اتوقع علبة الدركسون اللي مجننه اصحاب الهوندا وخصوصا هالفتره
هي عيب تصنيعي وبوهاشم يتعذر بعدم الالتزام بالصيانه
انا اول مره اسمع ان العيوب التصنيعيه لها علاقه بالضمان
المهم والله مستحي اقول لكم السالفه :o
بس ادري حنا اخوان ومابيننا هالامور
مره تهورت ونطلت لي نطلتي بشارع خشن شوي ويوم جيت ابي الف صار الدركسووون ثقيييييييل مرررره
فتحت الكبوت اشوف السيور واشوف زيت الدركسون كله تمام
ومن بعد هذي النطله الحمقاء صار الدركسون احيانا يثقل ويطلع صوووت ونه في بعض الاحيان مو على طوول
وين المشكله ياشباب وهل تصليحه مكلف؟؟؟
اتوقع علبة الدركسون اللي مجننه اصحاب الهوندا وخصوصا هالفتره
هي عيب تصنيعي وبوهاشم يتعذر بعدم الالتزام بالصيانه
انا اول مره اسمع ان العيوب التصنيعيه لها علاقه بالضمان
ياخوي تأكد من :
1- علبة الدركسون.
2- لي الدركسون.
العلبة اذا فيها خلل غيرها تشليح
و اللي انصحك سو له كبس وريح نفسك
يارجال خلها على ربك.
انا وانا عاقل امشي سيده بس:o دركسون سيارتي لجيت الف يقول (رررررر) ويرج ويقطع
وكل الزيوت تمام مافيه تهريب, اجل لو نطلت نطلتين شكل بيجي الدركسون عاهه مستديمه:(..
اللي يعرف لي دبره يقول.
انا الحين احس اني اقوى شخص بالعالم لاني اتمرن مع الدركسون كل يوم ياعلييييه ثقل افففف
لكن انا عندي الدوده تهرب اتوقع منها جاري التصليح
شيك على لي الدركسون اكيد خربان قيمة في قطع الغيار 900 تقريبا
اخوي شيك على العلبه اللي فوق مع العلبه اللي تحت مع الليات وشوف اذا فيه تهريب لاسمح الله
سبحان الله وبحمده سبحان الله العظيم
الحمد لله كل الناس مثلي هع امزح
والله مشكله
دام الناس كلهم خربانه معهم دامه تمشي السياره بكيفها الى ماربك يحله
مشكووورين جميعا
لالا اخوي .. الناس ذولي غير حالتك اتوقع .. لانو انت الخراب صار بعد اكشن ..
روح اي ورشة وشيك على الموتر تمام وش انت خسران
هلا و الله فيك يالغالي
هذا عيب مصنعي صاير بالاكورد من 2003 إلى 2007 و الوكالة تستقبل ولا ترد أحد انا سيارتي انتهى الضمان حقها وماشيه 140 ألف ما شاء الله تبارك الله وترا السيارة إذا تعدت 60 ألف ينتهي الضمان المهم و اتصلت فيهم وحجزت موعد بقسم الصيانة ورحت لهم وما فيه أي مشكلة غيروا اللازم وسلموني السيارة
و يالغالي دام انك بتحجز وبتروح عندك كم عيب مصنعي خلهم مره وحده يغيرونها لك وهي :
البور - اعتقد الدنمو حق فتح البيبان - كراسي المكينة - علبة الدركسون يلي هي موضوعنا الان واذا نسيت شيء يفيدونك الشباب بالباقي
المهم شف لك اقرب وكالة ورح لها و لا تتردد
واتمنى اني افدتك
وسلامتك ،،،
ايه انا اقلك موتري كان ماشي 140 الف وغيرتها بدون ما يقولون لي انتهى الضمان مع العلم ان الضمان ينتهي إذا تعدت السيارة 60 الف و السيارة الان ما شاء الله تبارك الله مع انه فيه صوت خفيف مثل الطقطقه يوم الف الدركسون قال لي واحد من الشباب انه عادي وهذا من بعد التغيير و ولا يضر الموتر و انا مدري لكن باقي اشيك عليه
وسلامتك و خل الهجوله و ولا تتهور يا شنب :d
عندي نفس المشكله كل اسبوع اعبي علبة زيت ذبحني والي غيرها على الوكاله وسيارته ماشيه اكثر من 241000 يقولي انا سيارتي ماشه ولا عمري فحصتها عندهم غيرت الزيت عندهم كم مره وهل يخذون اجره ولالا
وعندي كراسي المكينه مدري القير رايحه فيها هل ييغييرونها ولا لا
وشــــــــــــــــــــــــــــــــــــــــــكـــــ ــــــــــــــــــــــــــــــــــــــراً
رحت اليوم للوكاله اليوم قالو توكل على الله لا نعرفك ولا انت منا السياره ماشيه اكثر من 60000 يالي تقول 140000
مواقع النشر (المفضلة)