رد مع اقتباس" صبر جميل و الله المستعان على ما تصفون "
يقول المثل اسال مجرب لا تسأل طبيب موضوع مهم جدااااا
السلام عليكم
اخوكم من ملاك هوندا اكورد فل كامل 2009
كثيرا ما نشوف في المنتدى ناس تسأل عن الاكورد ويبون يعرفون عنها الكثير قبل مايشتروها
قلت اشارك وابدي رأيي حسب تجربتي للاكورد لمدة سنتين:
خير الكلام ماقل ودل
الاكورد سيارة جميله وقوية ولم تسوقها تحس انها قطعة واحدة ما شاء الله تبارك الله ولكن يعيبها بعض الاشياء التي هي من اهم المواصفات التي يجب توفرها في سيارة سعرها بسعر الاكورد
1- العزل فيها سئ جدا مقارنه بالكامري او الحتى الكورلا والصني
2- سيارة غير مريحة قاسية جدا في المطبات والحفر وكذلك مقاعدها غير مريحه والسبب ليس في الكفرات مثل ما يقول بعض الاعضاء بل نظام التعليق فيها هو السبب
3- رجة الدركسون عند مسك الفرامل في السرعات العالية وحلها الوحيد لمن عنده هالمشكله هو تغيير الهوبات الامامية مباشرة لان خرط الهوبات ماينفع نهائيا والمشكلة هذي عانيت منها كثييير حتى غيرت الهوبات في الوكالة على الضمان وانتهت المشكلة ولله الحمد
وعن نفسي انا بالرغم ان الكامري صناعة استرالية وسيارة تاكسي الا اني افضلها على الاكورد
وباختصار الاكورد كانت على القمة حتى موديل 2007
اما من موديل 2008 وطالع فنقول لهوندا راحت عليك وتربع على القمة غيرك
" صبر جميل و الله المستعان على ما تصفون "
هلابك حي من عكس اتجاه المنتدى وجابك
يا الغلا ذي عيوب قديمه
اللحين
صار الفرامل وشنطه وسرعه الخ الخ الخ ...
لعبها صح :d
اخوي اللي جاء يعيب الاكورد """"ابي اقولك من المستحيل تقارن الكامري بالاكورد للاسباب التاليه :
الفخامه """""الشكل الرياضي"""""الكامري استرالي والاكورد ياباني """""القوه في الخطوط السريعه
السعر في الكامري والاكورد وشف الفرق زين
اما الفرامل ففي كل السيارات ماهي بالاكورد بس
واتحدى اي واحد مجرب الاكورد يغير
ومشكوووووووووووووووووووور
هههههههآآي
وش قصـه الصني والاكسنت هذي اليومين ؟ !!! ههههههههههه
اعتقد الموضوع وآضـح
لاتـعـلييق صرآحه اتوقع تتكلمون عن سيآره غير الاكورد
بديتو تشككوني في سيآرتي ههههه
اقسم بالله كرهتونا بالمنتدى
شي ماينطاااااااق صرااااااحه
ياشباب حرام عليكم .. راسي صدع واحد يذم واحد يمدح
والله ياصاحبي هذولا اللي بيسألوا عن الاكورد محد منهم درى عن رائيك دامك منزل رائيك بموضوع لوحده حتى العنوان مايبين محتوى موضوعك لازم الواحد يدخل ويشوف وش كاتب وكمان ماراح يكتفوا برايك لازم يفتحوا موضوع عشان يبغىوا انطباع اغلبيه الملاك عنها الحين ماغير تشوف انبراشات من كل جانبلكن انتظر اي واحد فاك موضوع يسأل عن عيوب ومزايا الاكورد واطرح رائيك او اضف بموضوعه اي روابط من المنتدى تفيده
وفي الاخير ارجو اخذ كلامي من باب النصح
ماشاء الله تبارك الله
المشاركة الأصلية كتبت بواسطة أبان الطباع
بالمناسبة أنا لا مانع لدي أبداً من كتابة موضوع عن الزرافات أو عن القرود، بل وعن الحمير الوحشية،لكن الأدب مطلوب، وحسن الكتابة وتقدير الناس، وعدم الإسائة ﻷحد من أعضاء النادي!، فأرجو مراعاة ذلك بتعليقاتكم هنا، أو في مواضيع الزرافات نفسها
ما اضيف على كلام أخوي عادل إلا شيء واحد من ناحية الفرامل سمعت ان في الاكوردات الجديدة يصير رجه عشان نظام الـ abs صار افضل من اول يعني هذا التنظام بأد من الاكورد 2003 وانت ماشيء لكن في موديل 2008 صار افضل من اول على ما اعتقد ولكن على حسب دعستك للفرامل اذا بتدعس بقوة و الله شيء طبيعي ان الموتر بيرج
وسلامتك ،،،
مستانس عشان واحد جاه وطلع عيوب الاكورد
معليش انت انسان ماعندك تأثير وكلامك ماراح يأثر بأحد
ولاتزعل بس بصراحه كلامك مبالغ فيه كثير ...
