^^^^^^^^^
أخوي عبادي اسحب كلمتي من جد كلامك صحيح:(
^^^^^^^^^
أخوي عبادي اسحب كلمتي من جد كلامك صحيح:(
وعليكم السلام ورحمة الله وبركاته
الله يعطيك خيرها ويكفيك شرها
اول شي من بياناتك يدل انك مشترك في المنتدى من قبل ماتطلع السياره بشهر
يعني اكيد كنت مطلع على عيوب السياره اللي قلت عليها قبل تشتريها
ثاني شي صدقني بتجيك مشاكل اكبر من اللي عندك لسبب واحد انت قلته في ردك التالي
على بالك انه ذنب اللي اشترا الآوريون منك ماراح يطلعه ربي
الله يكون فعونك على ما انت فيه ويهدينا واياك والمسلمين اجمعين
بسم الله الرحمن الرحيم
الحمد لله على السلامه << موب تقول صدمتك الاكورد خخخخ:d
انا من ناحيتي جميع الاشياء الي ذكرتها مو مهم
صوت هوا عادي ماعندك مشكله موب ذاك الصوت الي يخليك تنزعج في اختراع اسمه مسجل
صوت الارض مثل ماقالو الاخوان كانك منزعج لهالدرجه تسوي لك عزل وركب كفرات لينه ويضبط وضعك
والأكورد موتر ماينفع للمقاومات ليه سموها الملكه
حافظ عليها ترزك وتخليك ملك
ومن ناحية تقولي راح عليك فور 98 خخخخخ
انا بقولك شيء اذا تبي تقاوم جرب من 40
انا قد جربت بموتري مع ازيرا (قولو ماشاء الله :d) والتيما
كنا كلنا مع بعض فالقومه يعني واقفين سوا وبعد البوري الثالث << بيمسك خط
دعسنا
انا يساري الالتيما وماسك مع صدام الازيرا ماشاء الله
ذاك اليوم بغيت اطير من الفله خخخخخ ماشاء الله أذكرو الله بس
واذا تبي تقاوم والثمانيه سلندر مايمسك معك
تقدر تروح لقسم التعديل والتزويد
وتحط لك موضوع وبتلقا الردود الي تسرك :d
تحياتي
HONDA ACCORD
The First Car in the World :d
اخوي مع احترامي لك اتحدى لو كان معك اكورد اتحدى
1- الفرامل زفـت وربي طلعتها يوم 15 رمضان .. اقسم بالله يوم 18 تطلع صوت الاقمشه >> وين عايش ثلاثه ايام بس ؟؟
عاد ويييين ياخوي احنا لنا شهور والسيارة ماشية 25الف مافيها اصوات تجي انت في ثلاث ايام يطلع صوت >>من الممكن تراب ولا شي جوا الهوب
2- امشي فوق 200 واضرب فرامل بقوه التركسون يرج >> وربي لو ددسن ماترج ؟؟
ياحبيبي هذي نظام توزيع الفرامل >>اضغط الفرامل كااااملة بتشوف السيارة ماتتزحلق
3- يدخل علي هواء حآآآر من التركسون ومن تحت عند الارضيات الله يكرمكم ..
هذي عاد والله مدري من وين جاايه كلنا معنا هالسيارة ولا طلعلنا شي
4- تنسيم من باب الراكب ..
مافيه سيارة مافيها تنسيم والتنسيم حق الاكورد ليس بالمزعج عااادي جدا
5- مراتب ؟؟ > هذيك مراتب بالله ظهري يرحم امك وربي العصعص عندي جاه شئ >> قآآآآآآآسيه بالحيل
مثلك اول ماطلعتها لكن بتتعود عليها وفيه شي اسمه سفنج حطه كان مااعجبتك المراتب
6- غير مريحه ابدا ابدا وصوت الشارع معي بالسياره كان فاتح الدرايش كلها ؟؟؟
صوت الشارع من الكفرات اما التنسميم فهو جيد مقارنة بالمثيلات
مبرووك على سيارة الي تكرههاا ..
ومافيه سيارة بالدنيا مافيهاا مشكله ...
فديت اكوردتي ههه
المهم انا يووم طلعت سيارة جلست يوومين وكرهتهاا .. بسبب صووت طلع لي بس رحت لهم ويرجع صووت واكثر من مرة طفشت وسافرت ع سيارة ويووم وصلت 4الف كيلوو راح صووت سبحان الله من نفسه بااقي صووت يعني مع الفرامل طق خفيف .. امم والحين مرتاح بس فيهاا رجه مع الفرامل لما تمشي 200 وتمسك فرامل ترج ذا الي محيرني .. بس تبقى الاكورد وربي سيارة ولا احلى .. ويازينهاا ويازين سواقتهاا ..
