اصلاح عند ورشة شغلها ممتاز
بالنسبه للورشة انت وين ساكن في اي منطقه ؟
السلام عليكم
زي ماهو واضح ياأخون انا عندي تهريب بالدوده ودورت دوده بالتشليح مالقيت والوكاله غاليه المشكله التهريب بس وفيه كم ورشه نصحوني بالتصليح فقط
وفيه الدركسون ثقيييييييييييل والظاهر الطرمبه عدمااانه ولازم تغير ووكالته ب2000
يااخوان نبي تجاربكم وشورتكم
اكورد 2006 خليجي
واذا تخبرون ورشات معروفه للهوندا ببريده اسعفونا
التعديل الأخير تم بواسطة h m o d ; 30-09-2010 الساعة 09:31 PM
اصلاح عند ورشة شغلها ممتاز
بالنسبه للورشة انت وين ساكن في اي منطقه ؟
بريده يالغالي
ودي اشوف اعضاء وتجارب بعد
بعدين الأصلاح اضمن انه ماتهرب
تـجاربـنا إصـلاح دودة + عـلبة دركسـون
وإختـفى الصـوت والثـقل في الدركسون والتهريب ونـقص الزيت زال
والتـكلفة حدود 500 ريال .. لكن في الريـاض
إن شاء الله الإخوان يفيدونـك
علبه الدركسون هذي تبع الطرمبه ولاالدوده أخوي وبكم
يااخوي انا صارت معاي
روح اشتري اصلاح دوده من الوكاله قيمتها بحدود 300 ريال
والاصلاح حدود 250 ريال
وبيصير الوضع معك اوك
هذا اذا التهريب على طول يعني تعبي الزيت مايكمل فيك يوم واحد او يومين بالكثير
ولكن اذا السياره تاخذ فتره وبعدين ينقص الزيت شيك اول شي على الليات حقت زيت علبة الدركسون
واذا وضعها اوك شوف طرمبة الزيت العلويه
بس الاكيد انها يبيلها اصلاح فقط لااكثر ولااقل لانها صارت معاي
لاتخاف وانا اخوك دامك معنا
وعطنا خبر اش يصير معك
طيب ياشباب ومشكله ثقل الدركسون وطرمبه الهواء تبعه ؟
والله الدركسون اتهاوش انا وياه عشان الف مب معقول ابد
الدريكسون ثقيل يااخوي لان الزيت مايبقا فيها يتهرب على طول
اكيد بيكون الدريكسون ثقيل
ضبط الاصلاح وماراح تندم بااذن الله
انا صارت معاي نفس مشكلتك بالضبط
يعني الطرمبه مااسوي فيها شي ؟ لان واحد قالي هذي تلفانه ؟
اتوقع ان مافيها شي ولازم انك تتاكد
غير الاصلاح يابعدي
انا صارت معي وللحين والله ماصلحتها
بس انا ينقص من فتره لفتره طوويله
وربي يوفقك
شباب هذي مشكله عند اغلب الاعضاء في هالفتره انا عندي نفس المشكله والمشكله على موديلات مختلفه
يعني هذا عيب تصنيعي والوكاله ترفض التصليح بحجة الغاء الضمان
انا اقترح ان احنا نراسل هوندى الشرق الاوسط او الشركه الام
او نحدد موعد نروح كلنا للوكاله وندخل على المدير واذا ما استفدنا نفضحهم بالجريده
شباب وقت التصليح يطول وكان تخبرون واحد مضبوط ببريده لاتبخلون
هلا فيك يالغالي
من ناحية هالمشكلة هذي عيب مصنعي دق على الوكالة واحجز موعد عندهم ورح لهم بالموعد يلي يعطونك هو و التغيير على حساب الوكالة مجانا ً و يلي يقول اذا ما يصلحونه بحجت إنتهاء الضمان فهذا خطأ لأني رحت قبل سنتين و انا سيارتي ما شيه 120 ألف ما شاء الله تبارك الله و الضمان منتهي من زمان لأأنك لومشيت فوق 60 ألف ينتهي و أصلحوا العطل و استلمت السيارة وهي ما شاء الله تبارك الله أفضل من أول لأنه مر علي فترة جاء ثقل بالدركسون ورحت لورشة وقالي عبي زيت الدركسون وعبيته و صار ممتاز وقالوا لي الشباب دق على الوكالة واحجز موعد وخلهم يصلحون هذا العيب المصنعي وترا فيه كذا عيب صنعي تصلحه الوكالة
وهو ( البور ) على ما اعتقد ان اسمه كذا و كراسي المكينة و الباقي يفيدونك فيه
وسلامتك ،،،
هلا اخوي
انا كانت تهرب طرمبة الدركسون
وسويت لها اصلاح
وماشيه معي تمام التمام
الحمدلله
طيب يا اخوان ابي لي ورشة تصلح لي الدوده ذي انا صارت معي من اسبوع
مواقع النشر (المفضلة)