الموضوع: مشكلة الثروتل ....... عندي

غير فلتر الهواء ونظف مكانه بلي الهواء جرب ابدا بالحلول البسيطه

يعطيك العافيه ابو مهند يا ما نظفت الفلتر ولا نفع لكن الله يعين .. <<< متحطم:(

الثروتل فيه اكثر من حساس غير الحساس العطلان اضن الوكالة تبيع حساسات الثروتل (وهذا المفروض)

لان الثروتل كامل سعره غالي وفيه اكثر من حساس فما في داعي تغيره كله .... الحل الاخير اتجه للتشليح بتلاقيه بسعر طيب

قبل ماتغير جرب تنظيف الحساس بمنظف الكترونيات وموجود عند ساكو

انا كان عندي نفس المشكلة و علت قلبي فتره طويل بس انا مطنش لاني مو رايق لها

الحل بسيط و ان شاء الله ما يحتاج تغيير

1 - فك فلتر الهواء + الانبوب الموصل فيه ..
طلعهم على البيت و نظفهم مظبوووووط من الداخل و من الخارج حتي ، بس احذر انك يبقى موية داخلها .

2 - wd-40 :
افضل سائل من وجهتي نظري للثروتل بدي ، خذ قطعة قماش و رش عليها السائل بس لا تكثر ، ثم امسح البوابة من الخارج و من الاطراف ، و ارجع مره ثانية نظف ولكن هل مره فك البوابة تبع الهواء و نظف من الداخل ، و حاول تاخذ قطعة حديد نحيفة مره مثل القطعة الحديد الي تمسك البطارية بالبدي ، و لف عليها القماش و نظف من الداخل و شوف كيف بيطلع لك طين مو غبار .

3 - سبب استخدام wd-40 :
هذا المنتج هو عبارة عن سائل تنظيف و بنفس الوقت سائل تزييت لان لو تلاحظ البوابة حقت الهواء فيها مفصلات ، يعني منها تنظيف و منها تزييت للثروتل بدي

.......

بعد التنظيف راح تلاقي السيارة ولا احلى و راح تحصل هزة بالسيارة .. بس هذه راح تكون هزة الشكمان ( تخيل قد ايش الهدوء بالسيارة ) و بعدها مجرد ما تعشق السيارة على d راح تحصل السيارة تمشي الين 20 او 30 ، و السبب انه من شركة هوندا اصلا لما حطو الثروتل بدي حطو معاه شوية موانع للبوابة ، علشان لما تحط الـ d و تمشي تحصل السيارة ما تعدي الـ 0 او 5 بالكثير ، و هذه الموانع عبارة عن غبار طفيف نوعا ما ماله اي اثر ، و بعد يومين او 3 راح ترجع السيارة مثل ما كانت يعني ماتمشي اكثر من 20 او 30 و تحصلها كانها توها طاله من الوكالة .

لو حصلت السيارة بتفتف ..
هذا شي طبيعي اذا كثرت الزيت على الثروتل بدي ، و ماهي مشكلة كبيرة انا صارت لي ، كانت سيارتي تفتف على 60 وفوق ، و بعدها صارت 80 و فوق ، خليها تومين على هذا الحال و صارت تتفتف بعد الـ 100 و بعدها 120 ، و الحمد لله اليوم اجربها الي 160 او 180 و الحمد لله مافيها الا العافية .

لاي سؤال انا حاظر و ممكن تراسلني على الخاص

يعطيكم العافيه شباب... اخوي متصفح مهندس الوكاله مثل كلامك يقول حساس واحد فقط بس المشكله مو موجود بالسعوديه ابد يعني وكاله على ايش بس اند اخوي البراك يعطيك العافيه بصراحه ما قصرت بيض الله وجهك بنضفه و بجرب << الله يستر شكله بيجيب العيد و يحوس الدنيا خخخخخخ ...

اي حساس فيهم الي قالك المهندس يحتاج تغيير ...ياليت توضح

هلا بك اخوي متصفح .....
و الله ما ادري وش اسمه لكن لو فيه صوره مفصله للثروتل كان بينته لك لأني ناسي وش قالي المهندس حساس ايش .. بس المهم انه موجود بالثروتل و يكون بالعرض .. انشالله اجيب اسمه بس اصبر علي .. تحياتي

حاول افصل البطارية وجرب تعيد برمجة الكمبيوتر ان شاء الله تتوفق

هلابك ابو ساري ... و الله قد جربت هالطريقه ولا نفعت يعطيك العافيه اخوي على اهتمامك..

شبااب ممكن تدلوني على ورشه بالرياض و يكون شغلها ممتاز عشان بسوي تنضيف للثروتل ..الله لا يهينكم

هذي صورة الثروتل وفيه حساسين نظف الاثنين ببخاخ الكترونيات مع فصل البطارية

نظفهم بدون ماتفكهم

مشكووور اخوي متصفح و الله يعطيك العافيه على نصائحك ..... حبيت اسألك هل فيه بخاخ محدد ولا اي بخاخ ... وهل استخدم قطعة قماش ....؟؟ << مدري وش يبي هالسؤال .. بس زيادة حرص... و شكرررا اخوي

تلاقي منظف الكترونيات في ساكو اسال الموظف وهو يدلك واضن في شركتين cyclo و CRC وكلها تؤدي الغرض electronic cleaner

التنظيف بدون قطعة قماش استخدم المنظف على البوابه والحساسين مع فصل البطارية

يعطيك العافية يالمتصفح ..

انا عندي نفس المشكلة .. رجة قالقتني ... ونظفت الثروتل بباخ الاسي ديلكو بدون ما افكه ..

اختفت الرجة يوم لو يومين .. ورجعت ..

ياليت بس توضح كيف انظف الحساسات بدون ما افكهم ... ياريت شرح اكثر يعطيك العافية

شباب نفس المشكله هوند اكورد 2007 تلاعب فى امبير الهواء على خفيف وعند تشغيل السياره وهي بارده تسمع مع الشكمان تفتفه وبعدين تخف