كما وعدتكم : احدث شاشة لأكورد 03 - 07 مع كامل الصور

**اكورد البحرين** · 13-10-2010, 08:00 PM

السلام عليكم ورحمة الله وبركاته

كما وعدتكم تم التواصل مع البائع وقام بإضافة كامل الصور للشاشة

هذي احدث شاشة للأكورد وحجم الشاشة 8 انج وشكلها روووعة

وتدعم التحكم من الدركسون والكاميرا الخلفية وطبعا فيها فتحة يو اس بي + ايبود + ميموري كارد

بصراحة في الموضوع السابق ماكان في تفاعل وهذا الشي ضايقني جدا :(

واذا صار نفس الشي في هالموضوع للأسف ماراح اتحمس في موضوع تقرير التركيب

وهذي صور الشاشة

وارجو من الشباب الي ركبو الانواع الثانية التأكيد اذا كانت كابلات هذي الشاشة مثل الي ركبوها او لا

**ملك قوقل** · 13-10-2010, 08:34 PM

مشكور ياغالي الله يعطيك الف عافيه
وننتظر التقرير حق التركيب
وثاني شي هل تركب على الاكورد السبيشل والسياحي او الفل فقط

**accord790** · 13-10-2010, 08:57 PM

اكورد البحرين

حبيب قلبي لا تغامر الشركة غير معروفه و السوفت وير حقها ما نعرف عنها شئ لذلك اذا تبي نصيحتي
خذ الشاشة اللي عند المشرف ميشو نفس مواصفات الشاشة اللي عندك وتتميز بانها من شركة معروفه
وتم تجربتها على سيارت واحد من الاعضاء واثبتت جدارتها

هذا رايي وانت حر بتصرفك

رابط الشاشة اللي عند ميشو
http://www.hondaarabia.com/club/t40934/

**اكورد البحرين** · 14-10-2010, 04:19 AM

شكرا على الرد اخوي كلاشنكوف الشاشة تركب على الفل وراح اراسل البائع واشوف اذا عندهم طريقة للسبشل

اخوي accord790 شكرا على الرد والنصيحة بصراحة ماكنت ادري ان العزيز ميشو منزل شاشة مثلها

لكن تبي رايي اول شغلة السعر منافس والشغلة الثانية هذي الشاشة عجبتني اكثر واحسها منسقة اكثر يعني الي يشوف الشاشتين راح يقول ان هذي شد بلاد اما الثانية تركيب

اما بالنسبة لكون الشاشة معروفة الصراحة بحثت عن اسم الشركة في النت ماشفت عنها اي شي الا في منتدانا الغالي معنى هذا انها ماتعتبر شركة عالمية او معروفة يعني الحال من بعضه بالنسبة للشاشتين

المجازفة بالنسبة لي راح تكوف في شغلة واحد وهي طريقة العرض لان بصراحة فعلا طريقة العرض في شاشة ميشو روعة خاصة وضع المكيف

**SAAB ALMNAL** · 14-10-2010, 06:41 AM

الله يعطيك العافيه اخوي

ياليت تشوف لنا هل تركب على السبشل والسياحي ولا لا

**اهم واحد** · 14-10-2010, 07:09 AM

مشكرو اكورد بحريني فعلا الشاشه شكلها رائع
بس اذا تقدر تتاكد انها نشتغل على السبشل ياليت تعطينا خبر

**Y.k.A** · 14-10-2010, 02:53 PM

الشاشة رووووعة

بس برضوهـ راح انتظر من شهر الى شهرين ,, وعندي سؤال هل يجي معها t.v او الانتل حقه

ويعطيكـ العافيه ع الموضوع

**اكورد البحرين** · 14-10-2010, 06:18 PM

شكرا على الردود

تم التواصل مع البائع مرة ثانية

وانا في انتظار الرد بخصوص السبشل وراح يعطيني صور للشاشة واهي شغالة حتى نشوف طريقة العرض

**أكورداوي** · 14-10-2010, 06:29 PM

نفس الشاشه الي معي بالضبط مع اختلاف بسيط في اماكن الازرار ..

يعطيك الف عافيه اخوي اكورد البحرين ومقدرين جهودك

**اكورد البحرين** · 14-10-2010, 07:02 PM

ياهلا والله بالغالي اكورادوي

اييه ذكرتي بلقائنا في السعودية ان شاء الله يتكرر

وعندي لكم مفاجئة حلوة شباب تم ارفاق صورة حقيقة للقائمة وفيها شغلة حلوة

ان فيها ثيم مثل التلفون ممكن تغيره بالكامل

**Y.k.A** · 15-10-2010, 03:26 AM

شكلها حلو

بس المشكلة انها تشتغل ولا لا ع الاكورد السعودية او الخليجية

**قبطان السيارات** · 15-10-2010, 06:58 AM

الى الان مافي رد واااااااااااااااااااااااااااضح هل هي تتركب على الاسبيشل 2005 اولا ؟؟؟

وثانيا كم سعرهاااااااااااااااااا؟؟؟

**ن ع ر السعودية 0005** · 15-10-2010, 07:20 AM

وعليكم السلام ورحمه الله وبركاته

الله يعطيك العافيه على الموضوع الأكثر من رائع الشاشة ما شاء الله حلوه وخصوصا الأزارير حقت المكيف صراحه روعه بس عندي سؤال الزرار إلي يمين ويسار الشاشة حقت إيش ؟؟ ونتمنى ما يقل حماسك وتزودنا بكل المعلومات عن الشاشة من معلومات وصور . وإذا ما كان فيه ردود لموضوعك هناك متابعين له بدون ردود .

