متحطم لاني اشتريت اكورد

**اكورد وبس 2010** · 10-09-2010, 02:00 AM

السلام عليكم
يعني مدري من وين ابدا لكن بالفعل نادم لاني شريت سيارة اكورد 2010
انا مادري وش تتميز ذي سياره من جد
اكسنت بالقومه احسن مني شي يقهر مسافه قريبه
دافع فيها مبلغ كبير ليه
وبعدين سوناتا اللي كاني سيكل قدامها
ولا وش ولا وش سيارة ما منها فايدة لو قلت لي شكل ما شكل استريح
او قلت لي اسم وياباني هم اسريح
انا لو معي سيكل اهون من الاكورد ذي
اعذورني على اسلوبي لكن متحطم
ما صار لها شهر ومابيها
مدري وش اقول لكن ما انصح احد يشتريها لو تجي اكورد 4000م
وابي افهم شي واحد وين الثبات بطريق وكمان معك شاحنه وش ذا صوت كفرات
وكل ما اركب السياره لازم رجلي تصقع بالديكور اللي قريب من الكرسي وش ذا
حتى كراسي
كان معي سيارة اكسنت 2008
ويا ليت ما بعتها
والله ابرك والله
وش اسوي بالنشبه مدري
اسف لاني منفعل ومدري وش اقول

**ابو امين** · 10-09-2010, 02:03 AM

عندي لك حل
بعطيك اكوردي 2005 وعطني اكوردك 2010
والفرق ما بنختلف وصدقني بتعجبك

**Pink Dream** · 10-09-2010, 02:08 AM

في احد ينزل من اكسنت لاكورد !!!

الله يهديك بس ...

**أكورد خليجي** · 10-09-2010, 02:10 AM

لاتحطم ولاشي اعطيك اكسنت 2010 واخذهااااااا

**اكورد وبس 2010** · 10-09-2010, 02:17 AM

انا ما انزل مستواي ولا شي
لكن معقوله 1.3 بالعزم مسافه قريبه (يعني كيلو )
افضل من الاكورد 2.4
شاكر مروركم

**foooos** · 10-09-2010, 02:37 AM

كل كلامك عار من الصحه واشتم به رائحة التعصب النتنه

ماتبي السياره رح بعها

انت ماعجبتك في ملايين عجبتهم

قال اكسنت قال

وجملة مهي راسيه هنا مربط الفرس انك متعصب وحاقد وكفى

وبعدين رح بعها واشتري 3 اكسنتات عليهم عرض ترى

**henry السعودي** · 10-09-2010, 02:44 AM

طيب اخوي انت ليش تشرتيها وبس!!!
المفروض تكون مجربها قبل ما تشتريها ، ومستحيل وثم مستحيل وثم مستحيل ان قلبك كان متقطع عليها قبل ما تشتريها.
انا قبل ما اشتريها كنت رايح للوكالة تقريبا 5 مرات بس عشان اكحل عيوني بفخامة الاكورد واصبّر نفسي لين اشتريها.

وصحيح ان فيها بعض العيوب ولكن والله لاني شاريها وانا صدق ابيها نسيت هذه العيوب.

**HONDA1998** · 10-09-2010, 02:45 AM

امممممم بجد كلام غريب وعجيب ...
أخوي العزيز عندي لك النترا 2004 يعني أحلى وأقوى من الأكسنت وش رأيك ...
راس براس وأوعدك ماراح أزعل ع تبادل السيارتين
رغم إني بعد كلامك حسيت إني أنا الخسران وأنت الكسبان بس أوعدك مراح أشيل بخاطري

