السلام عليكم ورحمة الله
بدون أي مقدمات
إلى كل الأعضاء اللي قاعدين يسبون هنا و يقولون مواصفات و أسعار و خرابيط مال أمها داعي
في البداية المواصفات و الأكسسوارات :-
التشغيل بالبصمة : حتى سيارات هوندا في اليابان مافيها تشغيل بالبصمة و لاحتى أمريكا ،، و أنتم تبغون وكيلنا عبد الله هاشم ينزل تشغيل بالبصمة , و هذا الكلام ينطبق على باقي الصفات .
المواصفات اللي تنقص الأكورد الخليجية : تفرق عن المواصفات اليابانية و الأمريكية بميزة تشخين و تبريد المراتب و كذلك تسخين المرايا الجانبية و ميزة تشغيل النور العالي في النهار , و كل المواصفات هذي مالها داعي و خصوصا عندنا في الخليج .
النقطة الثالثة : نزول الشاشة في الأكورد و أنا لاحظت أنها تنقصها بعض المواصفات عن الأمريكية و الملاحظ هو ( مافيه أوامر صوتية ) و السبب لأنها لازم تنطق باللغة الإنجليزية و ممكن يكون اختياري هنا و ممكن يكون بدون أوامر صوتية .
هذا مقود الأكورد 2011 هنا
هذا مقود الأكورد الأمريكية
لاحظوا الزرين الأسودين خلف المقود من يسار
ثانيا نجي للأسعار
أولا اللي يقولون الأفالون و الماكس و الألتيما و باقي السيارات
أولا : الأكورد صناعه و تجميع ياباني 100%
ثانيا : الأفالون و الماكسيما و أغلب سيارات نيسان تجميع أمريكي و الدليل ( السكن لونه برتقالي ) و المعلومات على باب السائق
و هذا كاف لفرق السعر بين السيارتين .
النقطة الأهم و هي سب الوكيل بسبب السعر المرتفع ، قبل لا أكتب الموضوع دخلت على موقع هوندا الياباني و هناك مكتوب الأسعار و الصفات ( مثلا السبيشل و سعرها و مواصفاتها ) الغريب أن السعر لا يفرق عن سعر الوكيل إلا 5000 آلالاف أو أقل . و اللي يبي الرابط أنا مستعد أنزله له
* هل إذا نزل الوكيل جميع الأكسسوارات على الأكورد مثلا و لكن بسعر أقل ، هل راح تشتري أو لا ؟؟
الجواب لك و لكن قبل ذلك هذي كم صورة و اللبيب بالإشارة يفهم
الأكورد الأمريكية و سعرها في أمريكا 111000
الأكورد في الخليج و في الخصوص الأكورد من عبد الله هاشم و سعرها المتوقع 135000
الكامري الأمريكية ويلاحظ الطبلون الليزر و سعرها 98700
الكامري عند الوكيل عندنا ، عبد اللطيف جميل و سعرها مو متأكد منه ولكن فل بشاشة بحدود 99 ألف و ناقصه حتى الزنون و المكيف الإلكتروني
الأفالون الأمريكية و سعرها 135000
الأفالون عند وكيلنا عبد اللطيف جميل و سعرها 134000 بدون لوحات و تأمين
جميع الأسعار للفل كامل
الموضوع ليس للسب و الشتم ولكن لتبيين الموضوع للأعضاء اللي قاعدين يسبون على جهل من نزل الأكورد 2011
و اللي يقول أن الشاشة متأخرة مرررره و مسوي سالفة ، الكامري مانزلت بشاشة إلا بموديل 2007 أو 2008 و شاشة صينية بعد و الأكورد نزلت بـ 2011 و أصلية وقمتوا تسبون الوكيل
الموضوع ليس للسب و الشتم بين التويوتا و الهوندا ولكن للتوضيح فقط لا غير
الموضوع شخصي ولا يمس الإدارة بشيء و مجهود شخصي مني
تحياتي و هذا كل اللي عندي و اللي يبغون يناقشوا بالموضوع يتناقشون هنا قبل لا يحذف الموضوع :d
مع السلامة
.
