صوت مع الفرامل أكورد 2007

[تحياتي .لك]

السلام عليكم وكل عام وانتم بخير

مابي اطول :d

انا عندي صوت لمن اضغط على الفرامل مثال : لمن احط السياره في الــ R وارجع ريوس شوي شوي
في اخر شي قبل لا توقف السياره يطلع صوت ( تووووووو ) وكمان لمن احطها بـ D يطلع وامشي شوي شوي
علما انو الصوت مايطلع الى لمن اشغل السياره الصباح بدري ويختفي مع باقي اليوم

وفيه صوت لمن اقرب من الاشاره واهدي قبل لا اوقف يطلع صوت تصفير بسيط جدا

وثاني شي عندي رجه في السياره لمن اضغط على الفرامل على سرعه اكثر من 60 ؟؟

وكل عام وانتم بخير والله يكفيكم شر خربات السيارات :d

وشكرا

[الكاسر 20]

انـا عندي صوت لمـا اجي اوقف عند اشارة او اوقف بسرعه ..!


اتوقع انه من الفحمــات ..

[Accord F15]

صوت الصفير هذا صوت فحمات

والرجه اللي تجيك اذا هديت وانت مسرع هذي هوبات يبغالها خرط

[تحياتي .لك]

طيب شباب ياليت الي مرة عليه المشكله يقولنا ايش سوا

وشكرا لك يا Accord F15
ويا الكاسر 20

واتمنى الاعضاء يفيدوني اكثر
:(:(:(:(:(:(

[accord790]

وعليكم السلام

الصوت يطلع من الفحمات اذا خلصت
يعني انت بحاجة الى تغييرها الان

اما بالنسبة للرجة
هذي عادة تكون من الهوبات لان الفحمات اذا خلصت تبدا بالاحتكاك مع الهوب ويصير سطح الهوب غير مستوي
وهذا يعني انك بحاجة الى خرط للهوبات ليعود سطحها املس ومستوي مثل السابق

ملاحظة لا تخرط الهوب اكثر من ثلاث مراتحتى لا يصبح قابل للكسر
بعد المرة الثلاثة غير الهوبات عشان تضمن سلامتك وما يخذلك الفرامل في وقت حرج

وكل عام وانت بخير

[Accord F15]

حبيبي رح خذلك فحمات من قطع الغيار ودر عالصناعيه شوف ارخص واحد يغيرها لك

بالنسبه للهوبات رح لميكانيكي يكون جنب مخرطه وهو يفكها لك ووديها للمخرطه واخرطها طبعآ اذا كانت قابله للخرط وراعي المخرطه راح يعلمك اكيد

[تحياتي .لك]

اوكي شكراً شكراً

بس سؤال كم سعر الفحمات ؟؟
وكم تتوقعون مع التركيب + الخرط ؟؟؟
وكم تجلس الفحمات وتتغير ثاني ؟
<<<< لن السياره شاريها توها ومستعمله ماني عارف وضعها :d
وشكرًا للكل والله انكم ماقصرتو( يسعد ابو ام المنتدى)

[خفيف روح]

سلام عليكم كل عام ونتم بخير سعر الهبات الواحد 330 القماشات الوكاله 220 الخرط الجهتين 60 تركيب 60 تجلس معاك خمس اوسته شهور انصحك تاخذ هبات وكاله وقماشات سرميك قيمته 930 تر رجه تروح اول ماتغير القماشة بعد شهر ترجع انا غيرت قماشات ثلاثا مرات خلال سنه الكورد قماشتها لحاله يبيله ميزانيه