سحب الكفرات الخلفيه :: حذف لليسار ؟؟

**سام6** · 17-10-2010, 11:13 AM

السلام عليكم

أخواني معي أكورد 2005 وصار عليها حادث , وبعد ما صلحت الموتر بقي فيها مشكله وحده اللي هي الموتر يحذف يسار , المهم قبل ثلاث أسابيع تقريباً مريت أكثر من ورشه حول الـ 7 وكلهم قالوا لي لازم سحب كفر خلفي المهم سويت السحب , و الحذف قل لكن إلى الحين موجود ؟ يعني إلى الحين السياره تحذف يسار ,,

طبعاً أذكر إن الكفرات الخلفيه كانت فارشه و الرجال قال إنه عدلها مع السحب ؟؟

طبعاً سألت مشيو , وقال إن الكفرات أصلاُ من الوكاله تجي فارشه (( الخلفيه ))

الحين السؤال :: كيف أستطيع إني أعالج مشكلة الحذف لليسار و وكيف أرجع الكفرات فارشه مثل أول ؟؟
وهل هناك ضرر للسحب ؟؟

للعم الأكورد 2005 ::: وأنا الآن متواجد في الخبر و بعد ثلاث أسابيع بروح للرياض ,,,

**mydesign** · 17-10-2010, 12:10 PM

الله يكون في عونك انا معي 2005 ونفس المشكله بس عادي تفرش عندي وامورها تمام بس يبغالها سحب بسييييييييييييييييييييييييييط جدا

وياليت تبلغني على اذا صار معك شي خصوصا اني من الدمام يعني احنا جيران

**سام6** · 17-10-2010, 03:20 PM

الله يعافيك أخوي ما تقصر لكن هل أقدر أرجعها مثل ما كانت ؟؟

**فـــيـــصـــل..607..** · 17-10-2010, 03:39 PM

انا حذفتـي لليمـيـن ما اقدر اساعدكم :d

وبينـي وبينـك اتحدى تلقى حل للحذفه إلي بالأكورد وخصوصا 2005

وإذا لقيت اسبوعين وترجع وترا بعض الأحيان تقوم ام الإستهبال عليك

مره تحذف ومره ماشيه زي البي ام

ومره تحذف حذفه قويه لدرجة إني دخلتها منعطف وانا فاك يدي من على الدرسكون

**abdelslam** · 17-10-2010, 05:24 PM

ومره تحذف حذفه قويه لدرجة إني دخلتها منعطف وانا فاك يدي من على الدرسكون

حتى انا مثلك لكن أنا موديل 2008 وسويت وزن أذرعه 4 أو 5 مرات وزادت الحذفه

انا مليت الصراحه لكن الشكوى لله ..

**سام6** · 18-10-2010, 12:18 PM

طيب عجيب ما فيه حل ؟؟؟

**المباشر** · 19-10-2010, 04:42 AM

نصيحتي علشان بالك يكون مطمن وتفتك من خرابيط محلات الميزان

روح للوكالة اوزنها وانساها بعد كذا حتى لو كان فيها حذفه المهم ان الوزن راح يكون مضبوط حسب جهازهم القوي والبرنامج حق الاكورد والاهم انك تسوق وانت مطمن وبعد كذا تشوف مشكلة الحذفه هل هي من التواير ولا مشكلة ميكانيكية ولو كانت ميكانيكية اكيد الوكالة راح تنبهك عليها

ترى محلات الميزان كل برامجهم للوزن على الاكيورا مافي الاكورد

**إيـاد العنزي** · 19-10-2010, 12:05 PM

نصيحة ياشباب

اذا كانت جنوطهم جنوط الوكالة يعني مو 18 او غيرها من جنوط الزينة روحوا اوزنوا بالوكالة

جاتني صدمة مباشره علي الكفر ، وراح علي المساعد باليايات و حذفت الطارة ، صلحتها بالوكالة و الحمد لله رجعت الطارة كاني توني ماخذه جديدة ماشاء الله

لان البرنامج تبع كمبيوتر الفحص و الوزن هو البرنامج الاصلي المعتمد من هوندا

بعدها رجعت ركبت الجنوط الـ 18 حقتي و رحت لاحسن محل وزن اذرعة بجدة ( القحطاني بكيلو7 ) والله ثم والله 7 مرات حاولوا يوزنوها و 3 مهندسين ، لكن بدون فايدة و ابشركم الحذفة زادت بقوة مع اول مطب <<< رجعت اخذت فلوسي طبعا و بالطيب

**افالون 2012** · 19-10-2010, 07:39 PM

شف يالغالي الحذف هذا مشكلته زياده بوزن الكفرات خلها على 30 كلها ورح سولها وزن اذرعه نفس مشكلتي وضبطت

**dr . riyadh** · 21-10-2010, 03:16 PM

الله لايهينكم شباب ابغى استفسر عن وكالة الدمام هل الميزان شغال فيها او لا
واذا شغال متى وقت الدوام عندهم ويين موقع الوكاله لان وكالة الرياض لها الان
تسع شهووور والميزان خربان عندهم وما نقول الاحسبنا الله ونعم الوكيل

**المباشر** · 22-10-2010, 06:29 AM

الميزان شغال عندهم واتصل قبل تجي احجز واسأل

مكانهم طريق الكباري اول ماتعدي اسكان الدمام خلك ماسك الطريق الفرعي على اليمين بعد مسافة قصيرة راح تشوفها واضحه