.
.
.
.
.
.
وعليكم السلام ورحمة الله وبركاته
الله يهديك ليش منزل مقارنه بين الأكورد وبين الكامري
الشباب وصلوها لل es350
الحين بيزعلوا عليك خخخ
يعطيك العافيه ماقصرت
بعد اذنك بنزل رابط الموضوع دا في تقريري ( http://www.hondaarabia.com/club/t40183/ ) عشان يتحول النقاش من هناك الى هنا
التعديل الأخير تم بواسطة memories ; 24-09-2010 الساعة 06:53 AM
صراحة فرق 24الف ريال على مواصفات اقل
الأكورد الأمريكية و سعرها في أمريكا 111000وش تسمي هذاالأكورد في الخليج و في الخصوص الأكورد من عبد الله هاشم و سعرها المتوقع 135000
وزيادة على المواصفات اللي ما هي موجودة هنا ذاكرتين لمقعد السائق
الله يعطيك العافيه ,,,
كفيت ووفيت والله,,
بغض النظر عن الاسعار
وانا من وجهة نظري اعتقد ان المواصفات الجديده نقله نوعيه كبيييره جدا وضربه موجعه للسيارات المنافسه ,,,
واستغرب من بعض الاعضاء الي يقارن الاكورد ( سياره سيدان من الحجم المتوسط الفخامه) بـ الماكسيما او الافلون ( سيارات سيدان من الفئه الفخمه )
كل سياره تصنعها الشركه مخصصه لفئه معينه ولمنافسة سيارات معينه ,,
وبخصوص اسعار الاكورد في امريكا ,,,
الاكورد الي عندهم صناعه امريكيه بحكم وجود مصنع مخصص لصناعة الهوندا هناك ...
اكييد راح تكون تكلفتها اقل لان مافي لاجمارك ولا شي وهالشي من صالحهم وبالتالي تبطل المقارنه بين اسعار امريكا واسعار الخليج ..
انا يعجبني في الهوندا ان شغلها كله اصلي ..
عمرك شوفت عبدالله هاشم منزل شاشه صينيه ع وحده من سياراته ؟!!
ويجيك واحد يقولك اخذ لكزس es 350 احسن :d
وهوا مايعرف انها صارت بـ 180 الف ريال وموديل 2010
دايما في مقارنات السيارات يجيبوا سيارتين من نفس الفئه
BMW Z4 VS. NISSAN Z370
ويقارن القوه ويقارن الثبات ووو الخ
لكن محد يجيب اكورد مع لكزس !!!
ويقارن في السعر !!!
الله يعطيك العافيه
مشكور على التوضيح والموضوع
يعطيك العافية اخوي ابراهيم كفيت و وفيت
تعديل امرين فقط .. سعر الكامري فل بشاشة 95 الف
الصورة اللي فيها شاشة افالون ليست وكاله و هذه واحد مركب شاشة بايونير عليها
عموما انا سعدت يوم شفت الاكورد نزلت بشاشة و قلت اخييرا يابو هاشم
ولكن طبيعي يابو خليل تحصل ناس غااضبة و ناس زعلانة و يمكن البعض يسب بالوكيل .. و طبعا هم من اصحاب 2008 الى 2010
لأنهم كذا حسو بظلم المفروض تنزل بشاشة من موديل 2008 و ليس الان ..
عموما الشركات بالقارة الاسيوية الان بدأت تنافس بعض من اجل كسب السوق الخليجي و العالمي
وكلنا لاحظنا الهيونداي و النقله النوعي بالتصاميم و ايضا الكيا .. بالطبيعي الهوندا و تحديدا الاكورد بينزل فئة الشاشة بالخليج
لكن .. التويوتا
يعتبر الجيل الحالي للكامري و الاوريون هو اخر جيل لموديل 2011 و موديل 2012 راح تكون بداية جيل جديد و شكل جديد
اذا في حال ما استفادت التويوتا من التقدم اللي صار بالكوري و الهوندا و ما عدلت من التصاميم الداخلية للسيارة
وما وصلت بأكسسوارات و مواصفات معروفة عنها ..
