مشكلتين ظهرتلي وموتري توه ماوصل 30 الف

**aen alshqa** · 11-10-2010, 06:10 PM

السلام عليكم ..

مشكلتين ظهرتلي وموتري توه ماوصل 30 الف

1\ رجة اذا واقف والموتر على d او r .. رجه لاهي قوية ولا هي خفيفة

2\ اذا كنت امشي 130 .. وابي اهدي .. يبدا يلعب الدركسون .. رج رجه مو طبيعية ..

وان شاء الله اخر المشاكل ..

**k.s.b.s** · 11-10-2010, 06:14 PM

حتى انا نفس المشاكل اللي عندك ونفس الممشى وماني عارف اش الحل
في انتظار الشباب

**B Useful** · 11-10-2010, 06:16 PM

موترك تحت الضمان ويتصلح بالوكالة تدل درب الوكالة ؟

اذا تبي تدفع فلوس ..
الرجه لها اسباب كثيرة لكن في الحالة الاولى اتوقع انها من كراسي المكينة والقير ..
الرجة في الحالة الثانية .. عندك الهوبات خارج الخدمة .. عمرها الافتراضي على وشك يخلص ( مشكلة طالعة من 2008 وفوق .. وتختلف حسب الاستخدام من بيبل لأخر )

**aen alshqa** · 11-10-2010, 06:19 PM

B Useful

مشكور على الرد ..

بس انا ماني مواضب على الصيانة بس اغير الزيت بالوكالة وامشي ..

بس القهر ماشي بالضبط 26 الف ..

**B Useful** · 11-10-2010, 06:28 PM

يابن الحلال رح وتوكل على الله وانشب بحلوقهم .. ضمانك ساري وامورك طيبة ..
الشغلات اللي عندك عادية .. ودها الصيانة وبوضح لهم كل شي بدون ماتقول لهم ..

الا سلامات ياوكالة هوندا وش هالصيانة اللي كل 5000 اصلا ؟؟

**aen alshqa** · 11-10-2010, 06:31 PM

اندري عنهم ..

5000 تغير زيت ..
10000 كم شغلة 480 << نص مكافئة الجامعة
15000 تغير زيت ..
20000 كم شغلة 340 << نص المكافئة
25000 تغير زيت ..

بروح لمهم واشوف وش يقلولي .. قسم من الفشيلة ماوصلت 30 الف .. وترج ..

**م ج رد حلم** · 11-10-2010, 08:36 PM

اذا رحت لهم حاااول تخلي صوتك يوصل باب الشاارع

لانهم مايمشوا الا بهذه الطريقة ولااذا جيتهم بالطيب على طول بيقولك طبيعي مافيها شي وهي كذا وخذ من كلماات التصريف الين تقول بس

وكالة نصااابة وربي

**aen alshqa** · 17-10-2010, 06:18 PM

ياشباب ..

اليوم غيرت فلتر الهواء ..

ولا تغير شي ..

وش الحل ..

**كاتب ملخبط** · 18-10-2010, 04:30 PM

الثانيه رح اخرط هوبات السياره الأماميه لأنك الظاهر تدعس

**SWAT** · 18-10-2010, 08:14 PM

اخوي توها عندي 35 نفس مشكله الرجه ابي اعرف معقوله هوبات وهي في 30
وش الهوبات ذي بعد 120 الى 140 وعند 160 تحس الطاره رجفه مو طبيعيه

**المباشر** · 19-10-2010, 04:26 AM

مشكلتك الثانية هي من الفحمات او الهوبات جاها شي يمكن من الغسيل وهي حارة او جاي مشوار وغسلت الموتر وانعدمت صار فيها اعوجاج ولا شي

الاولى راجع الوكالة الموتر توه مامشى شي حاول فيهم على المشكلتين

الفحمات على حسابك لكن اذا فيها هوبات على حسابهم

يعني بتدفع سعر صيانة 30 الف ويضبطون لك الخرابات والملاحظات كلها

**Legend KSA** · 19-10-2010, 10:53 AM

المشكله الاولى تقريبا من كراسي المكينه زي ماقالوا الاخوان

واعتقد انها فيها عيب مصنعي قبل فتره اعلنوا عنه

وتغيرها على الضمان روح وتوكل على الله

المشكله الثانيه كانت عندي لما اضغط الفرامل وخاصة اذا كنت على سرعة عاليه يرجع الدركسون

غيرت الفحمات في الوكاله ورجعت الامور تمام

بالتوفيق ان شاء الله