مارحت التجمع +سيارتي تضررت من حادث كان راح يصير+بغيت اتهاوش+عوائـل ..

السلام عليكم ..

في البداية الحمد لله على سلامتِك ، وفي الحديد ولا في العبيد ..

الواحد يحمد ربه على سلامته ، ويسجد سجود الشكر ان الله نجاه من هالحادث ..

انا صار لي نفس الموقف على خط سفر وانا امشي 200 وزحفت علي السيارة لكن بمشيئة الله قدرت امسكها لين وقفت ..

كل اللي سويته سجدت سجود الشكر ، والاخ الفاضل اللي تعرض علي كان يمشي عقبها في حاله ولا كأنه مسوي شيءْ ..

فـ احمد ربك انك طلعت منها سالم غانم ،، وادعي ان الله يهديه وتاخذ حقك يوم القيامة ..

والتجمّع بداله 100 تجمّع أحلى منّه ، اما حياتِك ما منها حياة غيرها ..

حبيبي مداام هرب يمديك تدعي عليه باي شي

سجل عليه بلاغ انه هااارب واول مايوصل المرور هم بيحطوه بالحجز

انت احسن شي سويته دقيت على المرور وجااء واعطاااك ورقة

الحق معك 100%

والحمدلله على سلااامتك

الله يعطيكم العافيـه ياشباب ولا يوريكم مكروه

بسألكم المرور عطاني ورقة يقول اسّعر الضرر إلي بالسياره بشيخ المعارض ..

ما ادري وين القى شيخ المعارض ذاا ؟

واليوم القاه وإلا انتظر بكره

ثانيا الله يخليكم إلي يعرف حل للحذفـه إلي صارت يدلني على مركز القحطاني إلي بالدمام لأني ما ادلـه

الحذفه قويه السياره تروح يمين ..ولما اخليها تمشي سيده يصير في ضغط على الكفر الأيمن وإلي سببه إنه خلا ينمسح من الأطراف بس في مشوار واحد


عشان المشاوير يوم السبت و الأحد ابي اوزن السياره وإلي يعرف بنشر القحطاني بالدمام يدلني عليه ومفتوح اليوم وإلا مسكر؟

الحمدلله على سلامتك والله لا يوريك مكروه.
بالنسبة للقحطاني تلقاه بطريق الملك فهد بعد كبري ابن خلدون جنب سوبرماركت النجوم.
لكن ما اعتقد ان الوزن بيفيد بحالتك لأن سيارتك جتها ضربة مع الكفر.

اقتباس:

---

المشاركة الأصلية كتبت بواسطة فـــيـــصـــل..607..

الله يعطيكم العافيـه ياشباب ولا يوريكم مكروه

بسألكم المرور عطاني ورقة يقول اسّعر الضرر إلي بالسياره بشيخ المعارض ..

ما ادري وين القى شيخ المعارض ذاا ؟

واليوم القاه وإلا انتظر بكره

ثانيا الله يخليكم إلي يعرف حل للحذفـه إلي صارت يدلني على مركز القحطاني إلي بالدمام لأني ما ادلـه

الحذفه قويه السياره تروح يمين ..ولما اخليها تمشي سيده يصير في ضغط على الكفر الأيمن وإلي سببه إنه خلا ينمسح من الأطراف بس في مشوار واحد

عشان المشاوير يوم السبت و الأحد ابي اوزن السياره وإلي يعرف بنشر القحطاني بالدمام يدلني عليه ومفتوح اليوم وإلا مسكر؟

---

شوف يا ماتيرازي على قولت خوينا

هي وحده من الثلاث واستبعد اولها بشكل كبير ان الشاص انضرب تمام
او الجنط صار فيه كسر ويبغاله خرط
او الكفر انضرب ولازم تغيره <<هذا الغالب

معليش ياشباب صار احتكاك او ماصار يغرم اذا هو متسبب بالحادث
اذا الخطاء منه وانا اخوك بلغ فيه هروب وغرمه

^

ايه اخوي المرور ماعطاني ورقة إلا اني خلاص تم البلاغ عنه

لكـن ياشباب اكوردياني و f15

السياره ما انضربت من اي جهة من الكفرات ولا ضربت رصيـف ولا شي ولله الحمد والمنه

كل إلي صار بنشر الكفر اليسار ومشيت عليه مسافه وانا ما ادري ..

