عاجل ( أفضل ورشة للكشف والفحص بالرياض )
السلام عليكم ورحمة الله وبركاته
بحمد الله لقيت أكورد فل
والآن جاري تجربتها ما بعد شريتها
بس أحتاج لمعرفة عن أفضل الورش للكشف والفحص بالرياض
- بدي
- مكانيكا
- كهرباء
وهلم جرا
يا ليت اللي عنده ورش معروفة يسدح لي الرقم
أو الوصف بشكل دقيق لأن أخوكم عليمي بس مب مرة يعني يجي مني
تبي الصراحه انتبه اذا بتشتري اكورد
اسألني انا جيت مطفي النور
واخذت اكورد وغاليه بعد
وقاعد للحين اصلح فيها
لا تستعجل ولا تأخذ السياراه
الا اذا اعجبتك مره وخشة مزاجك عاد روح لاقرب ورشة
متخصصه في الكشف عن السيارات بالكبيوتر وتحت اشراف مهندس
عاد الكمبيوتر يطلع لك الفضائح بس مو كلها صحيحه
لان يمكن مركب قطع تجاريه ولا تطلع بالجهاز
بالنسبه للورشه عندك في معارض النسيم
محلات على سبيل المثال الغروب
وتلقى ورشات كثير مر عليها
وبالتوفيق ان شالله
والله يكتبلك الى فيه خير
طيب رح الوكاله احسن
براعة فنان
رح للبريدي اللي عند معارض النسيم
والله ثم والله يطلعلك اي عيب في السيارة يفحص لك البدي والمكينة والقير
بالتوفيق لك
الله يسلمكم
جميعا , معليش تاخرت في الرد هههههههه
الحمد لله فحصتها وطلعت اللي فيها
والوالد ما نصحني فيها
خيره , الله يعوضني بخير منها
/
رحت لورشة في الصناعية القديمة
هناك متخصصين بالاكورد
رحت لعامل اسمه أرشد
ارتحت له صراحة وكشفه حلو جدا
/
شكرا لكل اللي ردوا
وافر امتناني لكم
وين أرشد فيه و هل فحصة اكتروني و الا يدوي
الوكالة ..
ضوابط المشاركة
رد مع اقتباس
مواقع النشر (المفضلة)