عيون ولا حظ ردي ولا سوء في الأكورد؟

**n_jabri** · 19-10-2010, 07:17 PM

شباب والله العظيم انا متابع لكم من قبل ما استلم السياره وحتى كاتب موضوعين استفسار والشباب ما قصروا
انا موضوعي اني ماخذ اكورد 4 سلندر فل مخمل وماشي 1200 كيلو ومسوي صيانة الألف قبل يومين

المشكله عندي ملاحظات كلمتهم عليها في الوكاله قالوا على صيانة 10000 طيب طيف كيف استنى شهرين ولا ثلاثه على المشاكل هذي؟

المشكله الأولى : رجه فوق الثمانين
المشكلة الثانية : رجه وانا معشق على الأشاره في الدركسون
المشكله الثالثه والأهم : وانا في الزحمه الصباح رايح الدوام اذا مشيت على سرعة 10 مثلا وشلت رجلي عن البنزين السياره احس كأنها تردد نمره والماكينه مو مرتاحه

غير طبعا مشكلة الشنطه اللي ناوي اسويها على 10000 كيلو بالوكاله

بالله افتوني خصوصا في المشكله الثالثه

**المباشر** · 19-10-2010, 08:24 PM

الرجة يمكن التواير مخزنه تخزين سئ واحشرهم لين يبدلونها لك على الضمان لاتسكت عنها وقبلها قولهم يرصصونها يمكن مشكلتها ترصيص

رجه وانت معشق عاد هذه السيارة جديدة ولا راح يفيدك الا الصيانة بالوكالة ماينفع نخربط عليك كل شي واحد يعطيك خلل والموتر جديد ماشاء الله تبارك الله

المشكلة الثالثة : طبيعي هذا نظام بالقير يرجع نمر علشان يخف الضغط على البريك ويقتصد بالوقود

يسمونه محول عزم التدوير ( الغلق ) * من أجل اقتصاد أفضل للوقود ، قد تشعر بوجود مايشبه تحويل آخر عندما ينغلق المحول .

**n_jabri** · 19-10-2010, 08:58 PM

والله عاجز عن شكرك
ريحتني شوي خصوصا ان المشكله الثالثه تقولي انها طبيعيه

**المباشر** · 20-10-2010, 04:36 AM

مايمنع يالغالي تطرحها على الوكالة علشان تطمن اكثر واذا قالوا لك طبيعي خلاص تمام

لكنها طبيعي تحن في النمره الاولى او تحس انها تطول شوي اذا تمشي خفيف وقت الزحمه

**Legend KSA** · 20-10-2010, 12:05 PM

عزيزي

شغلة انك تنتظر شهرين لا والله ماهي محرزه

الموضوع طال عمرك

اتصل على الوكاله وخذ موعد للسياره

وروح لهم وعطهم كل مشاكلك وان شاء الله يحلوا امورك

وموضوع الصوت اللي في الشنطه حاول تشد عليهم

3 او 4 مرات ازورهم على اساس الموضوع هذا

ولا صلحوها لي الا لما دخلت على مدير الصيانه وتهاوشت انا وياه