من واقع تجربة 4 شهور تقريباً قبل الاكورد
كان معي ltz كابريس 6 سلندر بدون فتحه 2007
الرساوة بالخط المستقيم الكابريس افضل بشي بسيط جداً وتحس انها ناعمة بالخط
اما المنعطفات صراحة الكابريس اذا اخذت فيه مخرج ولا لفه شوي حادة فوق 140 صراحة احس انها بتنطل فيني اما الاكورد لا ..
واعتقد ان هذا سبب ان الاكورد دفع امامي ما ادري صراحة ..
اول ما اخذت الكابريس ماشيه تقريباً 40 الف مشيتها زيادة 15 الف طبعاً زرزره وشغل المهم قبل لا ابيعها لمبة المكينه مولعه + التركشن خرب + المسجل خرب يقولي ايرور مشكلة بالسيدي بالشاشه تطلع العلامه انه خربان واتضح لي انه عيب مصنعي بالكابريس 2007 مشكلة المسجل وصلحتها وخربت مره ثانيه .. غير الديكور الي تحت رجلي كل شوي نازل ..
هذا والسيارة تعتبر نظيفه !
من تجربتي السابقة للكابريس صراحه ما افكر اقتنيها بالمرات القادمة ابداً ..
~
نرجع لمحور الموضوع الاساسي !
سعر الاكورد باليابان اقل من سعرنا بشي بسيط
و سبب رفع الاسعار للـ 2011
هو انه عبود هشوم يبي يتخلص من 2010 بعدها
ينزل سعر الـ 2011 تقريباً من 4000 الى 6000
وهكذا ..
بتقولون غاليه الاكورد 4 سلندر فل شاشه نقول بتثبت على 110 الاف ..
طيب الالتيما فل 4 سلندر ابوكلب :d مع احترامي للجميع
قيمتها بالوكالة 94 الف هذي وهي 2010 :d
وياليت فيها داخلية فخمه ولا شاشه ولا رساوة
اخذ اكورد فل 4 2010 بـ 94 اصرف لي
نجي للكامري سعر الفل شاشه بـ 93 الى 95 الف
........... :d
اكورد 2010 فل 4 بـ 94
الاوريون فل ماعليها كلام وسعر جراندي شاشه 110 تقريباً
لكن تحتار اذا شفت داخلية الاكورد فل 2011 4 سلندر بما انه مقارب السعر
وتحتار اذا شفت مكينة الاوريون
فلذالك ارجع واقول ان مو بس الاكورد الي سعرها طاير
شوفو بعض السيارات الي وصلت مدري وين حتى الامريكي طار
امس انا بالجميح سألته عن تاهو LTZ 2011
يقولي بـ 195 الف !! ؟؟؟؟؟؟
عمي شاريه عام 2007 نفس الشكل بـ 149 الف !!شوفو الفرق
مو الاكورد زادت 10 الاف وركبوا لكم شاشه وشغل نظيف ما عجبكم الوضع
جميع السيارت زادت الكبار والصغار
والاكورد زادت لكن بنقزة كبيرة شوي بسبب انهم بيمشون 2010
وبس ,,
