركة الأصلية كتبت بواسطة dream accord

وأنا بصراحه ومع احترامي لك الشديد صرت اشك بعمرك والمراهقه مأثره فيك كثير بالله كلامك كلام ناس عاقلين اتمنى ماتزعل من ردي:o


طبعآ كلامي لصاحب الموضوع

تراك لحست مخي لما اقتبست كلامي :d

-----------------

طيب يالغلا اذا السياره مو ماشيه كثير شوف شخص يبي يشتريها استخدام له وان شاء الله ماينقص من سعرها كثير

لانك اذا مو مقتنع راح تكرهه السياره

واعتذاري لك اذا حصل مني اي خطأ

المشاركة الأصلية كتبت بواسطة اكورد وبس 2010

لكن ابي اقولكم شي
تخيلو معي بيوم واحد سارق الغاز اللي بيتكم وشفتوه وتبون
تلحقون وراه ساعاتها وش بتسوي
بتروح تكسي من جد ما انكت بس فكرو فيها

اهااا .. زين نبهتنا الله يجزاك خير .. أجل من بكره أبيع السياره أهم شي الغاز لايروح :p

ياحبيبي أولا انا مستغرب منك التهور هذا حتى في ردودك .. ليش تحسسني انك مستعجل بموتك الله يبعد عنا وعنك شر الحوادث ؟

اذا والله انت بايع عمرك .. ترى وراك أم وأب وأخ وأخت وناس كثير يعزونك .. ماودي أدخل بهالفلسفه والكلام العاطفي الي أنت تعرفه زين ويمكن أكثر مننا .. لكن باختصار

السياره ماهي سريعه طال عمرك ولو انت حريص على السرعه كان بديهيا أخذت غير الأكورد أو على الأقل أكورد v6 لكن انت تطلب شي مستحيل مع العلم ان عزم الأكورد بالنسبه لي جيد وماهو بطال ( للقياده الطبيعيه )

أما ان كنت تتكلم عن أي شي ثاني في السياره فأقولك ريح بالك .. والله لو تحوس وتدور على سياره في فئة الأكورد وأحسن منها انك بتبلط البحر ولاتلقى .., واسأل الي عندهم الأكورد من 5 سنوات ( العمر الافتراضي ) ويعلمونك معنى أكورد .

عموما أحمد ربك .. غيرك ماهو لاقي شي يلم عياله فيه ويوصله من مكان لمكان ويساعده في باقي عمره ..

اتمنى أكون مازعلتك وفي نفس الوقت أتمنى انك تراجع نفسك شوي

المشاركة الأصلية كتبت بواسطة اكورد وبس 2010

أكورداوي

يا طيب اي موت الله يبعدنا عن الحوادث
انا اتكلم عن سرعه ماهي 260 سرعه عاديه تحس انك راكب سياره
وسالفة خذ 6 انسى مافي امل اشتريها
بقولك ملاحظه مهمه
توني قبل العيد شاري عظر من قزاز
جيت للسيارة وعطرتها
تعرف وش صار
ديكور كله نقااااااااااااااااااااااااط ولا راح
ذا لسى بداية الخيث قطرة
حاولت اوخرها ولا قدرت
ذي اول ملاحظه وتوها جديده

وش نوع العطر ؟

جربت CH ؟ :p

اقول الله يهديك بس ترى اي ديكور سياره لو ترش عليه عطر يروح خابور لو ان شاء الله اكسنت << صارت عقده :d

المشاركة الأصلية كتبت بواسطة اكورد وبس 2010

أكورداوي
يا طيب اي موت الله يبعدنا عن الحوادث
انا اتكلم عن سرعه ماهي 260 سرعه عاديه تحس انك راكب سياره
وسالفة خذ 6 انسى مافي امل اشتريها
بقولك ملاحظه مهمه
توني قبل العيد شاري عظر من قزاز
جيت للسيارة وعطرتها
تعرف وش صار
ديكور كله نقااااااااااااااااااااااااط ولا راح
ذا لسى بداية الخيث قطرة
حاولت اوخرها ولا قدرت
ذي اول ملاحظه وتوها جديده

انت متأكد ان هذي ثاني سياره عندك ؟

يأخي اي ديكور سياره في الحياه كلها يتأثر بالعطر

شكل المعلومه جديده عليك , لان صراحه اشوف الموضوع انقلب استهبال وضحك !

