الموضوع: الطريقة الكاملة لتغيير بواجي الأكورد بالصور

قبل كل شي .. طفي السيارة وشيل المفتاح منها حق لا يجي واحد ذكي ويشغلها على بالة انه يمزح معاك .. ترى انت قاعد تتعامل مع نظام كهربائي ذو فولطية عالية جدا ً

طبعاً حق نرتاح في الشغل نحتاج نفتح الكبوت على المستوى الثاني.. جميعنا نعرف المستوى الأول ولكن خلنا نتعرف على المستوى الثاني ..

يوجد ثقب خاص بعمود الرفع في الجهة الداخلية من الكبوت أسفل يسار ..

اصحاب الفل اوبشن للأسف ما عندهم دي الميزة :d

طبعاً يصير الكبوت مفتوح بهذه الطريقة ..

نجي للمكينة .. يوجد غطائان بلاستيكيان .. الغطاء الأول الي مكتوب عليه كلمه I-VTEC هذا مالنا شغل فيه .. نروح للغطاء الي فوقه ونفك البرغي رقم 1 و 4 باستخدام حبة بكس مقاس 10 ملم ونحتفظ بهم في مكان مناسب .. بعدها نفك البرغيين رقم 2 و 3 .. نلاحظ انهم ما ينتزعون من الغطاء البلاستيكي ..

بعد ما نفكه نشوف الكويلات .. انا بافك واحد للشرح وطبقوا انتوا نفس الكلام على البقية ..

من اليسار .. الكويل الأول والثالث مربوطين يحتاجون فك باستخدام حبة بكس 10 ملم ..

بعد ما نفك البرغيين نفك جميع القوابس .. ونسحب ملفات الكويلات.. ننظف أي اتساخ زيت بقطعة قماش نظيفة وجافة .. وهذي صوة الكويل ..

الحين نحتاج دي الأدوات ..

نركبها لتصبح بهذا الشكل ..

ندخلها مكان الكويل ونلفها عكس اتجاه عقارب الساعة لفك البوجي ..

عندما نتيقن أن البوجي مفكوك نقوم بإدخال الكويل مرة أخرى لسحب البوجي ..قد تحتاج عدة مرات لكي تمسك البوجي بالكويل وعوضاً عن ذلك يوجد مغناطيس طويل بساكو لألتقاط القطع المعدنية الصغير تستطيع استخدامه في اخراج البوجي ..

الآن بالنسبة لتركيب البواجي الجديدة ..
ندخل البوجي الجديد .. ونستخدم هذه الأداة بدون الدرايفر ..

نقوم بإدخال حبة البكس التي فككنا بها البواجي وادراتها عكس عقارب الساعة ليصبح البوجي بشكل عمودي ومن ثم نلفه بأتجاه عقارب الساعة باليد فقط .. وعندما نعجز عن ربطه باليد نركب الدرايفر ونلفه ربع لفه فقط ..

طبعاً اذا قمت باستعراض عضلاتك وربطت البوجي بقوة جداً سوف يذوب ويلتحم برأس السلندر .. اما اذا كان مرخي او غير عمودي سوف يتسبب بذوبان الكويل بسبب تسرب حرارة الأنفجار الداخلي .. استخدم الكشاف اليدوي للنظر داخل ثقب الكويل للتأكد بأن البوجي مربوط بشكل عمود وكذلك قم بتطبيق طريقة الربط الي فوق .. لأن بهذي الطريقة مستحيل يصير عند غير عمودي ..

================================
عزيزي القارئ تم كتابة هذا الموضوع فائدة للجميع و طلب للثواب و لا الكاتب ولا منتدى محبي هوندا تتحمل ادنى مسؤولية نتيجة تطبيق هذا الدرس او اي درس آخر، من ناحية أخطاء تطبيقية جراء قلة خبرة او سوء استخدام.
================================

اتمنى اني وفقت في نقل خبرتي إليكم واي استفسار انا حاضر ..

هذا الموضوع عبارة عن جهد شخصي لصاحبه الهادف .. يمنع نقل هذا الموضوع إلى منتديات أخرى بدون أذن من الكاتب مع الأشارة لرابط الموضوع الأصلي واي انتهاك لأي من الشروط السابقة سوف يعرضك للمسائلة مع أدراة المنتديات المنقول الموضوع إليها ..

المشاركة الأصلية كتبت بواسطة ل م س 3 3 4

مشكوووووووووور

العفو أخوي ..

المشاركة الأصلية كتبت بواسطة الخولاني

سلمت أناملك يا سيد ميكانيك

الله يسلمك

المشاركة الأصلية كتبت بواسطة Mad Devil

يعطيك الف عافية اخوي وصاحبي الهادف
صور الكراج تذكرني يوم اجيب موتري يوم الحادث من بقيق ونغير له كفر هههههه
شاكرين لك هذا الموضوع الحلو المفيد

الله يهديك بس :d من حظك داك اليوم كنت ساحب على الدوام :d
بكرة باحط موضوع طريقة تغير الكفر الأحتياطي علشانك بس :d
على العموم ان شاء الله يفيدك الموضوع واتمنى ما تودي سيارتك ميكانيكي حق يغير بواجي سيارتك .. بعد ما عندك حجة انت .. الشرح موجود واذا بغيت شي عندك جوالي

المشاركة الأصلية كتبت بواسطة يامطنش

تسلم اخوي الهادف على المجهود

الله يسلمك أخوي ..

المشاركة الأصلية كتبت بواسطة فهد الشمري

الله يعطيك العافيه على هذا المجهوووود

الله يعافيك اخوي فهد ..

