كلامك صح ماعليه غبار يا الحبيب .. هذا مو عيب ، هذه ميزة يا استاذي الفاضل ، وانت قلت بنفسك لو السيارة تنصنع بالكامل بمصنع واحد راح يوصل سعرها لشي و شوية .. و بعدين هوندا ماراح تسيب صناعة السيارات و تجلس تصنع لك مسمار ، فمن باب اولى انها توكل اي شركة و الشركة هذه تصنع الشي الي تبغاه هوندا .
ولا تفكر ان الشركة هذه بتصنع المنتج على مزاجها ، لا و الف لا ، هوندا تحط معايير و مقاييس ، يعني تخيل لو الكلبس الي محطوط بالشنطة و الي تحت السماعة و الي يمسك السماعة بالبدي ، انصنع على كيف المصنع !!! المصنع ممكن ينتج الكلبس هذا بـ " نص هله " او حتي " ربع هله " اذا كان له الخبرة العريقة بمجال اختيار المواد الخام + اختيار الموردين + طريقة الصنع ( من حرارة - من ادوات مستخدمة لعملية التصنيع ) ، بينما فيه مصانع ثانية تصنع لك الكلبس بـ " هللتين " يعني .
يعني الشركة تحط ( معايير - standards ) و حط 1000 خط تحتها ، يعني تخيل الشركة تطلب ان يكون الكلبس من حديد ، و المصنع يصنعها من بلاستك !! ؟؟
على العموم في مبدئين في هذه الطريقة و هي الموجوده عالمين و ممكن تدور عنها و و تقراء عنها بنفسك :
1 - المبدا الامريكي : وهو الي يقوم على اساس التهديد ، مثلا شركة فورد تتفق مع احد المصانع بصنع شي معين ، ولكن بالتهديد ، بمعني لو ما تسوي لي هل شي بالسعر المعين ، و ماتسلمه لي بالموعد المعين ، انا بخلي كل المصانع ما تتعامل معاك ... و لاتنسى فور ايش هي في امريكا و ايش هي في العالم كله ( من ايام هنري فورد .. و تتوالي الاحداث )
2 - المبدى الياباني : مبدى قائم على التعاون في هذه الامور ، بمعني ان هوندا تتفق مع مصنع معين بتوريد قطع معينه لسيارة محدده بسعر منافس ، بشرط تسلم القطع في موعد قياسي مقارنة بكل المصانع الاخرى ، بمعني ان هوندا تستفيد و المصنع الصغير يستفيد و المورد يستفيد و الوسيط يستفيد ... الخ
................
مقارنة الاكورد بالاوريون و الافلون اكبر غلط ... لان المقارنة مافيها عدل ابدا ، المفروض تتقارن الاكورد بما في مستواها من سيارات ، مثلا عام 2006 كان المنافسين للاكورد هم : تويوتا كامري - هونداي سوناتا - نيسان التيما .
اما الافلون انا احطها اقل من HONDA LEGNED لانها بصراحة فيها مواصفات روعة و الليجند ( الاسطورة ) في امريكا هي عبارة عن اكيورا ACURA مو هوندا .
انا مو متحيز لاي شركة لا بالاول ( بما يخص التصنيع ) ولا ثانيا ( المقارنات ) .. لكن الي احب اقولة ان الكلام الي انت قلته ماعلية اي غبار ، و اصلا مع احترامي كلام عام تقريبا دفعتي بالجامعة كلنا نعرفة .. مو شي جديد .
تعليق اخير ..
مين قال لك الالتيما الجديدة ( اقصد الي بدات بنظام CVT ) انها قوية و مكينة و جير ... الخ ؟ ( اتكلم عن اخر شي مو الموديل الي قبلة .. ركز معي ) ترا مستواها بالطريق انعدم ، نظام الـ CVT عبارة عن سير داخل الجير بوكس ، بمعني انه مافي الا تروس و سير ، و لما تدوس بالسيارة ما تشوف غير الظغط ( RPM ) على 7 او 6 ( ماني متاكد ) و ترا صوت المكينة صاير زي الزفت مره عاااالي لدرجة لا تطاق سواء في المشي العادي او في المطارحات و السرعات العالية ..
و على فكره بقول لك شغلة و شفتها نفسي .. النيسان المكسيما الجديدة ، الحين لما انزل الطريق اسمع الناس تسب فيها ، يقولوا انها مو قد 300 حصان ( تقريباا ) الي عليها + الجنط 19 متعب جدا خاصة بمطبات جدة + السيارة غير راسية نوعا ما ( على كلام احد الملاك ) + تسمع صوت الهواء كانك مطلع يدك من الشباك ..
اتمنى تروح تجرب الالتيما و المكيسما بنفسك و تحكم عليها .. لا يغرك المواصفات ترا حتي بالاكورد ممكن تركب شاشة و دخول ذكي ، اهم شي راحت البال و انا اخوك
انا عن نفسي جربت الالتيما 4 سلندر 2010 ، السيارة ممتازة بالمواصفات فقط ، لكن صوت العزل من تحت السيارة " تعبان " و صوت المكينة " عالي جدا " و صوت الجير لما تمشي على سرعات عادية و هادية " عالي بشكل لا يطاق " .. و للمعلومية السيارة ماشية 5 الاف فقط + توها طالعة من الصيانة بالوكالة يعني لا تقول لي زيت و صيانة و غير ( تراه دافع على زيت و فلتر 500 ريال وهو :d )
تحياتي لك
مواقع النشر (المفضلة)