ايه تجمعوا العذال
معك سيارة غير الاكورد وتبي تعيبها
من ناحية العزل اتحدى ثم اتحدى ان كانت الكامري افضل وكلنا مجربين
المنتدى هالايام ماينطاق من كثرة الدخلاء
الي مايطول العنب حامض عنه يقول
ياعمي خلاص والله المواضيع اللي تذم في الاكورد صارت اكثر من المدح فيها
طيب وبعدين والله انك كلما تذم فيها الناس تحبها اكثر واكثر وملاكها يزيدون ماشاء الله
وانا لمن اشوف سياره غيري احب سيارتي اكثر واكثر
وياليت العنوان يدل على الموضوع
معليش أخوي التقارن عزك الكامري بالأكورد
ومن ناحية كل شي التقارن الكامري بالأكورد ألكورد أفضل من جميع النواحي
الكامري إلى ألحين مكيفها فرارات كأني راكب ددسن موديل 90.
حـيّـاك يا أبو أشـواق ..
رأيـك يحـترم ومحـل التـقدير .. وكـل شخص له تـجربة خاصـة فيه واحـد مشتري السيـارة وكارفها
وواحد عادي ومطنش أهـم سيارة توديـه وتـجيـبه وفيه واحـد سيـارته كأنـها وحدة من مـحارمه وأي أحد
يتـكلم فـيها يعتبـر مـراق الدم .
كـل سيـارة فيها عـيوب وكـلنا جـربنا وسقـنا أكـورد وغـير الأكـورد العـزل مشكلة حـتـى في البانوراما والـ 460
واسأل أصحابها عن هالشيء راح يعترفون لك . بالنسبة للفرامل موجودة الرجـة في أغـلب السيارات بما فيها الأكـورد
وخير دلـيل مر التـشليح وشوف السيارات اللي أغلب حوادثها بالـوجهية بما فيها الأكورد وتعرف مشكلة الفرامل إنها مشتركة !!
بالنسبة لأقـفال الأبواب عـند الأكورد وعـنـد الـ GMC أكـثر وأكـثر فلا أحـد يجي يمدح ويعـطي السيارة أكثر من الواقـع
مافـيش حـد أحسن من حـد !
الدليل
ملاكها والمبيعات في ازدياد رغم ارتفاع السعر
واللي يمتلكها مستحيل يأخذ غيرها
ومحدثك معه اكورد 2006 سابقا 2010 حاليا
اقووووول .. تعرفون المثل اللي يقول لا تسثرت .. دبرت (( لا كثرت دبرت ))
ياخي انا كرهت موتري ... ولا انصح احد يشتري اكورد وندمت اني شريتها .. بس اما من الوسوسه اني اجلس افتح موضوع اعيّب فيها
فيه ناس توها شاريه سياراتهم .. خلهم يتونسون فيها .. ليش تبي تخرب عليهم وتجلس تعيب فيها .. اذا جا احد سألك عن رايك او شفت موضوع واحد يسألك عن رايك قوول كل اللي في خاطرك ... بس اما انك تروح تفتح موضوع تذم فيه ... ابي افهم ... وش الهدف من موضوعك ..؟؟؟؟؟؟
يــاخووي انـت اش تحـس فيه .وش جـاب لجـاب تبي تحطـ الكـامري المخنـزه مثل الملكــه .. فكـر بعقلكـ لو سمـحت ...
انا يا أخوان شكلي بكتب لي توقيع ثابت .. يكون رد على مثل هالمواضيع اللى تعيب الأكورد
والله يأخوان طفشنا و كرهنا وجبتوا لنا نفسيه :d
شوف انت وياه اللى يقول الاكورد مو سياره ومدري ايش ..
يااخي مو عاجبك الموتر .. ؟ روح بيعه وخذلك إكسنت ولا صني زي ماتقولون .. اما تعيبون في بنات الناس ؟
ترا بنات الناس مو لعبه عندكم :d
المهم ماابي اطول انا يكفيني شهادة صاحب الموضوع اللى بـ الاستراحه
وهذا إقتباس منه .. وناااس بالملاايين تقول نفس الكلام
مايهمني 10 أشخاص من 1000 يعيبون الأكورد
ولو سمحتوا مانبي مواضيع ثانيه نفس الفكره اللى تقول ( الكامري ولا ماكسيما ولا صني ولا دباب ... او اكورد )
تفضلوا
السلام عليكم ..
