والله احترتـ انا ماشيـ قدامـ ولا راجعـ ريوسـ؟!

**اكوردياني** · 13-09-2010, 04:19 PM

السلام عليكم ورحمة الله وبركاته
الكوكو اليومين هذي قامت تتدلع وتعمل لها حركات نص كم

طلع لي صوت وانا ماشي كأني راجع بالريوس واذا زدت السرعة يختفي الصوت.. أول ما بدأت المشكلة كان لما ألف الدركسون يسار فقط و أدوس بنزين يطلع لي هالصوت.. الحين تطور الحال و صار بكل الحالات يطلع على السرعات المنخفضة.. مع ملاحظة ان الصوت ما يظهر الا مع الدعسة يعني اذا شلت رجلي عن البنزين يختفي الصوت.
+
صوت ثاني من جهة البكرات و السيور (صفير) مثل صوت غلاية الشاي لامن غلت الموية قام يصفر<<<< هذا اقرب مثال
ونفس الحالة الصوت هذا ما يظهر الا لما أكون ماشي على السرعات المنخفضة

أفيدونا أثابكم الله.

**اكوردياني** · 13-09-2010, 06:45 PM

....

**FiReFiGhTeR** · 13-09-2010, 07:09 PM

والله ودي افيدك بس روح للوكاله خلهم يفحصونها لك

**5558** · 13-09-2010, 07:18 PM

كم موديل السياره اقل من 2008

فأنا ابني على كلامك اذا شلت رجلك عن الدعسه وراح الصوت احتمال يكون رمان القير

وتقبل مروري

**memories** · 13-09-2010, 08:34 PM

وعليكم السلام ورحمة الله وبركاته

الصوت اللي تقول عليه زي صوت السياره اللي برموت كنترول اللعبه؟؟؟

شيك على زيت الدركسون والسياره بارده احتمال كبير يكون ناقص

**AHN** · 13-09-2010, 08:37 PM

انا أحيانا يجين مثل ذا الصووت .,
لاكن سااحب عليــه

**اكوردياني** · 13-09-2010, 08:45 PM

المشاركة الأصلية كتبت بواسطة firefighter

والله ودي افيدك بس روح للوكاله خلهم يفحصونها لك

بارك الله فيك اخوي ما قصرت اما سالفت اني اشيكها بالوكالة اغسل ايدك منها

المشاركة الأصلية كتبت بواسطة firefighter

كم موديل السياره اقل من 2008

فأنا ابني على كلامك اذا شلت رجلك عن الدعسه وراح الصوت احتمال يكون رمان القير

وتقبل مروري

سيارتي أكورد 2008..
والله بيني وبينك انا شاك تكون المشكله بالقير وهذا الي انا خايف منه
لكن ودي احد يطمني ويقول لي غير هالكلام.

المشاركة الأصلية كتبت بواسطة memories

وعليكم السلام ورحمة الله وبركاته

الصوت اللي تقول عليه زي صوت السياره اللي برموت كنترول اللعبه؟؟؟

شيك على زيت الدركسون والسياره بارده احتمال كبير يكون ناقص

هلا ميمورايس
تقريبا نفس صوت اللعبة
وبالنسبة للزيوت فوضعها تممام

**اكوردياني** · 13-09-2010, 08:49 PM

المشاركة الأصلية كتبت بواسطة AHN

انا أحيانا يجين مثل ذا الصووت .,
لاكن سااحب عليــه

الحال من بعضوووه..
شوفني الان يوم اني سحبت عليه صار يطلع لي بكل وقت وكل حين :d
شكلي راح اتنازل هالمرة وأوديها للوكالة.

**أكورداوي** · 13-09-2010, 10:13 PM

ماودي اقولك رمان القير لكن هذي الحقيقه :d

لكن لاتشيل هم .. صوت موجود في أغلب الأكوردات بس بدون اي مشاكل الحمد لله .. يعني مجرد صوت وانا لي الحين حدود 4 سنوات مع هالصوت الين صرت انطرب عليه :d

**اكوردياني** · 13-09-2010, 10:48 PM

المشاركة الأصلية كتبت بواسطة أكورداوي

ماودي اقولك رمان القير لكن هذي الحقيقه :d

لكن لاتشيل هم .. صوت موجود في أغلب الأكوردات بس بدون اي مشاكل الحمد لله .. يعني مجرد صوت وانا لي الحين حدود 4 سنوات مع هالصوت الين صرت انطرب عليه :d

احبطتني يا شيخ قول غير هالكلام
اجل تقول لي طرب.. والله الاكورد عودتنا على الطرب.

**اكوردياني** · 14-09-2010, 05:08 AM

أكورداوي تراك خرشتني خرشة أليييمة :d
خلنا نستثني ان تكون المشكلة بالقير لأني اليوم جربت أفضي القير وادعس بنزين وطلع نفس الصوووت.