كل هذا لو ما صار فعلى التويوتا السلام و راح تصير الصدارة ما بين الهوندا و الهيونداي بالنسبة للشركات الاسيوية مع السوق الخليجي
و بالنسبة لسعر الاكورد 2011 كان بالامكان افضل من هذا السعر و هذه الزيادة
:(
يعطيك الف عافيه على الموضوع الرائع
بصراحه انا اتكلم انه ظلم .. يعني انا من اصحاب 2009 .. ليش ما تجي بشاشه من اول ..
وانا كنت بالوكاله اسالهم اقول لو ازود اي سعر بس ابيها بشاشه
على العموم يتهننون فيها اصصحاب 2011 ومبروك عليهم ... وعيني عليهم بارده
المشاركة الأصلية كتبت بواسطة memories
وعليكم السلام ورحمة الله وبركاته
الله يهديك ليش منزل مقارنه بين الأكورد وبين الكامري
الشباب وصلوها لل es350
الحين بيزعلوا عليك خخخ
يعطيك العافيه ماقصرت
بعد اذنك بنزل رابط الموضوع دا في تقريري ( http://www.hondaarabia.com/club/t40183/ ) عشان يتحول النقاش من هناك الى هنا
ميموريز :p
من اللي قال ان الأكورد تتقارن بالـ ES350 ؟؟
إحنا يوم جينا للـ ES350 مو عشان نقارنها بالاكورد من ناحية الفخامة والمواصفات والجودة العالية، بالعكس إحنا جينا اللكزس من مدخل المقارنة من ناحية غلاء أسعار السيارات + قلة المواصفات بـ وضع الأكورد الحالي !!
طبعاً دليل على ذلك الـ ES الآن تعتبر الاغلى في فئتها على الرغم من افتقارها لكثير من مواصفات المنافسين، وهذي بعض السيارات المنافسة لـ ES350 : ( فور تورس، هيونداي جينيسس V6، كيا كادينزا، مرسيدس C280 )، وأغلب هذي السيارات اللي ذكرتها تتفوق على الـ ES350 من ناحية وفرة المواصفات وسعرها ما يتعدى الـ 160 ألف ريال باستثناء الـ C280 سعرها واصل في حدود الـ 175 ألف ريال !!
وطبعاً هذا كله تشبيه لا أكثر ولا أقل، وبالاخير أعيد وأكرر السيارات هذي الأيام أغلبها صار غالي، والأكورد بـ هالسعر صحيح فيه نوع من المبالغة نوعاً ما بس هذي سياسة مصنع ولا لها اي علاقة بـ عبد الله هاشم أو غيره.
وعذراً ع الاطالة ~
تم تقييم الموضوع
ممتاز
في شيء مهم نسيت اقوله اللي هو الصناعة اليابانية أجود من الامريكية، وفرق السعر يلاحظ وكل هذا بـ يكون في مصلحة المشتري مهما قلت المواصفات
في نقطة حبيت اوضحها للشباب ذكرت ان سعر الاكورد في امريكا بــ
111000 طبعاً هذا السعر من دون الــ Tax
طبعاً الضرائب تختلف من ولاية الى ولاية
مثلاً ولاية تكساس ضرائب شراء سيارة 6.25% السعر بيطلع بــ 118000 ريال
والحمدالله اشوف عبدالله هاشم ماجاب سيارات وركب فيها اكسسورات مثل مايسوون بعض الوكلاء عندنا (تلفيق وشغل محلي:d ) ويزيد عليك السعر باكسسورات صينية
لو كان الحين باخذ اول سياره لي كنت مافكرت الا في الاكورد بعد التجربه لي مع سيارتي الحاليه
لاكن بما اني املك اكورد حالياً اكيد بصرف النظر عنها لاجيت بشتري سيارة جديده
الصورة اللي فيها شاشة افالون ليست وكاله و هذه واحد مركب شاشة بايونير عليها
:(
هاذي صورة للشاشه للافالون الجديده من داخل
اترك لك التعليق
وهاذي الامريكيه
ولازال شغل التلفيق عند الوكيل
ما ازيد كلام كثير لأن الشباب ماقصروا .. لكن أعرف شخص مقرب جدا جدا من عيال محمد هاشم .. يعني باختصار صديق يعز عليهم وهم الي أجبروه يشتري أكورد (في عام 2008 )..