المهم ركبت الإستبنـه بالجنط إلي بنشرت عليـه لأن جنط الإستبنه اسود

فقلـت له ركب الجنط ذاا
والجنط لما امشي مافيه شي ..قدامي هوو مافيه تعوجات ولا شي ولا كسر


فإن شاء الله وزن اذرعه ومقصات وتنحل المشكله

الحمدلله على السلامة ويارجال اللي صار صار ومالك غير الدعاء وان كنت مظلوم فـــ رب العباد موجود

صحيح مايحس في حرقة الموضوع الا المصاب فيه لكن الله يعوضك وصلح موترك والله ياخذ حقك من الظالم سواء في الدنيا ولا حقك ماراح يضيع يوم الحساب

وبصراحة أشكرك وأهنيك على حلمك وصبرك وكتم غضبك وقت المشكلة والا كان انقلب كل شي فوق راسك وخاصة اذا الحريم معه قلبوها عليك وقتها اقدر اقول لك راحت عليك والحكومة ماعندها وقت الحرمة مصدقه عندهم

اتمنى ماكتبته خفف عليك ولا زاد من همك وللمره الثانية الحمدلله على السلامة والحديد يتعوض ودام المرور عطوك خطاب لشيخ المعارض معناها جايبينه جايبينه وبتاخذ حقك منه ان شاء الله

وترى التعميم مشكلة

شريت سيارة قبل وكان عليها تعميم وراعيها عطاني الورقة الوردية نسخة من ( خطاب كف بحث وتحري ) اذكره كذا ناسي اسمه بالضبط لأن الموضوع قديم المهم السيارة مثل ماقلت كان عليها تعميم وانتهت قضيتها والرجال توظف في المباحث والسيارة انعرضت للبيع وشريتها والخطاب يشمل صورة لجميع الادارات من مرور وشرطة وامن الطرق في جميع المدن الرئيسية وهي تعمم للمحافظات بكف البحث والتحري

المغزى علشان ماطول عليك

خويكم فرحان بالموتر ومادريت الا احلى كفشه من الحكومة وعلوم كأني مطلوب ومافكني وانقذني الا الخطاب بكف البحث يعني شوف كل هالوقت والتعميم موجود في بعض المدن وماينزل بسهولة والشاطر اللي تسبب بمشكلتك راح يجيبونه طال الزمن ولا قصر

ممكن تطول السالفة لين يمسكونه لكن يجي يوم ويطيح في عسكري منتبه ويجيب خبره ولا هو يحتاج شي من المرور ومايدري انه في تعميم عليه ويجيهم برجوله

الف شكر اخوي المباشر ..انا يمكن تعلمت من دروس صارت لي من قبل

خصوصا إني اعتبر صغير في الفياده عمري 22 اعتبر شاب وللحين ماعضت علي الدنيا

وباقي فيني من شيطانة الشباب وعنفوانهم

إلا إن في السنتين الأخيره تعلمت منها اشياء كثير من ناحية كتم الغضب خصوصا إنها توصل إني امد يدي على احد او ارفع عليها (عجره-سكين او اي شي)مو بس من ناحية القياده ..لا من ناحية اشياء واجد بالحياه

اول كنت احط سكين بالسياره او عجره ابوي كان يرميها لما يشوفها لحكمـة اكيد عرفتها انا

انا مسكت اعصابي ولا تلفظت بألفاظ نابيـه او ماتليق عشان لا تستخدم ضدي ..

وانا راح ابدا بالأسبوع ذاا شغلي مع الجهات المختصه


وللمعلوميـه ياشباب

انا انصحكم نصيحه
إلي صار معي خويي نفس سالفتي واحد حده

لكن السياره راحت تشليح لأنه طلع رصيف وخذا لمبـه معااه

وقال لي السبب إنه ما قال اذكار المساء


انا الحمدلله صح إني قصرت بذااك اليووم ودايمن مقصر ..

لكن يوم مسكت الخط دخل وقت العشاء بجوالي

وطفيت المسجل وقفت عند اول محطة
وقلت خلني اصلي العشاء لاحق على الشباب يمكن يكون مافي وقت

وحطيت في بالي إن يمكن ما راح اوصل

وصليت وطلعت
وقلت الأذكار إلي بعد الصلاة

قبلها وانا على الخط كنت اقول اذكار المساء

كلمات خفيفه ما تأخذ من وقتك شي

ودعاء الركوب ودعاء الخروج من المنزل

الحمدلله السياره سليمـه وانا سليم وهذا اهم شي مع العلم الناس إلي وقفوا قالوا السياره توقعنا تطلع برراا الخط بس حظك حلو

وانا اجزم إن الأذكار هي السبب

اول شي الحمد لله على السلامه
وثاني شي اتركه علي ولد الحرام
اسدح لوحت سيارته هني ونوع السياره
وادعيلي انشاء الله اذا شفته يكون معاي الكابرس 92 حق الوالد
راح اشفي غليلك
لأني انقهر من هل مواقف
دايم تصير
وبل اخير سلامك...