**meshoo** · 15-10-2010, 11:13 AM

يعطيك العافيه اخوي اكورد البحرين

وياشباب هذي الشاشه تركب على الفل فقط والـ p يمين و d يسار هذي حقة تحكم المكيف الالكتروني

وتأكد اخوي قبل ماتطلبها ان جميع المشاكل محلوله واهمها المكيف

**أغـار يا هـوندا** · 15-10-2010, 02:00 PM

والله روعة حبيبي . بس شوف لنا سعرها؟

**اكورد البحرين** · 15-10-2010, 02:09 PM

شكرا على الردود

بالنسبة للأمور الة مو واضحة نوضحها

بالنسبة للأزرار الة عن جنب هذي مو ازرار هذي فتحات وحدة للميموري تبع الجي بي اس والثانية ميموري للصور والاصوات والشغلات هذي

الشاشة تركب على الفل بدون اي مشاكل والمكيف راح يشتغل بدون مشاكل

بالنسبة للسعر في موقع www.ipmart.com اذا اخترت الشحن للسعودية عن طريق البريد الجوي المسجل

السعر راح يكون بالدولار = 496.20 USD
وبالريال السعودي = 1,860.79 SAR

وتحويل العملة تم بواسطة موقع www.xe.com

واذا حاب تختار طريقة شحن ثانية مثل فيداكس او دي اج ال او يو بي اس راح يكون السعر اكثر

وبالنسبة للسياحي البائع قال انه راح يتواصل مع الشركة المصنعة للتأكد وارسال كافة المعلومات الأكيدة وراح يوفر صور اكثر وانا ركزت على الصور في وضع تشغيل المكيف

وبالنسبة لي انا احب المغامرة حتى لو ماارسل لي صور احتمال كبير اني اطلب الشاشة

**accordyon** · 15-10-2010, 02:24 PM

يعطيك العافية
الشاشة جداً حلوه اشوفها احلى بكثر من الي انعرضوا هنا من قبل
بس ياليت يكون في صور لها وهي راكبه وتشتغل عشان نشوف طريقة عرض المنيو
والمكيف وان شاء الله ماتكون فيها مشاكل مثل الي قبل منها الدرج السفلي والمكيف
،،،،
بأنتظار تقريرك شد الهمه

**titw** · 15-10-2010, 05:11 PM

من جد والله تحسها شــــــــد بلد
الله يعطيك العافيه
اخوي اكورد البحرين
في انتظار تقرير التركيب
تحياتي

**اكورد البحرين** · 18-10-2010, 11:58 PM

للشباب الي ينتظرون الرد بخصوص الشاشة

بكرة راح اطلب الشاشة ان شاء الله

وراح اوافيكم بالتفاصيل والصور وتقرير التركيب ان شاء الله

**البرناوي** · 19-10-2010, 01:52 AM

الصراحه روعه لك مني اجمل تحيه

**صاحبـ سمو** · 19-10-2010, 01:40 PM

ننتظر تقريرك يالغالي ..

وننتظر الجواب النهائي بالنسبة للأسبشل والسياحي ..

تقبل تحياتي

**MR.MGMG** · 23-10-2010, 09:36 PM

ما عليها كلام الشاشة حلوه مثل الي طرح الموضوع ونتظر منك التقرير+السعر

**عبدالله الشيخي** · 23-10-2010, 10:59 PM

والله الشاشه شكلها حلو بس ابي اعرف هل فيها لغه عربيه والا لا والي يبيها مافيه طريقه ثانيه عير الرابط

**ملك قوقل** · 24-10-2010, 01:56 AM

اخوي اتمنى لك التوفيق واحنا بانتظار التقرير واتمنى اننا ما نواجه نفس المشاكل اللي واجهناها في الشاشه السابقه وانا متأمل خير في شاشه ميشو اللي ركبها اكورداوي وشاشتك
الشي الاخر ياغالي اتمنى تسأل هل فيه شاشه اخرى تركب على الاسبيشل لان هذي الشاشه واضح انها ما تركب على السبيشل إلا بالتوليف وفيش مكيف فل ...الخ
اخوك ابو ماجد

**اكورد البحرين** · 29-10-2010, 12:22 AM

السلام عليكم ورحمة الله وبركاته

شكرا على الردود الحلوة والمتابعة

واسف على التأخير طبعا انا طلبت الشاشة وفي انتظار وصولها

للأسف مافي مجال تركب على السياحي

وللأسف الشديد في شغلة خبروني فيها بعد ما تم الطلب واعتبرها نقص كبير في الشاشة
راح تقدر تتحكم بالمكيف مثل الاصلي تماما لكن للأسف الشاشة ماراح تعرض اي معلومات عن المكيف