تدرون كم خصموا له من السعر ؟
4000 ريال بس
وفي المقابل أخوي يوم يشتري سيارته (سوناتا ) وبحكم ان جارنا يقرب للمجدوعي ويمون شوي على ولد المجدوعي قدرنا ناخذ خصم 9000 ريال .. فما بالكم لو كان اخوي صديق ولد المجدوعي مباشره ؟!!
هذا دليل ان هامش الربح عند عبدالله هاشم ضعيف نوعا ما لأن السياره واصله للسعوديه بسعر غالي بعكس الهيونداي والتويوتا وال GMC ووو ...!
تقبلوا وجهة نظري
بسم الله الرحمن الرحيم
في البداية احب اشكرك على موضوعك الجميل وازمه المقارنات بين السيارات
ثانيا:من المتعارف عليه ان اسعار السيارات في ارتفاع سنوي حتى وان قلت المواصفات
وهناك بعض الوكالات في بداية الموديل تكون الزياده خيالية ونهاية الموديل يكاد يبكي من اشترى سيارته في بدايه السنه
ثالثا:لاحظت من خلال شرائي لسيارتي الفرق البسيط من الموديل القديم والجديد مابين 2008و2009
وهذه ميزه جعلتني اشتريها في بدايه الموديل
رابعا:في اعتقادي الشخصي ان مواصفات الهوندا تعتبر من اقل المواصفات في السيارات الاخرى وهي بطيئة في وضعها وسريعه في تغير شكل السياره وهذه مشكله المفروض ان شكل السياره على الاقل 6 سنوات
خامسا:وتجربتي الايجابيه للهوندا انها سياره قليله الاعطال مريحه في قيادتها سواء داخل المدينه او خارجها وكذلك الجوده في صناعتها وانا مرتاح في صيانتها عند الوكيل كل 10الاف كيلو
سادسا: مقارنتها بالسيارات الاخرى هذا شي غير صحيح لعده اسباب:
أ:جوده الصناعه تفرق فالسياره المصنوعه في اليابان غير المصنوعه في تايوان او اميركا
ب:الوكالات تفرق من ناحيه الخدمه وسعر الصيانه وقطع الغيار
ج:اذا مليت من السياره واردت بيعها من يحتفظ بسعره اكثر
د:عدم وجود سيارات تكاسي ومرور من نفس النوعيه
ارجو من الجميع عدم المقارنه لانه منتدى لمحبي هوندا وهوندا فقط
هلا عزيزي
موضوع جيد , لكنه يحتاج لحوار موضوعي و هادف حتى لا يتحور لمقارنه باطله مبنيه على أسس خاطئة
إلى كل الأعضاء اللي قاعدين يسبون هنا و يقولون مواصفات و أسعار و خرابيط مال أمها داعي
طبعا السب , أعتقد معظمنا يترفع عنه , خلينا في الموضوع
من قال ان المواصفات ( مال أمها داعي ) ؟؟ خلني أعطيك بعض الامثله :
* تشغيل السيارة عن بعد : سيارتي ما فيه ذا الميزة , ولا هي مهمة جدا , بس كنت أتمنى تكون موجوده !!
* طي آلي للمرايات : بالله كم مره تستخدم هذي الميزة ؟؟ هل ينطبق عليها قاعده ( خرابيط مال أمها داعي ) ؟؟
شخصيا , توفرت لي هذه الميزة عن طريق الاكسسوارات و استشرت صديق مقرب عنده أكورد فل , قال لي : صدقني ما أستخدمها الا قليل و حرام تركبها !!