**Doabil** · 10-09-2010, 02:47 AM

أخي الكريم
أنا لن أحطمك أو أرفع من معنوياتك
و لكن في مقولة مشهورة و هي حكمة بحد ذاتها ألا و هي (( القانون لا يحمي المغفلين))
و أنت بعيد عن هذا الوصف و لكن
اذا نظرت الى الموضوع من عدة نواحي ستلاحظ أنك اعجبت بهذه السيارة من النظرة الأولى فالعين و ما تشتهي و القلب و ما يهوى ، فعليه أنت لم تكن مجبر عليها لأنك انسان مخير و لست بمسير ،
فكان بمقدورك أن تجرب السيارة قبل أن تأخذها و كما أنت ذكرت أنك لا تعرف شي عن هذه السيارة فهنا يكمن الخلل في اختيارك و ليس في السيارة فكيف تدفع مبلغ ليس بقليل من المال في بضاعة لا تعرف ماهي غير أنها تسير على أربع كفرات ؟!!!!!

أخي الكريم أنت تناقض نفسك و تعطي فكرة للعامة على أنك انسان متسرع .
تذكر أن غيرك ليس بمقدوره شراء قوت يومه و أنت و لله الحمد غنى عن سؤال الغير فبدل أن تذم و تلم قم و اسجد لربك شكرا على ما وهبك من نعم فالأنسان لن يأخذ معه في قبره سيارة و لن يسأل عن مواصفاتها .....فالزهد في هذه الحياة مطلب و القناعة كنز و شكر الله استثمار تجنى مكاسبه في الدنيا و الآخرة .
و فقنا الله و اياكم .

**الـــظـــل** · 10-09-2010, 02:54 AM

اشتري لك بورش أو بي أم دبليو الفئة السابعة عشان تنعم بالثبات و العزم الجبار

أو بانوراما

ولا تزعل روحك ياخوي

أو مازيراتي تراها جبارة

**FiReFiGhTeR** · 10-09-2010, 03:10 AM

السلام عليكم ورحمة الله وبركاته
كل عام وانتم بخير....
اخوي صاحب الموضووع...

*اول شي الكل يعرف ان الاكورد 4 سلندر انها بطه بس مو لدرجة الاكسنت تطلع عليها يمكن المشكله في السواق او السياره مو ممرنه
*ثاني شي كلمة ان الاكورد مو راسيه اسمحلي ياخي انا شخصيا ما شريت الاكورد الا علشان البدي والرساوه ومواصفات الامان
*ثالث شي الحين وش فايدة السرعه من غير انظمة الامان يوم تقول اكسنت وسوناتا ياخي شوف الانظمه اللي في السوناتا الفل وشوف الانظمه اللي في الاكورد السوح اقل فئه.
*رابع شي من ناحية ازعاج الكفرات ترا فيه اختراع اسمه بانو gr-90 برجيستون او ميشلان برميسي و غيرها.
-اخوي يمكن انت شريت الاكورد وانت مالك رغبه فيها او مستعجل فهذه مشكلتك.
-انا كنت املك اكورد 2007 اربعه سلندر وبعتها وامتلك حاليا 2010 v6 والحمد لله فيه بعض الملاحظات ولكن الكمال لله وانا مقتنع
و انت اذا مة مقتنع بع سيارتك وشوري لك خل عنك السرعه والقومات وترا الاكورد موتر حلو واحسن من غيره.
اسف على الاطاله....

**اكـ2007ــورد** · 10-09-2010, 03:13 AM

يآعزيزي اقرب معرض وبعها:d

**القايله** · 10-09-2010, 03:14 AM

اخوي الله يرزقك احسن منها رغم اني ماشوف عيب بالاكورد كاايد
والغريب تفضيل الاكسنت عليها لايكون فيك عين وبنسبه لرساوه معليش اعترض عليك

المهم اذا ناوي على البيع عندي اكسنت 2009 وادفع لك الفرق

**kakashi-san** · 10-09-2010, 03:28 AM

وعليكم السلام ..

كل(ن) عقله في راسه ويعرف خلاصه ..

كان ذاك الوقت يمديك تجرّب الاكورد وما تشتريها ..

