ممكن احد يساعدني بخصوص تسعيرة الورشه
السلام عليكم
اخواني قدر الله اليوم وكنت واقف في المواقف الطولية بالشارع وتوي ابنزل من السياره واشوف باص نقل حجاج مسرع وجنبه سياره صغيره والشارع شوي ضيق
وماقصر السواق جاء وحك السياره
والخطأ عليه ميه في الميه ( الغلط مو علي ) وعنده تامين شامل ميد غلف
ابي اعرف الحين تصليح سيارتي بالورشه او الوكاله ؟ عند ميد غلف
ابي اعرف وش هو النظام فيه ناس تقول اذا هي 2009 او 2010 تصلحها لك ورشة التأمين
وفي ناس تقول شركة التأمين تقدر لك قيمة الاضرار عند ثلاث ورش مو الوكالة
الشي الثاني ابي اعرف قيمة الاضرار كم تكلفني تقريبا لو حدوني على الورشه ؟
هذي الصور
وعندي سؤال اخير افضل الورش بالدمام لتسعيرة السيارة ؟
التعديل الأخير تم بواسطة خالد ksa ; 13-10-2010 الساعة 11:30 PM
السلام عليكم
الحمد لله على السلامه وما تشوف شر اخوي خالد
اذا كان عنده تأمين شامل الوكالة تصلح سيارته
بالنسبة لسيارتك انت تجيب تسعيره للشركة المؤمنة وهم يعوضونك
هذا اللي اعرفه لأني عندي تأمين شامل من التعاونية
ان شاء الله قدرت افيدك والشباب ماراح يقصرو معك
الشر مايجك والله يسلمك
انا ماعندي تامين شامل الي صدمني هو عنده تامين شامل
اخوي خالد
بالنسبة لسيارته تصلحها الوكالة على حساب التأمين حقه من شركة ميد قلف
اما انت طبعا تصلح سيارتك من التعويض اللي راح تدفعه لك الشركة المؤمنة وهي شركة ميد قلف
من مميزات التأمين الشامل يصلحو سيارة الطرف الاول والثاني
انا انصحك وانصح اخواني الاعضاء في المنتدى بالتأمين الشامل
لأن له فوائد عديدة وكثيرة
وهو ليس مكلف كما يضن الناس
انا عن نفسي امنت سيارتي بـ 1542ريال
وريحت راسي من مشاكل شركات الـتأمين
روح الوكالة وجيب برنت لشركة التامين بقيمة الاضرار
فيه شروط لابد تنتبه لها
1- انها ما صدمت في نفس المكان قبل كذا
2-انه ما يكون فيه اثر سمكرة في نفس مكان الصدمة او الملحقات اللي بيتم استبدالها مثل الصدام او الرفرف
3-احضار ورقة المرور وايضا نجم بعد توثيق الحادث
وودها لميدقلف وبيماطلونك شوي وبعدها ان شاء الله تضبط امورك
للمعلومية في التأمين افضل شركات التامين للسيارات هي التعاونية
قريبا اكيورا فخر صناعة هوندا الامريكية على هوندا العربية
اكيورا RLX 2013
هلا عزيزي
كان الله في عونك و ما تشوف شر
الشباب أفادوك
و بما أنك غير مؤمن فأنت ما تقدر تصلح بالوكاله
بعدين المفترض أن " نجم " أعطاك ورقة الحادث و موضح فيها وين تروح ( شيخ المعارض أو 3 ورش ) للتسعير
و كل ورشه تروحها راح تاخذ منك بين 30 ريال الى 50 ريال قيمة التسعير ( المفترض شركة التأمين تعوضك عن التسعيرات )
بعدها تاخذ التسعيرات و على مقر شركة التأمين , طبعا مش اي فرع , لازم يكون فرع " التعويضات " و تعطيهم التسعيرات
طبعا لاتنسى ان في حالتك تحتاج " صدام " جديد , لا تمعجن ولا تسمكر , ركب جديد و رشه و هذا معناه أنك تروح الوكاله و تاخذ تسعيرة الصدام
حتى الكفر أو الجنط لا جاه شي لا تتنازل عنه و طالب فيه
الكفر راح يحسبو مدة الاستهلاك و يعطوك بقية القيمة و الجنط أن جاه شي , جديد بدون تفاهم
* في بعض الورش تعطيك تسعيرتين و البعض لـ 3 ورش عشان تريح راسك , و عموما هم راح يعطوك أسعار فوق لأنهم عارفين أن التأمين راح ينزل من السعر
و صرف الشيك ياخذ من اسبوعين الى 4 أسابيع
* مع الاسف , الورش ما تقدر تختار الورشه اللى أنت تبيها , في مجموعه من الورش تحددها شركة التأمين و أنت ملزم تروح لها
أطلب منهم لستة أسماء الورش و أطرحها هنا , وأن شاء الله نفيدك بالورشه الزينه
كان الله في عونك والله قلبي معاك <<<< مار يالتجربه
SAMiR
السيارة موديلها جديد الاصلاح بيكون بالوكالة
قدر الله وماشاء فعل
معوض خير يا الغالي والحمد الله على كل حال
ضوابط المشاركة
رد مع اقتباس
مواقع النشر (المفضلة)