* مرش للأنوار الاماميه : والله من شريت السيارة ما عمري أحتجت له أو حسيت أنه مهم , بس أحس ان وجوده " ميزة " في مقدمة السيارة , واذا مومصدق , اسأل اللى يشترو غطا المرش و يلصقوه " شكل " بس ...
* تسخيت المراتب : لا فائده منه أبدا خصوصا في الخليج , لكنه ان وجود فهو يحسب ميزة في السيارة
هذا غيض من فيض , الخلاصه : مهما كانت هذه الامور بفائده صغيرة ,لكنها تبقى مواصفات , و الكل يبحث عن المزيد مهما كان في السيارة
حتى سيارات هوندا في اليابان مافيها تشغيل بالبصمة و لاحتى أمريكا
هذه نقطة تحسب على " هوندا " لا لها , لا نلوم الوكيل على عدم طرح الشاشة , بل المُصنّع الياباني و الشركه الام ... لماذا كل هذا التأخير ؟؟ هوندا شركه رائده في صناعة السيارات , لا أرى سببا لكل هذا التأخر!!!
أولا : الأكورد صناعه و تجميع ياباني 100%
هذي القاعده تحتاج لمراجعه و تفنيد لتكون أكثر دقة
و عشان نكون منصفين , و بصفتي غير متخصص في سيارات " هوندا " أتمنى منكم الانصاف و الرد علي بالدليل
نويت أغير " بوري " سيارتي الى بوري " هوندا " و تفاجأت ان صناعته ليست يابانيه !! و غيرها من القطع اللى راحت عن بالي و ما تحضرني الان
لكن يا أخوان , التشدق و الاصرار على أن السيارة " صناعة " يابانيه خالصة فيه نوع من
التعصب
الحقيقه لم أقراء هنا من عضو عن ان الاكورد فيها قطع غير يابانيه , وهذا يخل بمصداقية المعلومة المقدمه لمن يبحث عنها
الكامري مانزلت بشاشة إلا بموديل 2007 أو 2008 و شاشة صينية بعد
لم أرى الهدف اللذي ترمي أليه من خلال ذكر موعد نزول الشاشة لكامري ؟؟
ومقارنة الاكورد بغيرها من سيارات !! و الكامري ( أبو شاشة صينيه ) مجرد " خيار " و ليس أجبار
مع العلم ان الشاشة " تايلنديه " من مصانع " تويوتا " في تايلند , بس مثل ما ذكرت , شاشة أختياريه , يعني ما فيه فرق بين الفل بشاشة و الفل بدون شاشة الا الشاشة فقط
و من جهتي , لو كان " هاشم " طرح الاكورد بشاشة " صينيه " مصنعه في مصانع " هوندا " خصيصا للشركه , هل راح يرضيك ان بقية الناس تجي و تقول عنها ملفقه ؟؟
خصوصا لو كانت نفس الشاشه مركبه على " سيفيك " و " بايلوت " ؟؟
طبعا أنا ما أدافع عن شاشة ( أوريون / كامري / أفالون ) و أتفق معك أنها تنطبق عليها كلمة " ملفقه" بس هذي الشاشة خاصة بسيارات " تويوتا " عشان كذا تشوف نفس الشاشة على كل السيارات سابقة الذكر
و هنا لازم نفرق بين انها " تلفيق " و بين انها " غير متوافقه " مع الديكور
نقطة أخيرة : الناس تشتكي دائما من أرتفاع الاسعار , و أحنا ندور له عذر و انقول ( ياباني أصلي ) !!
حاولت ألتزام الحياد و احترام الاخر... أتمنى من الجميع التقبل مني بسعه صدر
أخوكم
SAMiR
التعديل الأخير تم بواسطة سامر الليل ; 24-09-2010 الساعة 01:45 PM
بيض الله وجهك يا أبو خليل
وفيت و كفيت
مشكور أخووي
والأكورد صحيح سعرها غالي شووي لكن أنها أفضل جوده في فئتها
وخاصه بعد نزول الشاشه.