الحمدلله على السلامه اخوي

لاتسكت عن حقك بلا عوائل بلا خرابيط هو الغلطان انت وش دخلك في عائلته وكل من كان معه عائله يقلب الناس يعني , اخوي اشتك عليه ولا تخليه على الاقل لو ماخذت منه حق ينعدل ثاني مره وينتبه للطريق ارواح الناس مو لعبه .

ناس ماتعرف تسوق ولا عذره عوائل الله لايوفقه

الحق مايضيع وانا اخوك يجيك يجيك

وما اقول غير الله المستعان

اخوي فيصل .. والله هالمواقف اش كثرها .. وفي الدمام ياما يحدونك .. وتحدهم واحياناً بدون ماتشعر .. واغلبها عباطه !! وتصير حوادث أو بلاوي الله يبعدك عنها .. وانت الحمد لله ع السلامة وهينة مادام مافيك شي .. كلش يتعوض الا النفس .. والحمد لله انك بعافيتك .. وعن هالرجال .. راح اذكر لك قصة صارت لي قبل سنتين وبرمضان عام 29 هـ ....
أذكر كانت رايح للخبر ع الساعة 10 مساءّ تقريباّ ويوم رقيت على الكبري مقابل اسكان الدمام الا هذا اللي خاش علي بمساري ( انا أقصى اليسار ) وهو جا مدرعم علي من جهة اليمين وسيارته كانت كابرس قديم ( المصفح ) ! وسيارتي كانت لومينا 2005 وممشاي كان تقريباً 120 .. الزبدة وهذا يدخل علي بمساري فجاة كنه متذكر انه نسى البوك في البيت ويبي ياخذ يوتيرن بس وين يبوو الشارع هايوي وثلاث مسارات .. والفاصل بين الشارعين حاجز خرساني ارتفاع 80سم الى متر تقريباً بشكل هرمي .. ويضرب في الحاجز بقوة قدامي وبالوجه ويرجع علي وجه بوجه اذكر ان من قوة الضربه قزاز سيارتي الأمامي صار كله زيت وموية رديتر ماعاد اشوف شي ..... انزل من السيارة داااااايخ بقووووة .. وبعد ماهديت اشوي وشربت ماي كان معاي بالسيارة .. اشوف سيارتي الا الوجهية راحت ملح وسيارته ومن شدة الضربة في الرصيف ورجعته بعدها عليّ ( انعوج صدامه الحديد من جهة الركن الأيسر وصار يحك بالكفر مع عوجه بسيطة في الرفرف الأيسر أيضاً ونور واشياء بسيطة مثل لوحه وفيبر الوجه الأمامي ... ) أما اللومينا صارت كوريلا فاكه حلجها !! .. المهم اوقفت الناس وجو يتطمنون .. ومن كثرهم ما أدري وين اللي خش علي وصقعني !! .. وبعد فترة بسيطة اشوف هذا اللي جايب لوحة سيارته من بين الرصيفين واقابله وقوله سلامات اخوي فيك شي .. قال لا الحمد لله مافيني شي .. أقول له وش صارك لك أخوي بنشرت والا حذفت عليك السيارة والا وش فيك ؟؟؟ الا هذا اللي كني صفقته على وجهه قال ياخي انت اللي وش فيك صادمني من ورا وتقول وش فيني ؟!!!! اقول له يخوي انت بوعيك والا فيك شي ( المشكله انه لابس بدلة عسكرية .. أتضح لي فيما بعد انه في الطواري ) يقول انت اللي شكلك شارب والا ماكل لك شي رح عني بس الله يسامحك !!! .. قلت له ايه يخوي عندي كم حبه سمبوسة !! تبي لك وحده !!! ... المهم الرجال يكررها الله يسامحك بس .. الله يعين على تصليح سيارتي وانت الله يسامحك .. يالله تبي شي .. ويبي يعدل موتره ويمشي ... اقول له وين يبو والله ماتتحرك من هنا الا بعد ماتجي الدورية .. والا هذا اللي ينزل يقول صادمني وتهددني .... قلت ايه ( وتشب اشوي ) والناس اللي وقفوا وانزلوا يقربون اشوي .. واقول لهم هذا ياناس صدمني واعترضني بطريقي ويبي ينحاش .. اقول له خل الدورية تجي وهو رافض يبي يمشي ( اقل شي اذا مالي حق ابي ورقة اصلاح اشلون اخذها ومافي طرف ثاني ؟؟ ) الا كلللهم يقولون خلك يابو لا تروح لين تجي الدورية .. يقول لهم انا عندي دوام ومستلم وعيالي بالبيت لحالهم ومدري وشووووووو وانا سامحته ما بي منه شي !!! .. قلت له والله لو انك رايح للجبهة ماتروح .. لين تجي الدورية ... قال وش يعني تخوفني بالمرور وانت الغلطان .. قلت له ماعليه .. انا ابي ورقة اصلاح لسيارتي وبصلح لك سيارتك حرام تروح كذا بدون مااعطيك حق تصليح سيارتك هذا اقل شي !!!! ( الزبدة مسخرة وعبط وزعل وكلللللش ) .... ومع طول انتظاااار للدورية ( باقي مافي نجم وقتها ) واللي راح من الناس واللي بقى متعاطف معي .. جت الدورية أخيراً إلا هذا اللي ناقز بحلق العسكري يقول يخوي هالشباب ماخولنا بحالنا سرعة وتهور خذه معك بالدورية ووده الحجز لين يصلح سيارتي ويتأدب وياخذ جزاه .. وخذ لك من الحركات الاستفزازية ..... بس ماتمشي !! .. يبيني اقول لاااااا خلااااااص توبه ماعاد اتعودها !!!!!! .. اقول له يخوي بلا حكي فاضي الرجال يعرف عمله زين ويعرف منه الغلطان خله يخطط الحادث واذا سألك كيف صدمت الرصيف بوجه سيارتك ذيك الساعة اشرح له بالتفصيل الممل .. والله لو انها سيكل وانت قدامي بمساري بأقصى اليسار ماراح تعترض كذا وتصدم الرصيف بها الشكل ... المهم هجد خوينا اشوي .. وارح الرجال يخطط الحادث وحنا معاي اثنينا .. ويقول له العسكري يخوي انت جاي من المسار الثالث اقصى اليمين وهذي سحبة كفراتك .. وهذا بمساره الأيسر وهذا اثر البريك حقه عشان يتفاداك .. الا هذا اللي يرافس !! ويقول لا يخوي هذا متهور ومسرع ولو ماكن مسرع ماصدمني ( يبي يخطيني غصب ) يقوله راعي الدورية انت خاش عليه بمساره وما أمداه يتحاشاك ولا بملزم بعد يدخل وينحرف للمسار اللي بالنص ويصدم سيارة ثانية بعد ( الغلط عليك 100% ) جب استمارة سيارتك ورخصتك واثباتك وخلك قدامي لين تخرج من المخرج وصفط سيارتك واركب معاي الدورية .. وانت شف لك أحد يجيب لك سطحة وتعال المرور اللي بالخطوط الأربعة .. الا فيه شلة من العيال اتصلت عليهم من أول ( فزعة ) راح واحد منهم وجاب سطحة ووقف سيارتي بالحارة ( لكم ان تتخيلوا عيد بلا سيارة ) .... المهم مارحت للمرور رحت للبيت وقعدت مالي خلق .. الا وجوالي يرن رقم غريب .. ارد عليه الا هذا خوينا ( يخوي تعال المرور اش فيك ماجيت ) اقول له والله يخوي أنا بالبيت وماني بجاي الليلة احتمال بكره اجي والا السبت ان شاء الله ( كانت ليلة ثلاثاء يصبح الأربعاء ) الا هذا اللي يترجى ياخي تكفى تعال انا بالتوقيف واعيالي لحالهم يبون سحور ولا بلغت مرجعي ولا شي تكفى تعال خلنا نخلص وابشر باللي تبيه .......... اقول له يخوي مابي شي انت اللي تبيني اصلح لك سيارتك وماعندي فلوس الحين بدبرها واجيك ان شاء الله ( خذ عبط لأنه قهرني وهو يتفلت ويقول هذولي دشير متهورين ...... ) الزبدة قفلت منه والشور يقول ارقد وبكره رح لهم ( خله يخيس بالتوقيف هالليلة ) .. إلا نفسي تقول وش ذنب اهله ينامون بلا سحور .. واطفاله بدون ابوهم هالليلة ..ومن هالحكي العاطفي ...... لبست ثوبي وأخذت اثباتي ونزلت الشارع واركب لوموزين وعلى المرور .. الا هذا بوجهي تكفى وتكفى وتكفى .. اقول انزين خلاص وش تبي ( ابيك تسامحني ) اقوله بوشو قال من تصليح سيارتك اقوله والله يخوي ماني ولد افلان .. والا راعي دراهم اطق موتر ثاني .. قال ياخي طيب كم تبي .. قلت له ابي اللي يصلح موتري بس .. غير كذا ما أبي .. والعسكري المستلم يسمع .. قال يعني خلاص تبي ورقة تسعير .. قلت له ايه .. ويعطيني ورقة للمعارض عشان التسعير وورقة اصلاح على اني اختمهم الصباح .. ياعسكري خذ الرجال ووده الحجز لين يجيب له كفيل غااارم .. واطلع من المرور الا وانواع الأرقام ارد على هذا ويتصل ذاك .. هذا يقول ياخي ياخي فك الرجال خله يرح لهله وبيعطيك حقك .. والثاني قول قابلني المكان الفلاني عشان اشوف سيارتك كم تكلف ونعطيك حقك ...... وردي عليهم اقول ماراح اعرف سيارتي كم تكلف الا بعد مار اسعرها .. والرجال والله ما ودي يقعد لحظه وحده بالتوقيف .. لكن يجيب لهم كفيل على حسب طلباتهم هم .. وانا ماعاد لي اصلاً صلاحية اصلاً .. وافقل جوالي ...... واشغله ع السحور الا انواع الرسايل ( اللي تهديد واللي ترجي واللي واللي ) والله كأننا مو في السعودية .. الا هذا واحد يتصل .. ارد عليه يقول يخوي تعال للمرور الحين انا اعرف كم تكلف سيارتك وبنعطيك حقك واكثر .. وانطلع الرجال لأننا بصراحة مالقينا له كفيل حسب طلباتهم ( في شركة مرموقة أو برتبة عالية ) بعد تأنيب الضمير اتكلت على الله وواعدت الرجال عند سيارتي ورحت كعابي الا وهذا اللي مسفط عسكري في الأمن برتبة جندي او عريف والله ماني ذاكر بس عليه لوحة اسم ينتهي بنفس اسم عيالة خوينا .. نزل من سيارته .. سلمت عليه وهو بنفس خايسه يقول هذي سيارتك .. مافيها شي .. واسعار قطعها بعد رخيصه مرررررره .. وبعدين صدامها تجاري والكشافات تجارية بعد ماتبي الا رديتر حتى المراوح ماجاه شي .. والكبوت والرفارف رخيصة .. واصلاً عاااادي بتلقى تجاري بنفس جودة الأصلي ورخيص مررررة مايبي لك شي ولا راح يتعدى تصليحها الف ريال .. أفااااااا جتها صده من قبل ومغير كل شي تجاري ( واخليه ياخذ راحته كللللش ) .. وبعد ماقلب في السيارة ورفع ضغط أمي يقول يالله بنعطيك الف ريال ومازاد الله يسامحك فيه .. يالله يالغالي اركب معي خلنا نروح للمرور ونخلص كل شي من اهناك !!! بالحرف الواحد قلت له خلاص مهي بمشكله انت اسبقني وبجيك على سيارة اخوي .. ومصدق اخونا بالله راح ... واروح للبيت الا هذا اللي يتصل وينك يخوي انا بالمرور .. قلت له يالغالي اذا تلفيات سيارتي بيصّلحها الف ريال ماعاد ابيها خذها لك .. قال وش فيك انت شكلك تبي اكثر .. اقول له انا خصمي معروف ولا بيني وبينك شي .. يقول انا واصطة خير .. قلت له مانبي وسايط وواسطتي انا المرور وبكره بجي بعد الظهر .. وروح لهم يوم الأربعاء بعد الظهر ووقع الأوراق واسأل الرقيب اللي اهناك عن الرجال ( يقول هذا طلع بكفالة وقضيتك عن فلان الفلاني ) ياساتر تخيلوا عند من ( ابن عمه ) .. ماراح اعكيكم التفاصيل بالضبط وما دار ومع حبك وما جاني من ضغط غير طبيعي كي اتنازل عن دعواي وأقبل بالقليل رغم انها سيناريوهات لاتخلوا من التشويق ومن العبر المفيدة لكل من يقع مستقبلاً في نفس أو قريباً من ما وقع بي ......
مالكم بالطويلة ... بختصر لكم اشوي .. ولو اني مقدر !!! الحادث بالضبط وقع علي بمنتصف رمضان .. وأخذت حقي على داااااااير مليم بس متى ...... آخر شهر 10 .. تخيلوا الفترة بدون سيارة .. ومراجعات رمضان ( اروح للمرور يقول لي ماسك المعاملة والكروكي خصمك توه راح كان ينتضرك ومل ومشى ) اطلع من عندهم ( وروح اليوم الثاني بدري يقول والله مابعد جا لازم تنتظر لين يجي والا روح وتعال بعد الظهر ) ( أجيهم بعد الظهر واصف سرا لين اوصل عند هذا الموظف يقول يخوي توه راح من عندنا ويييييييينك انت ؟ ) وعاى هذا الحال .. جاء العيد .. وراح العيد .. ولا حتى بطاقة عيد !!! .. يفتح الدوام بشهر 10 واسبوع على هذا الحال لين اشتكيته بخطاب وضحت فيه كل شي عن الوضع من أول لتالي .. على ضابط الشعبة <<< ( رجال فيه خير شرواكم ) .. وأمر رقيبه بارسال خطاب لمرجع المطلوب بطلبه مخفوراً وعلى وجه السرعة .. وماهي الا فترة يومين بالكثير الا يتصلون المرور .. واجيهم الا هذا هو قدامي عند رقيب الشعبة .. يطلع الرقيب المعاملة والتسعيرات ويقوله انت عليه كذا وكذا للرجال بتدفعها الحين والا السجن قال لا هو غلطان علي وانا عندي اعتراض على تخطيط الحادث واطلب لجنة .. يسألني الرقيب وش رايك ؟؟ قلت بطيفه يبي لجنة يطلب اذا لي حق باخذه .. يوم شاف ردي كذا قال طيب انت كم تبي .. قلت ابي تسعيرة الأعطال والتصليح بس ما ابي غير .. يكفي اني عايش بدون سيارة للحين ( مايدري اني دخلتها ورشة من ثاني يوم بعد ما اطلعت الا بعد العيد .. وكل شي صلحته فيها تجاري بن تجاري .. ناوي ابيع خلاص جتني قناعة منها ( وبراسي هوندا ) المهم بعد تفكير عميق من هذا الرجل اصر على اللجنة .. كان يوم سبت وعدونا يوم الاثنين لأن لجان فض المنازعات والحوادث لهم على ما أعتقد يومين في الاسبوع اثنين وربوع ( ماني متأكد ) بس جيتهم يوم الاثنين الا وهو موجود ومعه عسكري بجنبه .. انتظرنا اشوي لين استدعونا لأن فيه قبلنا ناس متخاصمين دخلت انا واياه .. وقال الضابط من فيك فلان ( قلت أنا ياستاذ !! ) قال خلك وانت اطلع الزبدة عطاني ورقه وقلم وقال ارسم لي الحادث كيف سار والمسارات ومواقع سيارتكم قبل وبعد الحادث .. وارسم له كل شي حتى خشتي وهي طالعه مع القزاز ولمبات الشارع والاسكان ماخليت شي ( اش دعوة حصة فنية ) << يمزح .. رسمت له رسمه مقبولة ( فنان في الرسم ) وشرحت له الحادث وهو يتابع في الكروكي عنده .. وبعد ماخلصت يقول صحيح ميه ميه مثل ماهو بالكروكي ليه معترض خصمك .. اقول والله مدري القضية طووووويلة وماهو راضي يعترف ويعطيني حقي .. ويستدعيه ويعطيه ورقه وقلم مثلي ويطلب منه نف س الطلب .. وانا واقف ماقال لي الضابط اطلع .. الا الرجال يختبص يقول والله مالي بالرسم لكن الرجال هذا دفني من ورا واحنا بنفس المسار واختل توازن سيارتي وصفقت بالرصيف والرجال اللي جا يخطط الحادث مايدري عن شي .. يطالع فيه الضابط ويقول له انت وانت وانت وعليك الخطأ 100% ويحك على الكروكي دائة حمراء والله اذكرها للحين ويوقع عليه كرئيس لجنة ويعتمد النسبة .. ويقول له ياعسكري خذ الرجال هذا اللتوقيف ولا يطلع لين يدفع اللي عليه .. قال لا خلاص المبلغ معي ويدعي الله مدري اش يقول ( الرجال ملتحي وعليه هيئة الصلاح ) ويرد عليه الضابط وهو معصب يقول له انت المفروض انك تكون قدوه وانت بها الشكل ماتاكل حق الناس يكفي انك مسحب بها المسكين شهرين << وحط اصبعي بفمي !! وبنفسي اقول ينصر دينك .. ويطلع بوكه واخذ حقي منه .. واكتب على ضهر التقرير ووقع بانتهاء المطالبة واطلع .. ( ومايضيع حق وراه مطالب وان طالت المدة ) والسلام عليكم ورحمة الله وبركاته . <<< كلمة الصباح !!
حبيت اني اسرد لكم هذه القصة كرد على موضوع اخوي فيصل .. مع اني كنت احب اني احطها بموضوع مستقل .. لأخذ منها ما يفيد .. لكن يستاهل لأني متعاطف معاه للآااااخر .. والله ينصرك يالغالي على من ضلمك وياخذ حقك اليوم قبل باكر .. بس طلب ( لاتدعي على أهله مالهم ذنب ) .. واعذرونا على الأخطاء الاملائية .. والتقصير في سرد القصة بشكل أجمل .. تحياتي للجميع ،،،