**م هـ ى 700** · 14-09-2010, 05:36 AM

المشاركة الأصلية كتبت بواسطة اكوردياني

أكورداوي تراك خرشتني خرشة أليييمة :d

خلنا نستثني ان تكون المشكلة بالقير لأني اليوم جربت أفضي القير وادعس بنزين وطلع نفس الصوووت.

شيك على مستوى علبة زيت الدركسون .
شيك على طرمبة الدركسون .
شيك على الشداد الأوتوماتيكي للسير الخارجي .
شيك على علامة اهتراء سير المكينة الخارجي .

وإن شاء الله خير وما تكون من القير

**MA6ANSH** · 16-09-2010, 10:32 AM

اكوردياني جرب هذي وان شاء الله ماتندم

شيك على السيور لا تكون مشدوده..
اذا ماكانت مهترئه غيرها عند واحد فنان ولا يشدها مره..

وبإذن الله ماراح يرجع الصوت..

**اكوردياني** · 16-09-2010, 08:58 PM

هذا المقطع يوضح الصوت الي عندي

[ame=http://www.youtube.com/watch?v=gxcMF3Ap6Uk]YouTube - IMG 0372[/ame]

**اكوردياني** · 17-09-2010, 12:49 PM

الصوت زاااد وصار يخوف.. فتحت الكبوت وتفاجأت من تهريب الزيت الي صاير
التوقع هو سبب المشكلة بس وش سبب التهريب؟

موقع التهريب

صورتين للتهريب

ِ

**memories** · 17-09-2010, 01:29 PM

قلتلك شيك على زيت الدركسون قلتلي الزيوت كلها اوكي

المشكله حصلتلي وهيا اساسا عيب مصنعي وتم تغيير عمود الدركسون لأنه التهريب عندي طلع منه وفيه ناس طلع التهريب عندهم من الليات وفيه من الطرمبه

الله لا يهينك الحق عمرك لو مازالت السياره عالضمان وعالوكاله

**اكوردياني** · 17-09-2010, 01:45 PM

اهااا صدقت يا ميمو خلاص اجل كفشنا المشكلة والسبت ان شاء الله انا مستقعد للوكالة
بس خوفك يقولون لازم تدخلها للفحص ويبدون الاستغلال.

**memories** · 17-09-2010, 02:07 PM

اكيد طبعا

لازم يستفيدوا من حضورك

انت كم ماشيه سيارتك الحين؟؟

**اكوردياني** · 17-09-2010, 02:11 PM

الان ماشية 80,000 لكن امعصي ادخلها للفحص توني مطلعها من فحص 60,000
بحاول اغريهم بتغير زيت المكينة والفلتر :d

**memories** · 17-09-2010, 02:13 PM

صيانة ال80 من الصيانات المهمه

يتم فيها تغيير فلتر البنزين وامور اخرى ما اعرف ايش هيا خخخ

دخلها صيانه ال80 وقلهم عالمشكله وكل شي وان شاء الله تتصلح عالضمان خصوصا لو كنت ملتزم بالصيانه

**tfah** · 18-09-2010, 04:57 PM

طيب اللي رايح الضمان وش يسوي
انا نفس المكان يهرب زيت بس مطنش

**اكوردياني** · 18-09-2010, 06:27 PM

انا اليوم كنت في الوكالة يوم شافوا المشكلة قالوا لي ضمانك يلغى لانك ما تجيب سيارتك للصيانة كل 5000 كم
تكلفة الاصلاح تتعدى 3000 ريال
ما اقول الا حسبي الله ونعم الوكيل

**amer09** · 19-09-2010, 12:49 PM

كانو بادي عندي ذا الصوت بس على خفيف الله يستر بنزل اشيك على الكبوت

طيب انشب لهم سو صيانة 80 الف وتعالهم يوم ثاني قولهم واذا قالولك لا حاججهم بالصيانة الاخيرة

**amer09** · 19-09-2010, 01:08 PM

فيه تهريب بس بسييييط مره :(

باقي لي 3الاف على 40 الف وماقد سويت الا صيانة 20 الف والباقي زيت وسيفون لكن اغيره عندهم

اذا مشيت عليه 3الاف ما يقوله شي عشان اسوي صيانة 40 الف ويدفونه على الضمان

وش رايكم اللي عنده نفس المشكلة نكتب ايميل ونحط فيه رقم الهيكل حق السيارة ونقولهم ابو الهش مو راضي يصلحه ونرسله لهوندا الام وهوندا الشرق الاوسط

**اكوردياني** · 19-09-2010, 02:35 PM

اخوي عامر هذي بداية المشكلة الحق عمرك لا يصير فيك مثل ما صار فيني
اكثر من عضو بالمنتدى عنده نفس الخلل و في اكثر من موضوع لنفس المشكلة
والوكالة مش معترفين فيه كخلل تصنيعي.
لكنهم يصلحونه لك اذا ما الغوا عليك الضمان.