أكوردتي هع موديل 2008 ماشية 236 ألف كم وش أغير فيها ؟!!!

**أكورد 1999** · 02-10-2010, 05:48 PM

ماشاء الله
أنا موديل سيارتي 99 وتوها مطبقه 190 ألف
الله يعطيك خيرها ويكفيك شرها<<والقايل :d

**متصفح** · 02-10-2010, 08:10 PM

ماشاء الله ..الله يعطيك خيرها وتوصل للمليووون كيلو

غير موية الرديتر + سير المكينة الخارجي

**uo8** · 02-10-2010, 11:35 PM

والله إنا أشوف إنو تعرضها على مهندسين الوكالة ..

ويعطونك ريبورت كامل باللي في السيارة .. وأنت عاد شوف وش تبي تغير وش تبي تطنش ..

**يحياتوووو** · 24-05-2013, 08:31 PM

أخوي أهم شي زيت المكينة غيره كل 5000 مع الفلتر + زيت الجربوكس كل 40 ألف + البواجي كل 100 ألف + السير كل 100 ألف أسمع نصيحة من واحد عنده نفس موديل سيارتك وماشية 240 ألأف ;) ولله الحمد ما عانيت منها بس ناقصها تلميع داخلي لأن المقاعد بيج ولها عندي 5 سنوات تغير لونها :p الي يعرف مكان تلميع ممتاز جدا في مدينة جدة لا يبخل علينا

**Silent11** · 26-05-2013, 10:22 AM

السلام عليكم ورحمة الله وبركاته
انا ماعندي اي خلفية عن الصيانة ان شاء الله يفيدونك الاعضاء
اما من ناحية الفرامل حاول انك ما تضغط قبل اللفه او المطبه
ضغطه وحده كاملة , يعني اضغط شوي شوي بعدين فك واضغط زي كذا
ومن ناحية الممشى عادي والله تمشي 400 ولا تقول شيء ما شاء الله :d
اهم شيء حن ع المكينة والقير وغير الزيوت في وقتها وانتبه لا تنقص
بالتوفيق :d

**2013** · 27-05-2013, 01:37 PM

أنا أقول وش السالفة العالم تكذب الرجال والممشى يعتبر عادي

أثر الموضوع قديم ..

**القايله** · 25-05-2013, 02:13 PM

الموضوع هذا من وين طلع قديم حيل حيل

**خارج عن السيطرة** · 25-05-2013, 08:38 PM

المشاركة الأصلية كتبت بواسطة القايله

الموضوع هذا من وين طلع قديم حيل حيل

هههههههههههههه والله أنا منسجم بالموضوع أقرأ وأستغرب الرجال ماشي بموتره فوق 200 ألف وأشوف أنه عادي موتره 2008 والحين 2013 وكنت بأصقعهم تعليق :d
لكن الله يسامح اللي رفع الموضوع .:(

**حميد** · 03-10-2010, 02:13 AM

الله يعطيك خيرها ويكفيك شرها يارب مثل ماذكرو الشباب وامشى هدا هدا يخوى , بحفظ الله .

**f_15ss** · 03-10-2010, 02:16 AM

ماشاء الله تبارك الله ،،، واذكر الله وانا اخوك على سيارتك

لاتصير انت صاحب الاكورد اللؤلؤي اللي بالطايف !!!!!!!!!!!
اذا انت ، والله العظيم كل مره اشوفك ... اقول ودي اشوف عداد هالموتر

الله يبارك لك

**BЯộǾK ❤** · 03-10-2010, 03:28 AM

ياخي والله فيه ناس هنا مو يبي لهم بف باف .. يبي لهم مصنع بف باف .. وصمغ فيران وصياده الناموس .. << هذيك اللي فيها نور ازرق دايم تلاقيها محطوطه عند رز البخاري :d

ماشاء الله على موترك .. ربي يعطيك خيره ويكفيك شره ... وعقبال المليون ...

بس ياليت تقولي انت تعبي 95 او 91 ؟؟؟

وزيت الجربكس .. هل غيرته او سويت فيه شي او لا ..؟؟

واذا تبي رايي .. دخلها لمحل صيانه سو لها فحص كامل .. واللي يقولك غيره .. انت اذا تحس انه فعلاً يحتاج لتغيير توكل على الله وغيره ... لأننا ماندري حنا وش تحتاج سيارتك بدون مانشوفها ..

بس اهم شي يكون الفحص كويس .. ولو كنت في الرياض كنت قلت لك على محل كويس ..

وان شاء الله الشباب راح يفيدونك وماراح يقصرون

**هيموالمسعودي** · 03-10-2010, 04:03 PM

والله الذي لااله الا هو ان سيارتي ماشية 194761(مائة واربع وتسعون وسبعمائة وواحد وستون>>>كيلو ينطح كيلو.....يعني عادي واللي يبي يتأكد يجي

اخوي الله يديمها لك وتتهنى فيها...سير خارجي

فلاتر>>>>هواء وتكييف وبنزين

اهم شئ الزيوت تتغير بانتظام

علامة ال h اللي على الدركسون>>>>امزح طبعا اللي عندي صارت مثل لون ايش ايش ايش ايش>>>حليب بالموز

**كونآآآن.....)** · 03-10-2010, 05:52 PM

تفووو تفووو ماشاء الله على مووترك

الله لا يضره

بس حلوه وش أغير فيهاا

السياره بكبرها غيرهاا .. امزح << سامج :d

المهم خيوو الله يعينك في صيانتهاا

**Mr.Goldy** · 07-10-2010, 04:17 AM

ماشاء الله عليك
هذا اكبر دليل على المشككين بالهوندا :d

**kakashi-san** · 07-10-2010, 08:50 AM

السلام عليكم ..

ليتك أخي الكريم ما حطيت لهم الصورة ..

لان في بعض الناس يشوف هالممشى وممكن يعطيك عين في سيارتك ما تسوى عليك !!

مع خويي اوريون 2007 ماشيه 490 الف ..

يوم وضع موضوع لاخوياه في منتديات تويوتا ، قالوا له كذاب ، وصفطهم ما حط لهم لا صورة ولا شيء ،،

شوف لك جدول الصيانة عندك في الكاتلوج ،،

عندك فلتر قير ، زيت قير ، البواجي ، الفحمات ، فلتر هواء ، زيت ماكينة ، هذا اللي تقدر تشيك عليه ..

وخلك على سيارتك وعسى الله يبارك لك فيها ..