الأكورد ما فيها مميزات ، لكن يكفي صناعتها ،،

رغم اني بعتها لكن الى الان لي الفخر اني امتلكت في يوم من الايام ( هوندا )

لاني جربت سيارات كثيرة ، وما قد نزلت الورش ابد بالهوندا كثر ما جربت الورش بالسيارات الباقيات ..

والأكورد الـ 4 سلندر ابداً ما تمشي ، لكن الثبات ، يشهد الله انها من اروع السيارات اللي جربتها في الثبات ،،

واذا انت ناوي تبيعها ، اخوي معه كورولا 1,8 2009 تراها كويسه حق قومات ،،

الله يوفقك يا كويس وان شاء الله تشتري اكسنت ،،

**رحلة شقئ** · 10-09-2010, 03:36 AM

الحمد الله كلنا معنا الاكورررررررررد ومرتاحين فيها فيه بعض العيوب الخفيفه جدا جدا جدا
الغلط منك (((( ياكورد وبس2010)))) كان جربتها في الوكاله قبل لاتشتريها
صلي ركعتين واحمد ربك على النعمه الي عطاكيها ربك
والله يوفقك الله يوفقك الله يوفقك وتحن للاكووووووووووووورد يالغالي
الصوت سوا عاااااااازل صوت مايكلفك ولا 500 ريااااااااااال
وانسى الكفرااااااااات
الـــمــــشــــكــــلــــه
ان الكفرات هي الي معطيه الاكوررررررررد حلاوه زياااااااااااده
والله يوفقك الله يوفقك الله يوفقك

**مجنون اكورد 07** · 10-09-2010, 03:38 AM

حرام عليك مو لذي الدرجه جرب السيارة اللي من فئتها وبتعرف كلامي

انا معي اكورد v6 2007 قوية واحلى رساوة وديكور بعيدعن الكرسي وماشية 19000 فقط راس براس يالله عرض لا يفوت

**max2010 4ever** · 10-09-2010, 03:52 AM

أخوي نصحيه لوجه الله
لا تفكر تبادل سيارتك ويه اي سياره ثانيه اقدم سواء موديل 2007 او 2005 ا و2004 واله هو
لان كفايه عندك سياره موديل 2010 واكيد ما فيه مشاكل والضمان موجود
اول شغله دخله الوكاله وشوف سعره كم راح يعطونك وحط عليه للبيع وشوف كم راح جيب ليك ؟
ثاني شغله اذا كانت خسارتك قليله وتقدر تحط في سياره ثانيه على ميزانيه طبعا
مع اني ما اؤيد انك تفكر تبيع لان سياره جديده

**احمد 182** · 10-09-2010, 03:57 AM

حدث العاقل بمايعقل اوما اكسنت ازين اسمحلي ماعندك.......

**مجوودي كوول** · 10-09-2010, 04:06 AM

معليش يا اخوي بالنسبه للرساوه انا راح اعلمك بقصتي
ذيك المرة كنت جاي من ينبع الين جدة فجيت بتجاوز واحد من الكتف الايسر و هاذي كانت اكبر غلطه مني ولاكنالاسفلت صغر فاضطريت اني ادخل على الردميه و كانت الكفرين اللي في اليسار على الردميه و اليمين على الاسفلت و كنت ماشي 210 ف السيارة حذفت مني بسبب اختلاف السرعة بين الكفرات و السيارة راحت مني يمين و بغيت اجيب الرجال اللي كنت بتجاوزة و اطالع في الطبلون و القا انوار تشتغل و ال vsa و ال abs شغالين بصبات السيارة
لو اني باكسنت كان رحت فيها انقلاب بس الحمدلله ستر من ربك و درس اني ما اتجاوز من الكتف و ما اسرع و الموتر 2010
اما اذا حاط في راسك انك ماتبيها الله لا يهينك على المعارض و ان شاء الله تلقى فيها مبلغ حلو
يارب تتهنى فيها لو تبيها و لو ماتبيها ان شاء الله يرزقك باحسن منها و يوفقك في بيعتك

