تركيب كشافات اكورد 2009 سبيشل

**عاشقHهنادي** · 08-09-2010, 04:11 AM

ناوي اركب كشافات بس خايف من سالفة تقطيع الاسلاك لاني ماودي شغل تجريح وغيره.

وياليت كل شخص ركب كشافات يعطينا تجربته وبذات اهل الدمام
طبعا من ناحية اسعار الكشافات واحسن نوع واحسن محل في الدمام
ومن ناحية احسن وافضل ورشه في الدمام من ناحية الشغل والسعر

اسف على الاطاله وياليت القى الحل لسؤال
وارجوا من كل الي يدخل على الموضوع ولديه الاجابه لا يبخل علينا ويتكرم برده علينا
تحياتي للجميع

**aen alshqa** · 08-09-2010, 09:27 AM

هلا بخونا عاشق الهنادي ..

الكشافات هذي مدوخة اصحااب السبيشل والسياحي ..
بس انا بعطيك الخلاصة .. لاني مجرب التجااري ..

1\ كشافات الوكالة ..

المميزات :
ضمان شغل نضيف .. واصلي اصلي ..

العيوب :
عيبها الوحيد ان سعرها غااالي .. تقريبا 1500 ريال تقل او تزود .. مع التركيب ..

2\ كشافات التجارية :

المميزات : سعرها رخيص .. تقريبا 250 ريال تقل او تزود .. مع التركيب

العيوب :
فيها فراغاات .. يعني ماتجي رااكبة بالضبط نفس الوكالة
ماتقعد معك 3 شهور الا وهي مصفره ..
توصيلة الاسلاك .. حووسة .. والزر اللي يجي بجنب زر مانع الانزلاق .. << الزر هذا مكانة ماهضمتة ..

طيب وش الحل ..

انا بقولك الحل الافضل . من ناحية السعر ومن ناحية الجوده ..

1\ تروح للتشليح وتاخذلك فاصل الكشافات .. حق الفل .. وسعر عندنا هنا بالقصيم 200 ريال تقل او تزود ..
2\ تروح للوكالة وتشري منهم الكشافات بدون الفاصل .. وتركبهم بالوكالة .. السعر تقريبا 600 ريال

وعلى كذا بيكون السعر كويس ..

200 الفاصل + 600 ريال الكشافات مع التركيب ( السعر تقريبي ) = 800 ريال .. وبيكون وفرت سعر حلو ..

**عاشقHهنادي** · 08-09-2010, 11:17 AM

الله يعطيك ألف عافيه أخوي على ردك المفيد
تحياتي لك

**البراك** · 08-09-2010, 11:29 AM

انا عندي نوعية تيواني و تجي طابقة مثل تبع الوكالة لانه معاها قواعد للصدام نفس تبع الوكالة و معاها ضفيرة تركب علي سلط الوكالة تبع الكشافات و فاصل يركب جنب زر vsa و نفس تبع الوكالة ماتفرقهم

ب 350 ..طبعا جديدة بكرتونها

اذا لك نظرة راسلني ع الخاص

**بريق الصحوة** · 11-09-2010, 03:24 PM

شوف الكلام غير الشراء الفعلي تم تركيب قبل سنه بعد الشراء مباشره
تم اخذها من الغرابي بسعر 240 ريال وتم شراء العصا من البحرين ستره بسعر 210
تم التركيب من قبلي وبفضل الله ثم بجهود العضو عبدالعزيز
شراء لمبات نوعيه جيده احتياط اذا حترقت المبات او تبدلها على طول افضل
تركيب بدون تقطيع وكلام فاضي فقط سلك في بدي السياره والسلك الثاني في السلك طالع من عند الصدامات خاص
تركيب اخذ تقريبا ساعه او ساعه ونصف العصا والكشافات
سعرها الان فقط 150 او 180 يا بلاش

**RjH** · 12-09-2010, 04:20 AM

اخوي سو مثلي
1- شراء عصاء الوكالة من الوكالة بـ301 ريال
2- شراء كشافات من الغرابي ب150 ريال بدون تركيب
3- اقرب ورشة تركبة لك ب200 ريال
4- حماية من جيوشلد للكشافات ب100 ريال عشان الاصفرار
المجموع 751