واتمنى واحد يجي بكرة ويقول ان طبق الطريقة ونجحت معاه

يعطيك ألف ألف عافيه الهادف على هذا الموضوع الهادف

طبعا نظرا لأني إنسان دايم اجيب العيد بأي شيء أفكك فيه فانا ماخذ الموضوع للفائدة >>> اما التطبيق بدري علي :d

شكرا لك

المشاركة الأصلية كتبت بواسطة الاخطبوط

يعطيك ألف ألف عافيه الهادف على هذا الموضوع الهادف

طبعا نظرا لأني إنسان دايم اجيب العيد بأي شيء أفكك فيه فانا ماخذ الموضوع للفائدة >>> اما التطبيق بدري علي :d

شكرا لك

الطريقة سهلة جداً اخوي الأخطبوط .. لو تقرا كتلوج الوكالة تلاحظ الطريقة مشروحة ولكم ما بتفهم منها شي ..

على العموم انت يبغالك جلسة حق تتعلم كيف ولا ترى الطريقة سهلة جداً لو التزمت بالكلام المذكور ..

المشاركة الأصلية كتبت بواسطة اكورد لؤلؤي

الله يعطيك الف عافيه

وبصراحه شرح وافي وكافي مابعده شرح

وانا ان شالله ناوي اغيرها في البيت

بس يليت تقولي وين القى المفكات هذي كلها بالضبط

ووش اسم القطعه يعني لو رحت للمحل وش اقوله..؟

ومشكور وماقصرت...

الله يعافيك أخوي ..

الشنطة الا بها المفكات دي تحصلها في اغلب محلات مواد البناء الكبيرة .. في محل الفارس في طريق الخضرية في الدمام ..

كذلك تلقاها في ساكو

سعرها يتراوح بحسب النوعية من 100 ريال وحتى 300 ريال ..
شوف الملفات المرفقة

بالنسبة لحبة البكس الخاصة بفك البواجي يجي مقاسها 16 ملم او خمس اثمان البوصة
انا شريتها منفصلة من ساكو ..

روح اي فرع ساكو واسأل الموظف عن حبة بكس مقاس 16 ملم او خمس اثمان البوصة حق درايفر نصف انش ..

المشاركة الأصلية كتبت بواسطة ميدو مشاكل

.
.
ماشاء الله تبارك الله

لايكون انا دااش الخدمة السريعه في الوكالة

ماشاء الله تبارك الله

شغلك نظيف ....

الله يعافيك اخوي ..

نفس شغل الخدمة السريعة ويمكن احسن منه :d

المشاركة الأصلية كتبت بواسطة just 4 u

أبـيك تـسمح لي أنا يا الهـادف ..
إني أغـير في الورشـة ماهو كـسل لكن أدوات العـملية ماهي عـندي كـاملة يعني العدة ناقصة
وإلا أنا من النوع اللي يستـمتع بمثل هالأمـور وغير كـذا واحـد كهربائي مايكلفني واجـد آخر مرة
كـنت مغـير عـندهـ البواجي وفـلتر الهـواء وأخـذ مني 15 ريال .. يعني بتسمح لي أكـيد


;)

العدة ياخوي كما ذكرت لك .. موجودة في محلات مواد البناء الكبيرة او ساكو ..
وانا حبيت بس اعلمكم حرفة بدل ما تاخذ سيارتك لهندي يغير سيارتك وترى العملية اذا انت متمرس عليها ما تاخذ منك أكثر من 10 دقايق ..
على العموم .. خذ راحتك أخوي .. أنا حبيت أضيف الطريقة للعلم والفائدة فقط ..

المشاركة الأصلية كتبت بواسطة beckhaam

يعطيك العااافيه ..؟!

الله يعافيك اخوي بيكهام ..

المشاركة الأصلية كتبت بواسطة التراري طاره غير عادي

هههههههه مشكور على الموضوع اغير بواجي السيفك بدون نظارات وقفازات حارس حارتكم ههههه لو اني مديرك بشغل كان خصمت السرقه من راتبك ههههههه
بس شكلك تشتغل بمحل غاز ههههههههه امزح معك لاتزعل

النظارت مو مهمة ولكن القفازات مهمة اذا كانت سيارتك حارة .. الا اذا يدك مثل الخيش و فما فيه مشكلة تقدر تمسك الحرارة ولكن اذا يد ناعمة مثل يدي :o اكيد ما بقدر امسك الأشياء الحارة ..

على العموم القفازات دي تشتريها ارامكو من شركة باكستانية وسعر الزوج الواحد بدولار فقط بينما النظارت تشتريها من شركة امريكية بخمس دولارات تقريباً

انا اشتغل في ارامكو حبيبي مو في محل غاز

المشاركة الأصلية كتبت بواسطة الهادف

اصحاب الفل اوبشن للأسف ما عندهم دي الميزة :d

يالهادف الميزه هذي موجوده بالفل اوبشن ( وانا مسويها بنفسي )

اللي ما يقدر يسويها اصحاب الـ v6 لان حامل الكبوت فيها يجي مساعدات

المشاركة الأصلية كتبت بواسطة اتــشـــــ

يالهادف الميزه هذي موجوده بالفل اوبشن ( وانا مسويها بنفسي )

اللي ما يقدر يسويها اصحاب الـ v6 لان حامل الكبوت فيها يجي مساعدات [/center]

تصدق قمت اخلط بين الفل اوبشن وبين الـ V6 :d

انت شفت الموضوع كله وانتبهت لها الغلط البسيط .. :(

على العموم مشكور على المرور

المشاركة الأصلية كتبت بواسطة MAX177

الصراحه جهد رائع ومن ابداع لأبداع الله يعطيك الف عافيه

مشكوووووور

مشكور حبيبي على المرور