تقبل مروري

**Silver Aurion** · 10-09-2010, 04:09 AM

^^^^

الحمدلله ع السلامة و ان شاء الله ما تتعرض لمثل هذه المواقف انت و الشباب كلهم

و ال vsa و ال abs شغالين بصبات السيارة

قصدك بس vsa .. اما الـ abs اذا اشتغلت لمبته تدل على وجود خلل

مجدر معلومة

**هاااوي الاكورد** · 10-09-2010, 04:13 AM

السلام عليكم
اخوي انا ما ادري وش اقولك بس بصراحه انت حسستني انو السياره ما تسوى ريال
وكل الاشياء الي انت قلتها انا ما شفت منها ولا شي
انا توني نازل على جده ومشالله كنت ماشي على الفصله وما تاذيت من اي شي ومنحيت الكفرات الكل عرف انو كفرات الوكاله تعبانه رح اي بنشر وغير الكفرات
ام انك تقولي رساوه معليش والله انت ما ينفعلك غير bm او بنورامه ويمكن تقنعك ويمكن لا
ومنحيت العزم انا كنت مثبت رجلي على 200 وكل شوي السياره تسحبني الين توصل 215 وتفصل وانتبه وارفع رجلي ام في القومه يمكن انها ضعيفه لكن مو لمستوا الكسنت

**اكورد مودي** · 10-09-2010, 04:14 AM

اعتقد انه الشباب ما قصروا معاك يا صاحب الاكسنت بس احب اقولك هذا الشي من واقع تجربه مع ولد الجيران الي معاه سوناتا
كنا عند الاشارة واقفين وهو يستهبل الا يبغى يطارح تعال اوريك دخلت الحي تقول كانك في سباق فورملا ون ميلان على اليمين وبعدها ميلان يسار
انا لفيت بسيارتي وكانت سرعتي 100 والله السيارة انها طلعت صوت خفيف واللفه الثانية مشيت عادي
اما السوناتا اول لفه تفحيطه والثانية كان الاخ راح يشمع في الرصيف بس ربك ستر قال يبغى يلف زيي على سرعه 100
اذا السوناتا كذا اجل الاكسنت كيف راح تنقلب وتحصلها بين الشجر ويمكن تحصلها
يقولك ((الي ما يعرف الصقر يلعب معاه شطرنج))
قال اكسنت الي سعة مكينتها حصان وصغاره الثلاث ولما تتعطل لها دعاسه بجنزير زي الدراجات ممكن تتحرك بيها
خخخخخخخخخخخخخخخخخخخخخخخخ
سوري يا صاحب الموضوع ترى نمزح.

**رهيين هوندا** · 10-09-2010, 04:15 AM

احمد ربك
وبعدين الكورد اللي عندي 2009 اتحدى اي كامري في القومات كامري مو اكسنت
قول الحمدلله غيرك ما حصل حق السيكل اللي تقول

**رحلة شقئ** · 10-09-2010, 04:22 AM

(((((((اكورد مودي))))))
الي ما يعرف الصقر يلعب معاه شطرنج
هههههههههههههههههههههههههه
ههههههههههههههههههههههههههه
هههههههههههههههههههههههه
الله يرجك هههههههههههههه

**شديد والهوى ضده** · 10-09-2010, 05:00 AM

والله بقوه غلطان من ناحية الرساوة الأكورد راسية وسالفة الأكسنت شكلك بعد مامشي تعديت أكسنت ثانية وفكرتها هي ؟؟؟
وحلاوة الأكورد شكل نظرك 1×6
والله الحمد لله قدر علي ربي بحاث أكورد 2009 وإنشىء الله ناوي على أكورد 2011 من قوة إعجابي بها من جميع النواحي
والناس أذواق