قد غيرت فلتر البنزين؟؟
اذا ماغيرته من خذت السيارة انصحك غيره كـ حل مبدئي
السلام عليكم .... يسعد مساؤكم بالخير جميع أعضاء المنتدى الرائع
عندي مشكلة حيرتني وعرفتني على ورش الرياض ولكن بدون جدوى ,,,
المشكله عندما يكون القير بوضع d او r ,والسيارة شغالة تظهر رجة قوية بالمكينة مع صوت تفتفة مع الشكمان . وحتى صوت المكينة متغير مو مثل اول صاير ضعيف وكأن السيارة بتطفي ؟
سويت تنظيف لمنظم الهواء مع تغيير بواجي وتغيير بطارية لكن للاسف نفس المشكلة وكل يوم تزود الرجة والتفتفة .. كل هذا والسيارة لما تكون واقفة اما مع الخط صافية وكأن ما فيها شي ؟
والله كرهت السيارة بسببها !!! أرجوا ممن مرت عليه هالمشكله يساعدني مشكوراا.
نسيت اقول انكراسي المكينة سليمة وكذلك كراسي القير.
وديتها فلبيني قال المشكلة في كهرباء المكينة واصلحها ب450 وبصراحة خفت انه يلعب بالسيارة
فهل اوديها للوكالة والا اي ورشة ؟؟
اكورد2007 ماشية 170000كم
قد غيرت فلتر البنزين؟؟
اذا ماغيرته من خذت السيارة انصحك غيره كـ حل مبدئي
يعطيك العافية اخوي
قد غيرت الفلتر قبل شهر مع البواجي وتنظيف المنظم لكن نفس المشكلة ,في واحد بالصناعية قال هذا من حساس الدعسة لازم تغيره وسعره يقول مرتفع مره,واخاف اغيره وتبقى المشكلة
ودها للوكالة وخلهم يبلغونك قبل يبدون شغل بالتكلفة اذا جاز لك سعرهم ولا ادفع قيمة الفحص وخذ السيارة مع التقرير للورشة اللي تناسبك والله يوفقك.
متى ظهرت المشكله بالضبط ... بعد تغيير البواجي مثلا ولا بعدها بفتره
أخوي المشكلة ظهرت من قبل تغيير البواجي بس في البداية كانت خفيفة مرة ثم صارت تزود كل يوم
والله اليوم رحت لكذا ورشة بالصناعية اللي يقول ان المشكلة بكهرباء البخاخات واللي يقول بحساس الدعسة
بصراحة احترت ..
اخوي لاتكون من الكويلات اذا كانت منها الله يساعدك لانها حدها غالية
يمكن السبب يكون من حساس الهوا (يتنظف ب بخاخ خاص لتنظيف الألكترونيات تلقاه بساكو)
كانت عندي نفس المشكلة ونظفتة بالبيت وضبطت السيارة تمام
مكانة بعد الفلتر حق الهوا في الماصورة اللي رايحة للثروتل
اخوي روح الشركة وافحصها هناك خليهم ياخذون 2000 ويزينونها وعلى الضمان
ولا ياخذ احد من برا 400 ريال وتقعد مشاكل معاه هذا رأيي وانت حر
شيك على اسلاك البواجي .
شيك على دبة التلوث الي بالشكمان يمكن تكون منسده .
افحص بالوكالة على كهرباء السياره مايكلفك كثير وافضل من كلام الورش
أشكر الجميع على تفاعلهم مع مشكلة سيارتي , وأبشركم انحلت المشكلة وكان السبب اثنين من بلوف المكينة قافلة .وسويت لها وزن بلوف واللحين السيارة تمام ولله الحمد
عندي نفس المشكله وأنا أخوك مادري كم تكلفة وزن البلوف وهل تسمع صوت عندما تدعس بنزين والا لا
مواقع النشر (المفضلة)