^^^^

لقد قرأت كل حرف :cool:

الله عوضك خير والحمدلله ع سلامتك ,,,

الحمد لله على السلامة

وحقك إن شاء الله تباخذه لكن لا تستبعد اي شيء مع مرور السعودية ممكن يحطون الخطأ عليك عشان هو معه عائله <<<< هههههههههه ناوي ينفرش أو ممكن المرور بيحط الغلط على الشارع ترا المرور السعودي دايم يحب يفلها و يتونس لا تستبعد

ولكن من ناحية ان الكفر الايمن انمسح بسرعه فيحتاج لك تسوي وزن للأذرعه لان تلاقيها مع اللف القوي و انك طلعت فوق هضبة و هي مسرعه وبقوة فيمكن ان الاذرعة اختل وزنها ولكن رح اوزنها عند واحد ممتاز او اذا تبغا تضمن رح للوكالة وريح راسك يوزنونها بشكل افضل ومضمون

و الحمد لله على السلامة وعساها اخر المصايب وانصحك تشتري عجره تحطها معه بالموتر عشان مثل هالاشكال تتصرف معها

اخ لعيونهـا اشكرك من كل قلبـي على القصه إلي ذكرتها

وانا اليوم رحت مرور الثقبـه وكان مره زحمـه عشان الناس اول يوم دوام

وتوني جاي واللـه ...بس للأسف قالوا لي تعال بكره الصباح 7:30

قلت مو مشكلـه

انا سعّرت السياره اليوم من المعارض ..وصورتها

وإن شاء الله بكره راح اسلمها للمرور


ونشوف باقي الإجرائات ...

واهم شي إنك خذيت حقك يالغالـي ...

اخ اكورد 2005

خلك متابع للموضوع ..عشان نشوف باقي الإجرائات ونشوف المرور وش راح يصير

والحذفـه طلعت من الإستبنـه إلي ركبتهـا طلع الكفر اكبر من الثلاث الكفرات الباقيـه


والله العالم إنه هو سبب الحذفـه

<<<<<توه يستوعب إن الإستبنه اكبر من الكفرات الأربع :p

كان اعطيته كم كف على كم بقس اشياء خفيفه كذا ع الاقل إذا ماجابوا حقك الحكومه

تكون قذ اخذت حقك بيدك :d

لو انه نزل قال لك سلامات وشاف الاضرار وكذا وعاملك بالحسنى

اتوقع كان سامحته اما الغلط عليه ويقعد ينافخ , لا ثم لا ثم لا << عصب :mad:

ياخي ناس ما تستحي << مقهوووور

صارت لي سالفه زي كذا .. انا كنت في شارع اتجاهين رايح جاي وكان قدامي يو تيرن وكنت بطلع يسار الااا اللي جاي عاكس الطريق وبغى يصدمني .. انا عصصصصصصصبت والحقه وراه وراه شوي فتح الدريشه وقال صدمتك ؟؟ قلت لا بس وقف اعتذر قل شي او سلم اقلها مو آدمي انا .. قال آسف آسف وقفل الدريشه ومشى مانتظرني اقول شي ... وقفل الدريشه ومشى .. وارتفع ضغطي والحقه قلت وقف وقف ... ويرمي علي منديل ((كان معاه راكب هو اللي رمى المنديل ))

واجي قدامه واوقفه بنص الطريق (( حسيت نفسي دوريه ))

المهم وينزل الى هو كبر الجدار .. وزي اللي مسوي لي فيها عشانه اكبر مني ... الخ الخ ..

قلت ليه مو مالي عينك سلامات !!

قال ايه مو مالي عيني انقلع ويهزأ ... انا قهررررررررني ...

المهم وينزل واحد ويفك بيننا شوي الا فيه واحد يقولي صدمك قلت لا قال لو سوى شي كان بنزل معاك ((حتى ملاحظ فيه شوفه النفس))


والى يومك وانا ادعي عليه من القهر

بس اما انت والله انه شي يقهرررررررر


لا تترك حقك لو يصير ايش ...