شخباركم عساكم طيبين ,, ومرتاحين
يا جماعه الخير انا ناوي ان شاء الله اخذ لي اكورد 2010 سياحي ( على قولتكم ) وحنا نقول ( لو اوبشن ) :d
المهم يا شباب انا كانت عندي الكامري 2008 se ابيض .. و تعرضت لحادث صعدت الرصيف والله سلم .. الحمد لله
بس السياره راحت خلاص .. ما تنفع
بس بصراحه بعد استخدام الكامري ندمت اني اخدتها لانه مشيها ( مش ولا بد ) لا من ناحية لثبات و لا الديكور الي كل شوي تسمع له اصواااااات الدنيا ومن توصل 140 تحس روحك بطير بسياره
طبعا هذه المقارنه مع اكورد 2005 اللي لحين استخدمها حق اخوي والله ثم والله انه مشيها احسن من الكامري بمائه مره
و انا بعد الحادث احترت بين الاكورد والاتيما
وبعد استخاره رب العالمين نويت اخذ الاكورد لانه الاتيما مشيها حلو و سلس بس مب ثابته نفس الاكورد
والله يوفقني و ياكم
شفت انت وياه ؟؟ اكورد 2005 تقارن بـ كامري 2008
واللى مايعرف الصقر يشووويه
تحياتي للجميع
سامحوني ياشباب بس والله طفشنا
هذي حمله مدبره على المنتدى
خخخخخخخخخخخخخ
على العموم تكلمنا كثير ولاعاد في حيل اتكلم مادام الاطفال يعبثون في المنتدى وينشرون الفساد هههه
املنا في الله انه ثم في اداريي المنتدى للتخلص من الشرذمه ذولا
مره صني مره كرولا مره يارس مره اكسنت المشكله كل السيارات من نفس الفئه
بالتوفيق وكل اللي قلته مع نفسسسسسسسسك ولاحد درى عنننننننننك
اذا موب عاجبتك بعهآ
( اللي مآ يعرف الصقـرر يبيـعه < افهم يآفهيم )
السلام عليكم
احترم راي كل شخص شارك
بس احب اذكر الاعضاء اللي شاركوني في الرد على الموضوع
ان هناك فرق بين اللي يشتري سيارة جديدة ( كرت ) لاول مره في حياته وبين اللي شرى اكثر من سيارة جديدة
الفرق والتجربة خير برهان
اما واحد يجي يشترى اكورد او كامري او ماكسيما او.... ويحكم بعدها على ان سيارته هي الافضل او الاسوأ بدون ما يجرب سيارات اخرى جديدة ومن نفس الفئة فهذا اكبر خطأ
وللمعلومية انا كتبت موضوعي عن تجربة لمدة سنتين لعدة سيارات ( كامري 2009 _ اكورد 2009 _اوريون 2009 _ سوناتا 2009 ) جميعها جربت قيادتها لمدة سنتين بحكم ان الاكورد سيارتي والبقية سيارات اخواني
والحقيقة تنقال مع احترامي للجميع
اذا صار عندنا طلعه انا واخواني او الزملاء واقول السيارة علي يقولوا بالله فكنا من الاكورد والله ماهي مريحه شف لنا اي سيارة ثانية
يجب ان نعطي كل شي حقه بدون تعصب انا احد ملاك الاكورد وهذا لايمنعني اني ما اذكر سلبياتها او اهم عيوبها الكمال لله سبحانه وتعالى ومافيه سيارة كاملة كل سيارة لها عيوبها
وانا والله ماقلت الكلام هذا الا من قهري معقوله سيارة شاريها ب 98000وركب معاي فيها اكثر من واحد وبصراحه والله العظيم ان كل ملاحظاتهم على السيارة كانت حول راحة السيارة وعزلها
منهم من يقول السيارة غير مريحه والثاني يقول الموديل القديم اريح من الجديد وفيه واحد من الشباب صراحه اول مره في حياته يركب اكورد ولما طلع معاي مشوار قال غريبة كنت افكر الاكورد اريح من كذا
اما اخوي صاحب الاوريون دايما يسألني ليش صوت الازفلت عندك في السيارة مزعج وواضح
في الاخير اقول الحمد لله على كل حال
اتمنى من الجميع احترام رايي ولكم مني كل التقدير والاحترام
المستغرب ان كل الي يطلعوون عيووب في الاكورد اعضاء جدد ولا يثبت انهم من ملاك الاكورد !!!!!!!!!
طيب وانت الحين ويش تبغى بالضبط ؟
ضوابط المشاركة
مواقع النشر (المفضلة)