تنزل من سيارة 6سرندل
وتركب 4 سرندل
وتبييهن زي بعض؟!!!
وربي مسكينة هــ الاكوورد كل يووم طاالع واحد يسب فيهاا .. فيهاا وماافيها.. وليش ما فيهاا.. وانا داافع فيهاا..
من الاسااس ليه ترووح تحط فلووسك في شي انت موو مرتااح فيه اوو انك مجبوور من ابووك مثلا
السيااره هذه من صنع البشر وطبيعي يكوون فيها بعض المشااكل المصنعيه مع انهاا 2010 المفرووض ما فيهاا.. لان المشااكل هذه
جايه مع الجيل الجديد 08 .. انا ما ودي اطوول
مر وكالة خريص وانشب لمدير الصيانه وان شاء الله ما تطلع منه الا وانت رااضي
والله يعينك على وكيلناا اللي لاقيننا بلفه
^
^
^
^
اماا من اياام المتوسطه ..
إأخوي ..
إنت موضوعك ماله هدف معيين
تتكلم في إمور غيريبه و تقارنها في سيارات مو نفس المستوى
تكلمت بالعزم و انت جالس تقارن 6 V في 4 V !! غير معقول كلآمك
و جالس تقارن ياباني في أمريكي !! تتكلم من جدك !!
بعدين تقول رجه بالسياره اذا هديت و انت تمشي 200 , هذا طبيعي لان الاكورد
فيها نظام Abs و هذا في كل السيارات
انا معي اكورد و معي قراند ماركيز 2004 و اذا مشيت 180 و هديت يسوي نفس الحركه
يعني لا تقول شيء انت مو فاهمه
و الا مور الثانيه طبيعيه و كلها شغلت عازل و تعديلات بسيطه
دمت في رعايه الله
هلا فيك يالغالي
من ناحية الفرامل انت تقول امشي 200 وادعس فرامل شيء اكيد ان ما بيبقى منها شيء يعني اذا كانت دعساتك قوية و الله شيء طبيعي ان ما بيبقى منها شيء ومن ناحية الحرارة تطلع عليك اتمنى انك تراجع الوكالة اذا كانت على الضمان و اذا كنت شاريها من معرض خارج الوكالة فأتوقع من التخزين السيء يلي يكون في اغلب المعارض يلي مهب تبع الوكالة ولكن مثل ما قلت لك رح للوكالة اضمن لك
و القماشات عطيتك علمها انا اول ما اشتريت الموتر كان ما شاء الله تبارك الله الفرامل قويه بالمره وانا متعود على فرامل الفورد والكوابرس القديمة ويوم اجي ادوس اضغط بقوة و إلا الفرامل قويه بالحيل بغا راسي يصك بالقزاز وتقريبا ما مر إلا 5 شهور إلا و القماشات منتهية ورحت وانا زعلان وقلت وش ذي الصناعة طلع العيب من استخدامي لأنه كان استخدام خاطئ وسيء يضر الهوبات و يخلص القماشات ويوم بدلت القماشات واستخدمتها بالشكل المطلوب إلاوهي ما شاء الله تبارك الله ماشيه تمام معي وصرت كل سنه ونص لازم ابدل القماشات وانا راضي على اني ابدل القماشات كل سنه ونص دام ان فيه فرامل قويه وآمنة فداها كل شيء اهم شيء الامان
ولكن انت بدل القماشات و خف رجلك على الفرامل
ومن ناحية الرجة يفيدونك ما عندي علم بها ولكن اعتقد مع السرعة الزايدة و ضغطت الفرامل الاضطرارية إن الموتر بيرج معك ولكن الأفضل انهم يفيدونك اكثر بهالمشكلة
و الله يعطيك العافية
وسلامتك ،،،
كلامكم على العين والراس بس ضحكتووووني بشئ ؟؟؟؟
انا شآري لي سيآره وكآله واقوم ارجع للورشه مره ثآنيه هههههههههههه ؟؟ >> 99 الف ولا كلفو انفسهم يركبون جلد زي الناس وبعدين ياتصنع شئ زي الناس يااطلع من مخي شوف المكسيما هههههههههه ياباني يالله قآرن بينها وبين الاكــورد ..
زبدة الهرج هونـــدا الثلاث السنوات الاخيرهـ فـشـل ذريـع .. >> على فكـره من محبين الاكـورد لكن كلمه الحق تنقآل ..
