ملاحظات سريعه على أكورد كروستور+ استفسار + عيديه

[saudiboy]

السلام عليكم ورحمة الله
كل عام وانتم بالف خير أعزائي

من الفضاوه اليوم مريت وكالة بو هش قلت بشوف الاكورد الجديده كروستور
وصراحه عجبتني 3 أشياء بالسياره تتميز فيها عن الاكورد السيدان
اول شي لون ليزر الطبلون أزرق ماشالله معطيها طابع رياضي رايق
الشي الثاني وهو الأهم حفظ وضعية المقاعد والله منقهر المفروض السيدان تكون كذا


>>>شطحه(ولد خالتي سيارته فورد موديل 95 فيهاخاصيه
حفظ وضعيات المقعد ومراتبها أريح من الاكورد بمية مره بعد:p)

ماعلينا نرجع لموضوعنا الشي الاخير اللي عجبني لون تخشيبه
اغمق من الأكورد السيدان وصاير أحلى بواجد صراحه


الشي السلبي الوحيد اللي لاحظته نطاق الرؤيه الخلفيه سئ جدا
بسبب تصميم الشنطه المايل بزياده يعني ممكن تسبب حوادث لأنك ماتشوف اللي وراك زين


عندي استفسار >>الإطار الجلدي اللي يجي حول الدركسون وين أقدر ألاقي
أصلي زي حق الوكاله؟ لأن سيارتي مخمل ودركسونها قاسي شوي ودي أركب
عليه الجلد أحسن

والحين اكيد تحترون العيديه :new7: >>آخلص بس لا يكثر
هذا وانا مار بشارع تويوتا بالدمام واشوف هاليخت ماشالله
وقلت لازم أكحل عيونكم >>امحق خخخ


قولو ماشالله ياجماعه ترى العين حق
وبس سلامتكم

[khalody]

ماشاء الله على السفينه ذي

بصراحه قهر مافيها خاصية حفظ وضعية المقاعد

انشاء الله يحطونها في 2011

تقبل مروري و مشكوور على العيديه القدعه<<قلب مصري

[عاشق سيييييفيك]

كورد كاسترول داخليتها حلووه
لكن من الخارج احس غبيه شووي
أما اليخت كلام ثاني:d
مشكور أخووي على الصور.

[القايله]

على فكره فيه شي ما ذكرته.
القير تيب تونيك ويوجد نظام تعشيقات القير خلف الدركسون
وميزتها دفع رباعي

[saudiboy]

على فكره فيه شي ما ذكرته.
القير تيب تونيك ويوجد نظام تعشيقات القير خلف الدركسون
وميزتها دفع رباعي

شكرا على التنبيه

[saudiboy]

كورد كاسترول داخليتها حلووه
لكن من الخارج احس غبيه شووي
أما اليخت كلام ثاني:d
مشكور أخووي على الصور.

خخخخ الله يرج إبليسك كاسترول هذا زيت :d
السياره اسمها كروستور

اووه اليخت ألييم ماشالله >>بس مايصلح لأنك ماتقدر تلف فيه الأكورد أحسن:p

انا اللي قهرني انه واقف بشارع تويوتا عند أبويمن وابوهنود مدري وش عنده هناك
>>> طيب انت وش تسوي هناك يا saudiboy

[A N M A R]

اخوي تقدر تنجد جلد على الطاره

انا كنت مسويها على اكوردتي السابقة 2007