سؤال بسيط حول المثبت

**أبوخالد الحربي** · 18-09-2010, 06:53 AM

السلام عليكم ورحمت الله وبركته

كيف حالكم ياشباب ؟؟

اخبار علوم امطار ؟ >>> انشاء الله بخير

شباب انا معايا اكورد اسبشل 2010 ابي اعرف مكان مثبت السرعه ومكان درجة حراره الجو الخارجي والازرير الي في الدريكون الي على اليمين وش فايتدتها ؟؟

اي صح في الازرار الي يوطي نور العداد انا علق عليه تصفرت الارقام مايضر ؟

اسئله كثيره بس سامحوني انا ما اعرف شي في السيارات بس شغل عشق امشي دج في عامود >> امزح مو مره غشيم

تتوقعون السيارات الي في الخارج مثل الي عندنا في الخليج ونف اسعارنا بس اقول الله يعين على النصب

يلا ساعدوني بردودكم المفيده

**King** · 18-09-2010, 07:19 AM

دليل المالك << عنده إجابات لسؤالك

صدقني ماراح تضيع مع الدليل , وكل صفحة ولها فائدة

لاتنسى الفهرسة راح تساعدك على انك توصل للمعلومة بدل ماتدور نص ساعة!.

**تاج السلطان** · 18-09-2010, 07:30 AM

للمعلومية الاكورد فيها ثلاث عدادات الاول / مستحيل تصفره وهو الي يعلمك كم مشت السيارة من يوم طلعت من الوكالة
الثاني و الثالث ويرمز لها بـ a و b هما اللذان تستطيع تصفيرهما لحساب مسافة معينة

**uo8** · 18-09-2010, 07:48 AM

ثلاثة ازرار ..

اللي فوق تشغيل وتطفية النظام
تحت يسار عشان تكنسل التثبيت وليس للاطفاء الكلي للنظام وكمان دواسة الفرامل تعمل كنسل للتثبيت برضو زز

الزر تحت يمين .. هو كل الدوشه .. طبعا انا راح اشرح هذا الزر اذا مافهمت شي ارجع للكتالوج
الزر هذا له طرفين فوق وتحت .. الحين انت تمشي 120 وحبيت تثبت السرعه اضغط ضغطه وحده على تحت
بعد كذا تصير وظيفة اللي تحت تخفيف السرعه واللي فوق زيادة السرعه بمقدار 1.3 كيلو < اخبرها قاريها زماااان مو متاكد
الوظيفة الاخرى للطرف العلوي لهذا الزر .. والتي لا يعرفها البعض
انو مثلا انت مثبت على 120 ودست على الفرامل ولكنك ما طفيت النظام كله ..
تقدر ترجع للسرعه السابقه (120) بدون ما تضغط على البنزين .. اضغط على الطرف العلوي للزر وراح تنطلق السياره الى السرعه المحدده ..
متى يتلغى الحفظ .. تقريبا اذا ماكنت مفوت .. اذا كنت تحت سرعة 25 او 30 لمدة 10 او 15 ساعه ..

ان شاء الله افدتك