وعن الاخ اللي يقول يتحدا ان معي أكــورد ياليت تفهمني وش المقصود من كلامك أجيك لبيتك واطلع لي استماره السياره مثلآ ؟؟
من ناحية الورشة حنا قلنا رح للوكالة مب تروح للورش الوكالة اضمن لك
ومن ناحية المكسيما فلا يغرك الشكل ترا الخرابات موجودة و عندك الالتيما يلي ماخذين 2008 و 2007 يشتكون المكينة صوتها تقول صوت ددسن مب التيما وانا اخوي يقول لي قابل مدير الميكانيكات لشركة نسيان بجدة واحد لبناني فكانوا يتكلمون عن السيارات فقال اخوي كيف سيارات نسيان وسأل عن المكسيما الجديدة قال له لا تقرب نيسان تعباه مب مثل اول وسأله عن تويوتا قال اعتقد من بعد فضيحتهم الاخيرة ما عاد لهم صيت بالسوق بسبب سحب السيارات من امريكا و سأل عن هوندا قال هي افضل شيء حاليا ً ما شاء الله تبارك الله تدوم معك 5 أو 7 سنوات مب مثل باقي السيارات سنتين ثلاث بالكثير وهي مهربدة
افضل شي بسوق الان هوندا
لاتقولى تويوتا ولا فورد
مع احترامي
الياباني افضل من الامريكي
وتويوتا سمعت صارت زيرو
واذا انت راعي مقاومات مافيه ولا سياره تنفعلك
وش قال المكسيما احسن والله راح نشوف موديلات 2003 و 2004
منقرضه ماتشوفها الا قليل .
واذا انت مو مرتاح للسيارتك روح بيعها تجيبلك سعر بأذن الله واشتر مكسيما وانتهى الموضوع .
طيب وش المغزى من موضوعك؟
انا من يوم شفت نكك وانا غاسل يدي
اشك ان معك اكوورد .. واللي مايطول العنب حامض عنه يقول
مع احترامي لك ... :d
الله يهديك ماخذ الاكورد بانوراما مافي احد يقدر يجيبها الا انت .. :d
ولا تنكر تقولي مافيها عيوب مصنعيه ولا تقولي مافيها نقص مواصفات :d
وتفضل هذولا كلام ناس يقولون نفس كلام الرجال :d
ويمكن كلهم ماعندهم اكورد هههههههه بس انت اللي عندك:d
http://www.hondaarabia.com/club/t39533/
http://www.hondaarabia.com/club/t39696/
ونصيحه .. احترم الناس عشان يحترمك الغير ...
اول شي انا محترم نفسي ونصايحك احتفظ بها لنفسك
وانا ماني ماخذ الموضوع تعصب ولا شي
والاكورد معروفه ماهي حقت مقاومات وعزم .. يعني ماجاب شي جديد وكلنا نعرف عزم الاكورد
بس يحق لك شكلك جديد على الاكورد .. انا اول ماطلع موديل 2003 الشكل الجديد اشتريتها
وبعدها الخلفيه الجديده 2006 اشتريتها .. واشتريت 2008 اول مانزلت وبعتها عشان اللون ولا والله مابعتها .. واخيرا اشتريت 2010
تجي تعلمني الحين بمشاكل الاكورد خخخخخخخخخ
انا ماستفزني بالموضوع الا مبالغته .. اذا "كان" فيها خراب زي مايقول يوديها الشركه والله يخلي الضمان
يصلحونها وهم مايشوفون الطريق ... والغلطه غلطته هو المفروض يجرب ويستفسر عن السياره اللي بيشتريها
الدعوه مو حقره بقره ... واذا مره مو عاجبته يبيعها وانتهينا
يوم تقول انا محترم .. ما اتوقع انه من الاحترام انك تكذب الرجال ...
وانت من كلامك مابعد استعملتها استعمال كرف عشان تقولي مافيها عيوب يعني من 2003 الى 2006 الى 2008 الى 2010
الله يعطيك خيرها ويكفيك شرها .. لكن اذا بتتحدى وتقولي مافيها عيوب .. بنطلع انا وانت في موضوع برا عشان مانخرب عليه (ويتقفل الموضوع) وبطلع لك عيوب الاكورد عيب ورى الثاني ...
واذا ماتبي موضوع ادخل قسم الصيانه بنفسك وبتشوف :d
ويوم تقول بيعها وانتهينا .. انت ماشاء الله عليك اذا ربي منعم عليك واشوفك من موديل لموديل في ناس خلاص اذا اشترى سيارة تنشب بحلقه ...