أولا أعتذر عن الخطأ في شاشة الأفالون
ثانيا : بالنسبة للسعر و أنه يفرق عن الأمريكي حوالي 24 ألف حبيت أوضح نقطه بس
عبد الله هاشم يستورد من اليابان و ليس من أمريكا و سعر الين أغلى من الدولار و هذا سبب من الأسباب لغلاء الوكيل هنا بشكل عام
ذكرت لكم في الموضوع أنه سعر الأكورد أصلا غالي هناك في اليابان // هذا رابط صفحه الأكورد من موقع هوندا اليابان ،، المصنع الأم و فيه السعر بالين
Honda„*ƒNƒ‹ƒ}„*ƒCƒ“ƒXƒpƒCƒA„*ƒ^ƒCƒvپE‰؟ٹiپbINSPIRE
اللي إلى الحين قاعد يسب في الوكيل يدخل على الرابط اللي فوق و ينسخ السعر و يدخل على الرابط هذا ويحول المبلغ للريال :d
تحويل العملات
يعني أتوقع لو الوكيل هنا يستورد من أمريكا راح تكون أقل في السعر وبكثير مثل الأفالون و الماكسيما << وارد أمريكا
تحياتي
.
.
.
.
.
.
.
في هالنقطة حقيقة أضم صوتي لصوتك أخوي سآمر، وأنا بالفعل لاحظت هالشيء في سيارتي، واكتشفت ان نص القطع اللي بالمكينة أغلبها يا تايلندي أو استرالي أو حتى تكون قطع يابانية من ماركة Denso تبع تويوتا !!
تعليق على رد العضو سامر الليل
اللي قصده بخرابيط مالها داعي ،، ( كلام الأعضاء ) و قولهم المفروض الشاشة تنزل من موديل 2008 و غالية ومافيها مواصفات ومادري ايش هذا اللي أقصدة بخرابيط مالها داعي وليس مواصفات السيارة
ثانيا : اللي أقصده بذكر شاشة الكامري أنها نزلت في موديل 2008 مثلا و الأكورد في 2011 كم الفرق بالسنين علشان يجون و يقولون الشاشة نزلت متأخرة مره ،، السوناتا اللي العالم وصلوها للمقارنة مع اللكزس مانزلت بشاشة و تشغيل بزر إلا في 2011
ثاثا : مواصفات الأكورد و الهوندا بشكل عام ناقصه من المصنع وليس من الوكيل ، مثل تشغيل الزر و هذا ماقصده بكلامي إني أنتقد المصنع وليس الوكيل وذكرت النقطه هذي علشان الأعضاء يعرفون أن التشغيل بزر لم يأتي من المصنع أصلا
رابعا : شاشة التويوتا و أنها صناعه تيوانية << وش تفرق عن الصينية بغض النظر صناعة تويوتا أو لا ،، وحتى لو كانت صناعة الشركة في تايوان ليش ماتنزل مثل الشاشة الأمريكية ،، لا تعليق
خامسا : تقول أنك اشتريت بوري هوندا وتفاجأت أنه مو ياباني ،، لم يكتب عليه هوندا مو معناته أنه مو ياباني لأن أغلب قطع الهوندا من شركة يابانية على ما أذكر أنها Denso
تحياتي
.
.
.
.
.
.
.
اتحداك تجيبلي شركة في العالم لصناعة السيارات تصنع جمييع قطعها بـ نفسها !!!
مثلا اجهزة ومحولات الزينون في اغلب السيارات تكون من شركه معينه يصير بينهم اتفاق
حالها من حال الكفرات ...
هذي سياسة شركات ومعروفه من زماان ,,
السياره مصنوعه في اليابان تعني شي واحد
ان اليد العامله هي يابانيه مصنوعه داخل اليابان ..
