الموضوع: اكوردي بيفكون مكينتهـا --دعواتكم لها بالشفاء العاجل

السلام عليـكم :(

وش حالكم وش حال شيبانكم وش حال من يعز علاكم

طبعا من اول من زمن جدتـي الله يطول في عمرها والسيارة تهرب زيت من الكرتيـر

قلت يارجال مو مشكلـه خل معك علبـة زيـت في المكينـه وعب كل ما حصلته ينقـص

لما اوقف في الكراج اليوم الثاني احصل سيـل من الزيـت تحت السياره

لدرجـة إني فكرت استمشر هالزيت إلي يخر من تحت

واحط علب زيت فاضية تحت السياره واعبي علب زيت ويمكن افتح مصنع زيـت بعد

المهـم مافي إلا قوووة تطنيـش مليييييييييت كل يوم بالصناعيـة ...

حتى بالمنتدى ما ادخل على قسم الإلكترونيات وإلا الإكسسورات

مافي إلا قسم الصيانـه من يجيني فلوس اقول بصلح السنتر لوك حق باب الراكب ..بركب زنون.....
تطلع عله جديده بذا الأكورد

المهـم ياليت بس زيت المكينـه إلي يهرب لا ياعيني ياعيني

زيت الدركسوون بعد

ماشاء اللـه

إلا إلا

لا تكفيـن.. تكفيـن خلي بعد زيت الجيربوكس يهرب مره وحده هذا إلي ناقص

المهـم وديتها عند ورشة السعادة (وبصراحه اسم على غير مسمى :p)

إلي دلوني عليها الشباب طبعا ماشاء الله الطريق من قدامهاا

معبـد وممهد ابد مافيه حفر ولا قبور ولا تكسير

وصلت عندهـم

رفعوا الأكورد ولقووهاا مره من تحت كلها زيوت

قولو ماشاء الله

<<<<يسمعهم بقسم الإكسسورات يقولون هالكلمة قال يكتبها هنا مايدري وش السالفه :d

المهـم ولا انتوا في الطويلـه

إلا تجيني العلوم وانا اطالع من تحت السياره

وش فيها الأكورد ها طمني يادكتور اقصد طمني يااقبال

1- المكينـه لازم تنفـك وتطلع من السياره عشان الصوفه يبي لها تغيير

وانا اقول تنفك المكينه عشان الصوفـه

قال ايه

2-اهواز الهيدروليك للدركسون يبي لها تغير لأن فيها تهريب بعد

3- احد الجلد إلي بالبكرات تأثرت من الزيت إلي جاهااا وخربت
وقال يبي لها تغيير

بدخلها اليوم الورشـه ويقولن بتقعد يومين وانا والله على ثقتي بالورشه إلي من كلام الشباب هنااا

إلا اني خايف من فك المكينـه وترجيعهـا ...

دعواتكم لها وإلا عنده حل لا يبخل على اخوكم المسكيـن

يقول شغل يد 700 ريال
مررره رخيص :p

هذا غير قطع الغيـار إلي بشوف كم تكلـف