فزعتكم يا شباب ---- صار لي حادث أول يوم العيد

**سفير المشاعر** · 13-09-2010, 08:59 PM

السلام عليكم ورحمة الله وبركاته
وكل عام وأنتم بخير والله لا يضر مخلوق
الحمد لله استقبلنا العيد بحادث سيارة بالرياض عند مخرج 9 ، يوم الجمعة بالليل
بس ودي استفسر عن التأمين انا عندي تأمين شامل وبالتقرير حق المرور تسجل الحق على يلي صدمني 100% بس انا تنازلت عنه مقابل مبلغ 3000 ريال عشان هو يسوق السيارة بدون رخصة والسيارة ما هي باسمه .
السؤال انه هل التأمين بيصلحلي بالوكالة في حال أعطيتهم المبلغ ولا لاء .
ساعدوني بالموضوع الله يكرمكن ولا يضركن ومشورة أهل الخبرة
وجزاكم الله خير

**اكوردياني** · 13-09-2010, 09:18 PM

نفس غلطتي :(
انا عندي تأمين شامل ومرة وجاء واحد وصدمني والغلط عليه 100% والرجال ما كان مأمن فقالوا له شرفنا على التوقيف
قمت انا وتنازلت عنه مقابل مبلغ مادي.
ويوم أروح للتأمين قالوا أنت ما يحق لك تتنازل بأي حال من الأحوال وفي هذي الحالة التأمين ما يصلحها لك وضطريت اإني أدفع دبل المبلغ إلي أخذته من الرجال..

يمكن يختلف الوضع بين شركات التأمين
انا سيارتي ماخذها عن طريق البنك الاهلي وتأمينهم اسمه الاتحاد التجاري.

**القايله** · 13-09-2010, 09:22 PM

اخوي اول شي الحمد الله على السلامه وانشالله انها اخر المصائب

الشي الثاني انت تنازلت لذالك مراح ينفعك التأمين نهائي
انت لو حطيت الخطاء عليك كان نفعت نفسك وتجملت مع الرجال
لأن التأمين الشامل يغطي سيارتك حتى لو انت مخطي في حلات حادث قضاء وقدر وليسا تفحيط او قطع اشاره

**5558** · 13-09-2010, 09:23 PM

والله ماني متأكد بس الي اعرفه ان واحد اعرفه مأمن تأمين شامل على سيارته وصدم بها حوالي ثلاث مرات مره واجهيه مره مع جنبها وسيارته كامري كلما دخلها عندم وصلحوها له بما يقارب ال14 الف ريال وكل مره بالقيمه نفسها يمكن يتفاوت المبلغ الف الى الفين ريال زايد وكل القطع وكاله وانت جرب ودخلها الوكاله وشف وش رايح يصير والحمدالله على سلامتك قبل السياره اخوي وتقبل مروري :d:d:d

**uo8** · 14-09-2010, 02:09 AM

ما ينفع تتنازل والله أعلم ..

ومره واحد قالي انو تجيب كل الاوراق حقت الحادث والمبلغ وتسلموا للتامين ويشيلها .. والله اعلم ايضا ..

**م هـ ى 700** · 14-09-2010, 05:58 AM

حمد لله على السلامة

وربي يعوضك خير يارب

**ياما نسيت** · 14-09-2010, 07:11 PM

حمدا لله على سلامتك والله يعوضك خير

اذا تنازلت عن الحادث التامين ماراح يفيدك

واحد من الاصدقاء تنازل عن الحادث ويوم كلم التأمين قالوا ان التقرير يقول الطرف الثاني مخطي ليش تتنازل احنا مانصلحها لك واضطر انه يصلحها بقروشه

الا اذا غيرت نسبة الخطأ وصارت عليك راح يصلحون سيارتك وسيارة الطرف الثاني

والله اعلم