يعني الياباني انسان خبير عنده مقاييس ومواصفات مايتنازل عنها ,,
ع سبيل المثال لا الحصر ,,
خربت عندك السياره وروحت تصلحها .. بكل تأكيد (اذا تهمك سيارتك ) راح تروح عند شخص خبير
شخص متخصص في سيارات هوندا ,,,
ايضا ,,
ماتشوف بعض المحلات يكتبوا ع اللوحه
يوجد لدينا عماله فلبينيه :d
الفلبيني معروف ( اذا وضع في مكانه المناسب ) يكون مبدع اكثر من غيره بدون تحديد جنسيات اخرى
محلات البويه والسمكره ,,
باشراف عماله تركيه
وهكذا
هاذي صورة للشاشه للافالون الجديده من داخل
اترك لك التعليق
وهاذي الامريكيه
ولازال شغل التلفيق عند الوكيل
اخي انا ما انكرت الشاشة بس القصد ان الصورة اللي بداية الموضوع ليست بنفس الشاشة اللي انت حطيتها
فقط هذا كلامي طال عمرك
على فكرة الشاشة جاية شد بلد و الوكيل ماله دخل بدليل انها موجودة بكل وكلاء الخليج نفس الشاشة
حياك ابو خليل بس لو تسمح لي اعقب عليك
صحيح انا كمالك للتويوتا لم ولن ارضى بالشاشة اللي طرحت و الخاصة بالخليج و انا تنيت ان الشاشة تكون مثل الدولة المنتجة للسيارة .. حتى لو تلاحظ بردي فوق اني كتبت لو التويوتا ما عدلت داخليا فعليها السلااام و انا اول شخص بسحب عليها في حال اني قررت شراء سيارة بعد الاوريون
بالنسبة لصناعه الشاشة .. ما تفرق وين صنعت دام انها جاية من مصنع تويوتا خصوصا ان توويوتا تملك مصانع حول العلم و بكل القارات
و السبب ان المصنع باليابان لا يلبي ولا يكفي احتياجات السوق العالمي للتويوتا
و اعطيك مثال مبسط .. السوني مثل الشاشات او اجهزة الفيديو و البلاي ستيشن
لو تلاحظ لها فترة و تحصل مكتوب عليها Made In China
و ظلت بنفس الجودة .. لماذا ؟ لانها انتاج مصنع السوني الموجود بالصين
عموما تدري ان اليابان كم نسبة المساحه الممكنة للإستفادة منها سواء سكنيا او تجاريا او او او .. فقط 20% من مساحه اليابان صالحه للعيش و البقية كلها براكين و جبال غير صالحه للعيش
شي اخر .. بالنسبة لصناعه الهوندا اتمنى محد يزعل علي بالنقطة هذه فقط نقاش لا اكثر
حساسات 2010 صناعتها تايواني لكن هذا لا يدل على سوء الصناعه لماذا ؟ لانها انتاج شركة هوندا
الديكور الداخلي .. الهوندا عودتنا على جودة قوية بالديكورات و متانة عالية
لكن بموديل 2008 وفوق لاحظنا استياء شريحه كبيرة من ملاك الاكورد حول الديكور و ان جودتها قلت عن السابق
عموما كلامي لا يقلل من الاكورد اطلاقا .. بل اثبتت نفسها و بقووة
يبقى الموضوع للنقاش للجميع
و الله يعطيك العافية مرة اخرى ابو خليل
كل هالسعر الي ما ادري وش يبي
وابشرو باصوات الديكور
وابشرو بالاقمشه الي مدري وش تبي
وابشرو بنسبه العزل الخارق
ثما يجيني واحد يقولي تستاهل هالسعر!!!!
الشاشه ياحبيبي مش اول او اخر طموحاتنا ,,
نبيهم يعدلون هالعيوب الاساسيه ثما يرووحون للشاشه حقتكم
وانا بصراحه اضحك على الي يقول يباني ميه بالميه والحساسات صينيه على حسب كلام اخوي سلفر اوريون بموضوع اخر
ونسى العزل والاقمشه واصوات الديكور والله لا اليابنيين درو عنكم ولا شي
الزبده هو مقلب واكلناه فيك يالاكوورد
والله لو يرجع بي الزمن ورى شوي والله ما اخذ الاكورد مع العلم اخذت 2010 فل اول مانزلت 103.000 كاش
وجهه نظري ويجب عليكم تتقبلونها وتحترمونها
ضوابط المشاركة
رد مع اقتباس
مواقع النشر (المفضلة)