المشاركة الأصلية كتبت بواسطة اكورد وبس 2010

اي جديدة يبو شباب
من يومي ونا اعظر السيارة القديمة ولا عمري شفت بقع ولا شي
شكلك متاثر بالاكورد
جرب العطر لاي سياره 2 وشوف

حبيبي انا ماعندي اكورد عشان ادافع عنها

ولكن شكل السياره الي كانت عندك طلبيه كلها جلد

المشاركة الأصلية كتبت بواسطة اكورد وبس 2010

السلام عليكم
للي رد على موضعي شاكر مرووره
لكن ابي اقولكم شي
تخيلو معي بيوم واحد سارق الغاز اللي بيتكم وشفتوه وتبون
تلحقون وراه ساعاتها وش بتسوي
بتروح تكسي من جد ما انكت بس فكرو فيها
السرعه مهمه من غيرها ولا شي السياره
لكن اتمنى اللي عنده علوووم بالاكورد كيف اقلبها صاروووخ حتى لو تنعدم
يفيدوني
وارد على الاخ hema14
السيارة شكل
ما تخرب انسى لان مافي سياره ما تتعطل
تحافظ عليها تدوم لو تجيب سيارة صيني
اعرف ناس معهم التيما كامري سوناتا وووو
ولا عمرهم اشتكو على سيراتهم بعطل او شي
وبقولها قدام كل اعضاء المنتدى
راح اسوي مواضيع عن مقاومات عن كل سيارة فديو
لفضيت وشكرا

السلام عليكم ورحمة الله وبركاته

في البداية كل عام وانت والاعضاء كلهم بخير

عزيزي انا تابعت موضوعك من البداية وماشاء الله الشباب ماقصروا وحتى لو كان بعضهم منفعل بالردود ولكن متأكد من أسلوب طرحك للموضوع هو السبب والاكيد كان لازم تجرب السيارة قبل الشراء

اولآ اسلوب السرعة والسيارة سلحفاه وغيره انتهى من زمان .. الواحد ياخذ له موتر يشيله ويكفيه عن السؤال يافلان ودني يافلان تكفى وصلني ياتكسي تعال للعنوات التالي وياتكسي ودني للعنوان التالي وغيرها من تأخير عن الدوام وغيره

أيام صادفتني بدون سيارة والله كنت اتمنى يكون عندي لو موتر مكسر بقيمة 2000 ريال بس يوصلني ويكفيني ذل السؤال

مشاركتك بخصوص سارق لأسطوانه الغاز ذكرتني بموضوع قديم صار لي وهذا اللي خلاني اكتب مشاركتي هنا

اولآ اللحاق بالسارق وغيره اقدر اقولك الأمور تطورت وانا اخوك اذا سارق سرق من بيتكم اقرب تلفون ودق على الشرطة وبايخذون بصماته وصحيح الموضوع ممكن يمتد الى سنين ومايمسكونه لكن يجيه يوم ويطيح

وقبل كل شي الله موجود يكفي الدعاء

اخوك المباشر 32 سنة يشهد علي ربي شفت فيها الكثير من الحوادث وكنت ضحية 4 منها فيها العنيف وفيها المتوسط وكلها كانت ايام المراهقة

دقق هنا : هذا سبب كتابتي للرد

كنت راكب مع خالي في موتره ومادري وش جاه ولصق الدعسة طبعآ فورد ماعليه كلام يفز مثل الاسد لكن المفاجأة هي

طلع علينا واحد من احد التقاطعات فجأة وللأسف هو والزاوية واحد والله ستر علينا لكن المسكين راعي السيارة تعور كثير

مرة ثانية ماخذين تقاطع في احد شوارع الخبر في سيارة نيسان اقسم بالله طلع علينا واحد من قوة الضربة لصقنا في زاوية بيت والمشكلة الشارع وسيع والرصيف عالي بس تخيل من قوة الضربة وش صار وكيف ودانا كل هالمسافة

والحمدلله طلعنا بخير فتخيل نفسك تطارد سارق وطالع عليك بزر ولا موتر وماقدرت تمسك نفسك وقتها

مشهد آخر ؛؛<< كثيرة شفتها لكن مابي اطول بالحديث

المختصر الواحد يركد في سواقته وموتر يشيلك اصرف من ذل السؤال مهما كان نوعه ومهما كان موديله

انا واحد متحسف اني مازدت فلوسي شوي وقتها يوم شريت الاكورد وشريت لي لكزس لكن كذا واحد يحاولون فيني ابيع موتري ومتمسك فيه بضروسي ورافض لأني مرتاح معاه ومرتاح من الورش ومابي افرط بالموتر مادري ليه ..

انت لازم ترضى بموترك او تبيعه وتريح راسك وتشوف لك غيره

عزيزي صاحب الموضوع ....اضن انك طلعت اللي بخاطرك عن سيارتك

والشباب اغلبهم ماقصر بافاداتهم لك

والموضوع لو بيطول اكثر من كذا راح يخرج عن هدفه

لذلك سنضطر اسفين الى اغلاق الموضوع