الموضوع: ضروري لمن جرب منكم صيانة الأربعين كيلو ؟

أنا وديت سيارتي قبل شهر صيانة الأربعين ألف وسيارتي أكورد 2006
وغيرولي حاجات كثير مثل ليات الدريكسون و الهوبات مع الأقمشة و فلتر المكيف
والصراحة حسب كلام الموظف إللي في الوكالة قالي إنها أهم صيانة و إذا جبت سيارتك الأربعين لاتجيبها في الخمسين
والصراحة دفعت مبلغ محترم يعني بعد التخفيض دفعت 1649 ريال .
وجلست السيارة عندهم يوم ونص وديتها الصباح الساعة 7 واستلمتها ثاني يوم الساعة 3 الظهر .

الأخ الفاضل accord 06

شكرا على المشاركة

هي ما وقفت على 800 وصلوها إلى 1200 ، شافوا الناس تدفع واستغلوهم !

طيب ياخوي

- يعني ما أقدر أغير زيت القير خارج الوكالة ؟ لأني وديت السيارة صباح اليوم على أساس لي الدركسون وطرمبة البنزين وما كلمتهم على شيء ثاني .

- وزيت القير يتغيّر أم يتم إضافة له ان كان ناقص .

- وهل زيت القير هو زيت الجربكس لأني سمعت عن أهمية تغييره عند الأربعين .

- وأخيرا البواجي وفلتر الهوا والفحمات أكشف عليها ان كانت صالحة أم لا ، أم أغيرها مباشرة لأني ما غيرتها قبل كذا

وشكرا لك . . .

المشاركة الأصلية كتبت بواسطة المخلب

- يعني ما أقدر أغير زيت القير خارج الوكالة ؟ لأني وديت السيارة صباح اليوم على أساس لي الدركسون وطرمبة البنزين وما كلمتهم على شيء ثاني .

تقدر تغيره في اغلب الورش .. يفضل أنك تشتري زيت القير من قسم قطع الغيار في الوكالة او من موزعي قطع غيار هوندا ..

المشاركة الأصلية كتبت بواسطة المخلب

- وزيت القير يتغيّر أم يتم إضافة له ان كان ناقص .

يفضل تغييره اذا كان ذي رائحة كريهة وغير طبيعية .. أما اذا كان عندك تسريب فيفضل الأضافة ولكن قبل 40000 كيلو

المشاركة الأصلية كتبت بواسطة المخلب

- وهل زيت القير هو زيت الجربكس لأني سمعت عن أهمية تغييره عند الأربعين .

Gear Box = علبة ناقل الحركة او علبة التروس
تغييره عند الأربعين مو مهم وزيت القير يصبر أكثر تحت ظروف القيادة العادية ولكن يفضل تغييره عند الأربعين تفادياً لأي مشاكل مستقبلية ..
كتلوج السيارة يقول أنك تغيره في المرة الأولى عند الـ 60 والمرة الثانية عند الـ 100 والمرة الثالثة عند الـ 140 والمرة الرابعة عند الـ 180

المشاركة الأصلية كتبت بواسطة المخلب

- وأخيرا البواجي وفلتر الهوا والفحمات أكشف عليها ان كانت صالحة أم لا ، أم أغيرها مباشرة لأني ما غيرتها قبل كذا

فلتر الهواء أتوقع يحتاج تغيير وذلك بحسب بيئة مدينتك .. اما البواجي فغيرها وش وراك ؟؟
كتلوج الوكالة يقول غير فلتر الهواء كل 20 وانا اتوقع يصبر اكثر من كذا اما البواجي فأكيد تغيرها عند الـ 40

انا سويت صيانة الاربعين الف قبل اسبوعين تقريبا بوكالة طريق خريص

الأشياء اللي سووها

تكلفة الصيانة فقط 550 ريال

تغيير زيت ماكينة 50 ريال + الفلتر 14 ريال

زيت قير 117 ريال

بواجي 42 ريال

فلتر هواء 59 ريال

كلفتني 1028 ريال

وغيرت حاملة الاكواب الخلفيه مكسوره 175 ريال

صلحوا صوت طقطقه بفتحة السقف وصوت رجه بدرج السيديات

وتربيط للاذرعه وترصيص كفرات

التكلفه كامله طلعت علي بـ 1028 ريال وتبي الصراحه تستاهل السيارة طلعت من عندهم غير اول

مع العلم انك ممكن تسوي كل اللي فوق باي ورشه وبسعر ارخص اذا شفت السعر غالي

.

شكرا أخ ACCORD 764 على المشاركة والتعقيب ، صحيح مهمة لكن خارج الوكالة . :d

.

الأخ MAX177 حلوة على الضمان لكن ما نسويها لين تسوي صيانة أربعين يعني استغلال ، لكن أنت ظروفك أجبرتك على الصيانة ، لكن أنا السيارة ما فيها شيء الحمد لله ليش أعطيهم هالمبلغ أسويها برا الوكالة و 1000 ريال في جيبي لأمور تستاهل .

شكرا لك أخوي

.