نهايته بيجيه يوم يبي يسافر برا او بيبيع السيارة وبياكل هوا وغصب عنه بيسدد حتى لو ما مسكوه المرور

ع العموم انت خلك وراه وراه مهما سوو ومهما صار واذا فيه شي اقدر اخدمك فيه ترى من عيوني ... والشباب كلهم ان شاء الله مو مقصرين معاك

ربي ينتقم منه

واهم شي اهم شي ابيك تدري ان حتى لو ماصار شي وماقدرت تجيبه لا تنقهر .. حقك تراه عند ربك ماضاع وان شاء الله ان اجرك اعظم عشانك صبرت على المصيبه اللي جتك ... واحتسب الاجر ... ولا تدعي على عياله ترى والله مالهم ذنب

ربي يوفقك ويسهل امرك ويكتب لك كل خير

اخوي " لعيونها "
تصدق اول ما شفت الرد كدا تذكرت كتاب التاريخ مال اول ثانوي يسردوا لك القصة وما تدري من الي فايز بالنهاية

اقتباس:

---

المشاركة الأصلية كتبت بواسطة pink dream

^^^^


لقد قرأت كل حرف :cool:

الله عوضك خير والحمدلله ع سلامتك ,,,

---

الله يسلّمك من كل شر يالغالي

اقتباس:

---

المشاركة الأصلية كتبت بواسطة فـــيـــصـــل..607..

اخ لعيونهـا اشكرك من كل قلبـي على القصه إلي ذكرتها

وانا اليوم رحت مرور الثقبـه وكان مره زحمـه عشان الناس اول يوم دوام

وتوني جاي واللـه ...بس للأسف قالوا لي تعال بكره الصباح 7:30

قلت مو مشكلـه

انا سعّرت السياره اليوم من المعارض ..وصورتها

وإن شاء الله بكره راح اسلمها للمرور

ونشوف باقي الإجرائات ...

واهم شي إنك خذيت حقك يالغالـي ...

---

والله يافيصل ودي اتعرف ان الدنيا فيها بلااااوي ومشاكل لاقبل
وفيه ناس بلا تربية ومعدومين الاحساس والضمير ..
والا وش بيخسر لو انه جبر بخاطرك وهداااك او تأسف
والله انك ماراح تكون بها الوضع المحزن .. راح تهدأ وتروق
وتحمد الله ع السلامة .. وماراح يوصل بك الحال انك تدعي
عليه وعلى اهله ( استغفر الله ملهم ذنب المساكين ) ....

عموماً .. وضعك في السليم واجراءاتك عال العال
وتصرفك مثالي لأبعد حد .. يبقى التوفيق من عند الله
واسلوبك في الشكوى يختصر عليك المسافة كثيييير

ربي يرعاك ويوفقك وينصرك وتاخذ حقك منه
وان لم يكن مادياً .. يكفى انهم يجرونه قدامك
وتشوفه بالقسم ماثلاً أمام عينيك .. ع شان يعرف
ان الله حق والدنيا ماهي سايبه .. ومهما طااااااال
الزمن وتعاقبت الأيام لابد من رجعة الحق لصاحبه

ربي يرعاك .. ويحفظك دووووم لهلك وأحبابك

اقتباس:

---

المشاركة الأصلية كتبت بواسطة aziz93

اخوي " لعيونها "تصدق اول ما شفت الرد كدا تذكرت كتاب التاريخ مال اول ثانوي يسردوا لك القصة وما تدري من الي فايز بالنهاية

---

والله عاذرك حبيبي :d

اقتباس:

---

المشاركة الأصلية كتبت بواسطة فـــيـــصـــل..607..

اخ اكورد 2005

خلك متابع للموضوع ..عشان نشوف باقي الإجرائات ونشوف المرور وش راح يصير

والحذفـه طلعت من الإستبنـه إلي ركبتهـا طلع الكفر اكبر من الثلاث الكفرات الباقيـه


والله العالم إنه هو سبب الحذفـه

<<<<<توه يستوعب إن الإستبنه اكبر من الكفرات الأربع :p

---

ههههههههههههههههههه غريبه شكلك انت شاري السيارة مستعمل او كنت مركب كفرات كبار وغيرتها

انا يلي عندي الاستبنة على مقاس الاساسية وقد صار صار لي حادث خفيف الله يحمينا ويحميكم من شر الحوادث وتسبب في فقع الكفر ويوم ركبت الاستبنه ما شاء الله تبارك اله عادي ما كان فيها اي شيء

عموما افيدنا اول باول وش يلي يصير معك ومثل ما وصيتك

اشتر عجره عشان مثل هالضروف لو طحت عند واحد نشمه ووصخ

انا معي بالسيارة عجره ما شاء الله تبارك الله فيها كبر وقوة وانا حاطها تحت المقعد والحمد لله إلى الان ما استخدمتها وعساني ما استخدمها حتى باقي جديد ووالله من يوم ما اشتريتها ما شاء الله تبارك الله خفت المشاكل اثرها علاج ههههههههههههه وترا اسعارها رخيصة


وسلامتك ،،،