........
السلام عليكم ورحمة الله وبركاته
الكوكو اليومين هذي قامت تتدلع وتعمل لها حركات نص كم
طلع لي صوت وانا ماشي كأني راجع بالريوس واذا زدت السرعة يختفي الصوت.. أول ما بدأت المشكلة كان لما ألف الدركسون يسار فقط و أدوس بنزين يطلع لي هالصوت.. الحين تطور الحال و صار بكل الحالات يطلع على السرعات المنخفضة.. مع ملاحظة ان الصوت ما يظهر الا مع الدعسة يعني اذا شلت رجلي عن البنزين يختفي الصوت.
+
صوت ثاني من جهة البكرات و السيور (صفير) مثل صوت غلاية الشاي لامن غلت الموية قام يصفر<<<< هذا اقرب مثال
ونفس الحالة الصوت هذا ما يظهر الا لما أكون ماشي على السرعات المنخفضة
أفيدونا أثابكم الله.
........
والله ودي افيدك بس روح للوكاله خلهم يفحصونها لك
كم موديل السياره اقل من 2008
فأنا ابني على كلامك اذا شلت رجلك عن الدعسه وراح الصوت احتمال يكون رمان القير
وتقبل مروري
وعليكم السلام ورحمة الله وبركاته
الصوت اللي تقول عليه زي صوت السياره اللي برموت كنترول اللعبه؟؟؟
شيك على زيت الدركسون والسياره بارده احتمال كبير يكون ناقص
انا أحيانا يجين مثل ذا الصووت .,
لاكن سااحب عليــه
بارك الله فيك اخوي ما قصرت اما سالفت اني اشيكها بالوكالة اغسل ايدك منها
سيارتي أكورد 2008..
والله بيني وبينك انا شاك تكون المشكله بالقير وهذا الي انا خايف منه
لكن ودي احد يطمني ويقول لي غير هالكلام.
هلا ميمورايس
تقريبا نفس صوت اللعبة
وبالنسبة للزيوت فوضعها تممام
ماودي اقولك رمان القير لكن هذي الحقيقه :d
لكن لاتشيل هم .. صوت موجود في أغلب الأكوردات بس بدون اي مشاكل الحمد لله .. يعني مجرد صوت وانا لي الحين حدود 4 سنوات مع هالصوت الين صرت انطرب عليه :d
أكورداوي تراك خرشتني خرشة أليييمة :d
خلنا نستثني ان تكون المشكلة بالقير لأني اليوم جربت أفضي القير وادعس بنزين وطلع نفس الصوووت.
اكوردياني جرب هذي وان شاء الله ماتندم
شيك على السيور لا تكون مشدوده..
اذا ماكانت مهترئه غيرها عند واحد فنان ولا يشدها مره..
وبإذن الله ماراح يرجع الصوت..
هذا المقطع يوضح الصوت الي عندي
[ame=http://www.youtube.com/watch?v=gxcMF3Ap6Uk]YouTube - IMG 0372[/ame]
الصوت زاااد وصار يخوف.. فتحت الكبوت وتفاجأت من تهريب الزيت الي صاير
التوقع هو سبب المشكلة بس وش سبب التهريب؟
موقع التهريب
صورتين للتهريب
ِ
قلتلك شيك على زيت الدركسون قلتلي الزيوت كلها اوكي
المشكله حصلتلي وهيا اساسا عيب مصنعي وتم تغيير عمود الدركسون لأنه التهريب عندي طلع منه وفيه ناس طلع التهريب عندهم من الليات وفيه من الطرمبه
الله لا يهينك الحق عمرك لو مازالت السياره عالضمان وعالوكاله
اهااا صدقت يا ميمو خلاص اجل كفشنا المشكلة والسبت ان شاء الله انا مستقعد للوكالة
بس خوفك يقولون لازم تدخلها للفحص ويبدون الاستغلال.
اكيد طبعا
لازم يستفيدوا من حضورك
انت كم ماشيه سيارتك الحين؟؟
الان ماشية 80,000 لكن امعصي ادخلها للفحص توني مطلعها من فحص 60,000
بحاول اغريهم بتغير زيت المكينة والفلتر :d
صيانة ال80 من الصيانات المهمه
يتم فيها تغيير فلتر البنزين وامور اخرى ما اعرف ايش هيا خخخ
دخلها صيانه ال80 وقلهم عالمشكله وكل شي وان شاء الله تتصلح عالضمان خصوصا لو كنت ملتزم بالصيانه
طيب اللي رايح الضمان وش يسوي
انا نفس المكان يهرب زيت بس مطنش
انا اليوم كنت في الوكالة يوم شافوا المشكلة قالوا لي ضمانك يلغى لانك ما تجيب سيارتك للصيانة كل 5000 كم
تكلفة الاصلاح تتعدى 3000 ريال
ما اقول الا حسبي الله ونعم الوكيل
كانو بادي عندي ذا الصوت بس على خفيف الله يستر بنزل اشيك على الكبوت
طيب انشب لهم سو صيانة 80 الف وتعالهم يوم ثاني قولهم واذا قالولك لا حاججهم بالصيانة الاخيرة
فيه تهريب بس بسييييط مره :(
باقي لي 3الاف على 40 الف وماقد سويت الا صيانة 20 الف والباقي زيت وسيفون لكن اغيره عندهم
اذا مشيت عليه 3الاف ما يقوله شي عشان اسوي صيانة 40 الف ويدفونه على الضمان
وش رايكم اللي عنده نفس المشكلة نكتب ايميل ونحط فيه رقم الهيكل حق السيارة ونقولهم ابو الهش مو راضي يصلحه ونرسله لهوندا الام وهوندا الشرق الاوسط
اخوي عامر هذي بداية المشكلة الحق عمرك لا يصير فيك مثل ما صار فيني
اكثر من عضو بالمنتدى عنده نفس الخلل و في اكثر من موضوع لنفس المشكلة
والوكالة مش معترفين فيه كخلل تصنيعي.
لكنهم يصلحونه لك اذا ما الغوا عليك الضمان.
مواقع النشر (المفضلة)