ارجو منكم الافاده تكفون

[ABO0OD]

السلام عليكم ورحمه الله وبركاته

كيف حالكم ان شاء الله تمام <<



معكم اخوكم عبدالله توني مسجل << اخلص وش موضوعك :p

اسدح لكم السالفه من اولها لأخرها وان شاء الله القا حل

السالفه ومافيها طلعت هوندا اكورد 2010 27رمضان قبل شهر تقريبا وكم يوم

المهم تفاجأت ان الكفرات موديل 2008 رحت اشيك على الالف كيلو وسألت موظف الاستقبال

قال لي اذا كان فيها مشكله الكفرات تروح للمدير قلت خلنا نشوف ومشت الايام والكفرات معي تمام

وامس رحت الخرج يوم وصلت العالم يكبسون لي ورا قلت وش السالفه

يوم وقفت على اليمين ونزلت واشوف اني امشي على الجنط

لاحول ولا قوه الا بالله
وش السوات ؟؟

قلت مالي الا العفريته والاستبنه وافك واركب ولقيت برضو الاستبنه موديل 2008

وركبتها ورجعت الرياض

وان شاء الله الظهر بروح للوكاله اشوف وش بيقولون

وش رايكم يالربع ووش بيصير معي اذا رحت الوكاله
يعني اقل شي وش بيسون لي ؟


وانا سألت كم واحد قال يمكن يغيرونها لك كامله


واذا قلنا ان العمر الافتراضي للكفرات من 2_3 سنوات

معناها ان الكفرات تعتبر قديمه





ملاحظه / مطلع السياره من اوتو ستار



لذالك نزلت الموضوع وارجو من الاعضاء الردود
وش المطلوب مني هالحين


وجزاكم الله خير

والمعذره على الاطاله

[احبك يالاكورد]

اخوي انت حبيب وبقوووة

موديل سيارتك 10 الكفرات لازم تكون 10 وبالقليييييل 9

ارجع لهم وانشب لهم يمكن يعطونك ورقة تبديل الكفرات او يغيرونها لك

نصيييحة لاتسكت عن حقك

[ABO0OD]

انا والله مفكر كذا

وان شاء الله اليوم الساعه 1 الظهر رايح لهم

بس ابي اعرف هالحاله حصل قبل كذا لواحد من الاعضاء

[f a w a z]

اخوي انشب لهم وغيرها ببلاش لو تغير 3 ع الاقل و الي انصلخ تشتري بداله

لا تسكت لهم

واهم شي هل الجنط انحك ولا لا ؟

[ABO0OD]

الجنط لا والله ماجاه شي

والكفر ترا ماانصلخ

بس منبنشر لأخر درجه يعني مافيه هواء مررره

[بلال العلمي]

من المفترض ان الوكالة تغيرها لك بطقم جديد وهذا مخالفة من الوكالة

المفروض تستلم السيارة باطارات صالحة وجديدة اقل شي من السنة الماضية