او يكون ابوه عصبي وساعة يقوله ببيعها يقوله لعب بزارين هي اشتر وبيع .. الخ الخ
ياليت تقدر هذي الاشياء .. وتحاول تشوف الموضوع اكثر من ناحيه ... مو تشوف الناس كلهم زي ظروفك
ويوم تقول ...::
^والاكورد معروفه ماهي حقت مقاومات وعزم .. يعني ماجاب شي جديد وكلنا نعرف عزم الاكورد
^
^
دارين انه ماجاب شي جديد لكن هو يحكي تجربته ... ليش معصب انت .. اذا جيتت تبي ترد ياليت تقدر نفسيه الرجال وتواسيه او لاترد ...
ترى حنا هنا في المنتدى زي الاخوان نساعد بعض حتى لو كان بدم قلبنا ..
وبيجي يوم تكون انت بحاجه الشباب صدقني بتلاقي اغلب المنتدى يوقف معاك بأذن الله
يا اخي العزيز اسلوب الموضوع اصلا مايساعد
ومهو انا الوحيد اللي مادخل راسي كلامه مبالغ بشكل غررريب؟؟
يعني معقوله سياره بقراطيسها بـ 3 ايام تطلع صوت الاقمشه
انا متفق معه بنقطه وحده بس .. اللي هي المراتب غير مريحه وهو صادق
وانا ماقول ان الهوندا لكزس ولا مرسيدس مافيها عيوب مصنعيه
شي طبيعي يكون فيها عيوب زيها زي مثيلاتها الكامري والتيما وغيرها
بس بحدود المعقول ... يعني العيب المصنعي اللي يواجه اغلب الاعضاء
الاقمشه و الديكور .. وبعض الاحيان حالات شاذه زي دودة الدركسون
وبخصوص مشكلاته اللي عرضها ماذكر انها مرت على احد
واذا عنده عيب مصنعي يروح الوكاله ويضبطونها له ويتأكد من الكفرات لاتكون محبله من الوقفه الطويله
نهاية كلامي المعذره والسموحه ان غلطنا على احد ..
تحياتي
اخوي انت مبالغ عاد انا لي اسبووعين وماشاء الله يعني تقدر تقول العزم نوعا ما اوالاصوات فقط اما غيره فانت مبالغ فيه
والله انك غريب انا اعرف ناس عمالة مع الأكورد ولا عمرهم اشتكو من اللي انت قاعد تشتكي منه
___
هو في سببين :
1 _ يمكنك من الأشخاص الموسوسين .
2_ حظك شين .
______
وبالنسبة للقومات الأكورد 4 سلندر تقارب سرعة التورس 6 سلندر
وانا سويت بحث وجربت على أكورد
الوصول من 0 _ 100 بالتورس 8 ثواني والأكورد 9 ثواني
------
بعدين اسمح لي بنظري تويوتا ما تقارن بـ هوندا ...
هوندا اكيد ازين بمليون مرة
بـعد آلكلآم اللي قاله إخوي بالموضوع
كلمت وآحد من الشباب توه شاري 2010 فل كامل قبل رمضان
ركبت معه و سألته !!
فيها رجه و انت مسافر عليها مكه ~> لآحظ مكه !!
قال لا و الله موتر راسي و امشي عليها 200 ما احس
قلت فيه خراب إو عيب لاحظته ..
قال ابد بس اسمع صوت الهواء بشكل بسيط جدآ !!
و سألته عن الفحمات و القماشات قال لا سمعت لها صوت لا هم يحزنون
انا معي 2002 و ما اشتكيت كيف 2010 يا عالم !!
ههههههههههههههه
تكفى خل السياره تعجبك تكفى خخخخخخخخخخخ
اصلا صفقني ان كان معك اكورد
وبدري عليك تشتريها
اسلوبك واضح
ياليت المشرفين يقفلون الموضوع لأن الموضوع طلع عن مساره وطلع عن الهدف المرجو واخذ منحى ثاني
انا معك في المشكلتين هذي:
2- امشي فوق 200 واضرب فرامل بقوه التركسون يرج >> وربي لو ددسن ماترج ؟؟
6- صوت الشارع معي بالسياره كان فاتح الدرايش كلها ؟؟؟
وصراحة اخوي انا مره شفت اوريون تبي تتجازني وقمت ودعست للإكورد مسووي فيها والله إنها فشلتني جاء من عندي وقالي باباي,,
من جد انحرجت..
مواقع النشر (المفضلة)