زيت القير لأكورد 08 ... ايه سي ديلكو \ توتار \ هوندا .. متى وبكم ؟
السلام عليكم
إخواني ..
كنت اغير زيت الموتر .. واشيك عليه
الا يقولي البنشري انو زيت القير محترق خلاااص
واعطاني خيارات غريبه عجيبه وانا غشيم
طبعا هو يقول :
ACDelco
بـ 45 ريال
يمشي 10,000 كيلومتر
أو توتار
بـ 105 ريال
ويمشي 20,000 كيلومتر
طبعا هوندا ليس في قائمته
واقوله كيف طيب هوندا حق الوكاله وكذا
ويمشينا 30 الف احسن من ذولي
قالي : لا نصابين
مافيه زيت قير يمشي اكثر من 20 !!
ونقطة ثانية .. كاني سامع انو تغيير الزيت هذا في الوكاله بـ 350 ريال !!! وااي
وهل فيه فلتر يتغير أو شيء معاه ؟؟
ومشكورين
اخوي انا مغير زيت القير مع الفلتر طبعا اخذتها من الوكاله وغيرتها برااا 70 ريال فقط
الوكاله
الزيت 1علب=45ريال اذا مع الفلتر تاخذ اربع علب
طبعا العلبه الرابعة اخذ منها النص
والفلتر =121 او 102ريال
والشغل الزيت بس 182 ريال
والفلتر 300 ريال
والله زرف مو صاااااااااحي بالاخير 70 ريال ووفرت مبلغ وقدره
وعليكم السلام ،،
يا هو عطآآك سلك ابن . . .
من متى زيت القير يمشي بس 10,000 ، لا يكون زيت ماكينة !!!
زيت القير في الاكورد 2008 وطالع يمشيك 60 ألف ..
وتقدر تاخذ زيت القير من الوكالة وتغيره في اقرب ورشة متخصصة ،،
يعطيك العافية اخوي الحايلي ...
يعني نشري زيت الهوندا من الوكاله مع الفلتر ...
^طيب لازم فلتر ؟ << يبي يوفر طبعا :o
ككاشي-سان .. هذي ثقافات ..
وهذي ثقافة أبو يمن
الف شكر على مرورك الجميل ..
بس ودي اعرف كم يكلف جوا الوكاله وبرا الوكاله
علما انو القير تماتيك ..
الاسعاااااااااااااااار انا كاتبها لك بالوكاله نااااار وبالاخير رحت لورشه وغيرته 70 ريال (مو بنشري)
الفلتر اجباري لانه راح تشوف وساخه وانسداد بالفلتر
فأفضل شي انك تشتري الزيت والفلتر من الوكاله وتغيرها براااا (حتي ماينعدم القير وتخسر مبلغ وقدره)
بانسبه متى تغير الزيت مع الفلتر اذا مشت سيارتك 60 الف
وبعدها تغير كل 40 الف
الافضل طبعا زيت هوندا
ما انكر ان الوكالة زرفبس بها الامور الوكالة اضمن
لو صار شي ولاشي يعني من متى الا متى بتغير زيت الجير
نصيحة منى اي شي حاول تساهل او تفلسف فيه الا شي يخص الجير والمكينة
اخوي انا مغير زيت مع الفلتر ثلاث علب كل علبه بـ 46 من الوكاله ومغيرها برى تمشيك 40 الف كيلو
زيت القير بالذات حاول أنك تغيرة بالوكالة أفضل لك
أنا مغيرة قبل رمضان بـ 186 تقريبا :d
بدون فلتر
لأن إذا صار شيء للقير تراجع الوكالة
حبيبي انا مغيره بالوكاله
186 ريال بس
من موديل 2008 وطالع فلتر القير مو ضروري تغيره اول مره يمكن ثاني او ثالث مره تغيره
هذا كلام الوكاله انا في شهر 7 مغيره بالوكاله
وبعدين لو غيرته في ورشه برا وصار فيه خلل في القير بعد فتره هل بإعتقادك إن الورشه بتضمن شغلها لك
اكيد لا
فإذا إدفع مبلغ زياده شوي بس تضمن القير
بدال ماتقعد تصلح فيه من فتره لفتره
والفلوس وانا اخوك الله لا يردها وسخ دنيا السياره انت شاريها بمبلغ وقدره
لا تقول 186 او 200 ريال كثيره
أفضل لك والله الوكاله غيره فيها وأرتاح لا سمح الله صار شي والا شي
تقدر تطالب وقتها وأنت مطمأن لكن الورشه والله لو تطلع والا تنزل مايسوي لك ولا شي
هذي نصيحه من اخوك والقرار الأول والأخير لك أنت
إحترامي لك يا غالي
انا كان همي الـ 350 ليش
لكن بالاسعار ذي الوكاله بلا منازع
الف شكر لكم ياشباب ..
ضوابط المشاركة
رد مع اقتباس
مواقع النشر (المفضلة)