كم ماشية سيارتك ؟؟؟؟
الحقيقة أنا اليوم رحت للوكاله لتصليح سيارتي الاكور موديل 2005 وبعد تشيك المهندس طلع لي لسنه بالخرابات منها القوي مثل طرنبة دركسون وطرنبة مويه وبلوف حراره وبلوف مكيف وسير مكينه وغيرها. ومنها العادية الروتينية مثل زيت قير ومكتبة وتنظيف مكينة وبناه وفحمات وفاتر بنزين وهوا وغيرها. المهم ما ازود عليكم الرجال حسبها وطلع لي رقم خيالي حدود السبعة الاف وعليها ، الحين عاد ابي رأيكم هل أصلحها والا الورشة ما قالت لا واذا تدلونا على ورشة طيبة في الرياض ما تقصرون لاني ما اعرف احد
معليش طولت في السالفه بس من القهر :(*
كم ماشية سيارتك ؟؟؟؟
قريبا اكيورا فخر صناعة هوندا الامريكية على هوندا العربية
اكيورا RLX 2013
والله يالغالي سعره مره غالي, وبعدين لو تلاحظ اغلب الأشياء مهمه جدا ً وهي قطع إستهلاكية.
"تعتمد على ممشى السيارة"
من رأيي تشتري القطع من الوكالة او من موزع معتمد, وروح على الورشة.
انت شمال صناعية العروبة(ام الحمام).
انت بالجنوب الصناعية القديمة.
انت بالغرب عندك صناعية الشفا.
انت بالشرق عندك صناعية الخليج.
وللعلم فيه محلات قطع غيار في كل من الصناعيات, سواء فرع للنعماني او موزع ثاني.
:(
ابتعد كل البعد من الموزعين فيه في الخرج ورشه مشهوره وجميع عمالتها ممتازين اسمها الشرق الاوسط
لسىى مصلح سيارتي والحمد الله
غيرة سير التايم
وطرنبة المويه
والبكرات الداخليه
وصوف بطن المكينه
وعندهم تصوير بالكنبيوتر يعني يصورلك السيارة بالجهاز ويعلمك كل شي كل هذا سواها لي 500 ريال
انا معاي هوندا v6 2007 والعماله كلهم من الفلبين انصحك فيهم وابتعد عن ابو هنود او دور بالرياض على ورشه محترمه والعماله فلبيينيه لنهم جيدين
اذا سيارتك على موية الوكالة ما يحتاج تغير الاتي الا على ممشى 200000 كيلو متر:
1- طرمبة الموية
2-بلف الحرارة
3- موية الرديتر
لانهم يتحملون اكثر من الممشى هذا وبنفسي شفت عينات لاكورد من 2003 الى 2009 ماشيات اكثر من 100000 كيلو وتم استبدال ما سبق ولقيت ان هذه القطع ما زالت بحالة ممتازة جدا ومن الممكن انها تستخدم لمرة ثانية ايضا والبعض منها يغيرها على ممشى 150000 ونفس الشي في القطع هذه بلف الحرارة وطرمبة الموية كفاءة خيالية اعتقد بل اجزم انها تجلس الى 200000 كيلو
بالنسبة لسير المكينة غيرهم برة مع فلاتر البنزين وفلتر المكيف
زيت القير غيره في الوكالة اذا ان سيارتك ماشية اقل من 100000 اما اذا اكثر من 100000 ومو منتظم بتغيير زيوت القير كل اسبوع اشفط نصف علبة وعبي زيت جديد نصف علبة وكذا على مدى شهرين الين يتحول كل الزيت في القير بزيت جديد بدون تاثير عل القير تنظيف مكينة ما يحتاج لانه مجرد جهاز يبخ مادة كيميائية ما ادري ماهيتها وتسوي ضغط عالي في المحرك وتنظيف رواسب الزيت هذه تقدر تتاجل بدون مشاكل
طرمبة الدركسون خلك اذكى دائما من الوكالة فقط غير الاصلاحات الداخلية فقط وتكون ممتازة في الوكالة يستبدل الجهاز او المضخة كامل لكن اشتري الاصلاحات وتوفر سعر من 1500 ريال الى 300 ريال فقط
لكن كل هذا يعتمد على اجابتك
كم ممشى سيارتك؟؟؟
كم مرة غيرت زيت القير؟؟؟؟وايش نوع الزيت؟؟؟؟؟
هل موية الرديتر اصلية من الوكالة ولا تعبيها من عندك؟؟؟؟
هل فيه صوت كركرة في المحرك؟؟؟؟
فيه امور لابد تستبدل مع الصيانات فلاتر البنزين لها ممشى معين وزيت القير ايضا وزيت المحرك ايضا وفلاتر الهواء ايضا لها ممشى معين
قريبا اكيورا فخر صناعة هوندا الامريكية على هوندا العربية
اكيورا RLX 2013
مشكورررين جميعا على التفاعل الرائع
اخوي بلال السيارة ماشية حوالي 215 الف "ما شاء الله" و الزيت يمكن ما غيرته او أني بس ازيد عليه اما المويه فالغالبية أنها من عندي وبالنسبه للكركره فيه لا وازيدك من الشعر بيت يقول فيه رجه خفيفه في الدركسون لها احتمالين اما قاعدة الرديتر يبيلها سمكره اوكراسي المكينه تعبانه
لا تنسون تنصحونا باسم ورشة في الرياض يالغالين
وين الفزعة
الرد رقم 5# وكـفى
خير الكلام ما قل ودلّ
هلا فيك يالغالي
من ناحية زيت الجير خله بالوكالة و ولا تقرب أي ورشة لأن زيت الجير ما يتقنونه إلا الوكالة ومن ناحية علبة الدركسون فترا فيه عيب مصنعي وروح للوكالة ويغيرونه لك مجانا بدون أي ريال تحطه دق عليهم واحجز موعد ورح لهم
ومن ناحية الاشياء يلي فيها عيب مصنعي هي كالتالي :
علبة الدركسون - كراسي المكينة - البور أو علبة البور مدري ناسي اسمها بالضبط - وفيه القطعة حقت ازرار البيبان يلي تفتحها وتقفلها حتى هي فيها عيب مصنعي ويفيدونك بالباقي إن وجد
مع إن قطعة البيبان سمعت إن الوكالة ما تغيرها مجانا إلا يلي سيارته ماشيه أقل من 60 ألف
واي قططعة فيها عيب مصنعي فيتم إصلاحه على حساب الوكالة يعني ما تدفع ولا ريال
و اما الباقي يفيدونك في انه تروح للوكالة أو تصلحه خارج الوكالة
وسلامتك ،،،
التعديل الأخير تم بواسطة Accord_2005 ; 10-10-2010 الساعة 03:52 PM
مشكورين جميعا على التعاون الرائع مع الموضوع بس لس في حاجه ناقصه وهي اسم ورشة اصلاح لسيارات هوندا معروفه في الرياض
اسمع عن ورشة الجنوب والشباب يفيدوك يادب
مشكور بس وش يادب ؛)
اسم الورشة إلي بالخرج أذا ماعليك امر يالمانع.
اسم الورشه الشرق الاوسط
مقابل دوار الساعه
بس ماعندي خلفيه عن شغلهم
مثل ماقالك اخوي القابله عند دوار اليمامه وانا توني مطلع السيارة
كنت اوديها عند باكستاني في الصناعيه بس وديتها له اخر مرة بس قالي روح لشرق الاوسط
انا مااقدر على الهوندا
مواقع النشر (المفضلة)