صح انه اوفر انك تسوي الصيانة برا .. و ان معدات الوكالة لسيت مغسولة بماء زمزم

بس تصدق بالله .. انا رحت للورشة الي يمدحوها الشباب في المنتدى .. ورشة الجنوب - الصناعية الشمالية - جدة .. و الي صار معاي

1 - فلتر البنزين لما ركبوة ضيعوا واحد من المسامير ، و بكل بساطة و هو مستهتر ، حط لي مسمار من عنده و مو نفس مقاس المسامير الاصلية .. التكلفة : كان ممكن السيارة تشب و انحرق انا و الي معاي

2 - غيرت الاقمشة و خرط الهوبات ، و الله كنت اعاني و لما اهدي اسمع صوت كان فيه جلد او جديد يحك ببعضة ، لما رحت الوكالة اتضح لي انهم ماخرطوا الهوبات تمام و هذا بنفس الوقت خرب لي القماش الجديد .. رحت خرطة بالوكالة و انتهى عمر الهوب ( لانه 3 خرطات و بعد كذا ماينفع ) .. و التكلفة الحين : غيار هوبين امامية + اقمشة امامية .

3 - ركبت عندهم السير حق المكينة : طبعا ركبوا السير بعنف و تصقيع و مضاربات .. لكن الحمد لله ماني شايف له اثر الحين

4 - المهندس ( صاحبي ) الي بالوكالة يقول لي لما جينا نفك البواجي بالقوة فكيناها لانها كانت مربوطة بقوة .. و على لسان المهندس يقول " هذا ربطها برجلة " .. يعني تخيل لو صار شي بالمكينة !

على العموم غيرها الكثير و الكثير ..

نصيحة لوجة الله ، ياخي انت بتدفع 1200 ريال لمره وحده كل 100 الف مثلا و المره الثانية راح تدفعها على 200 الف بإذن الله ، دخل السيارة الوكالة و خليهم يسووها ، و اذا صار شي لا سمح الله بسيارتك ، بكل بساطة ترجع لهم و تنشب بحلوقهم ، لا تنسى انه معاك الفواتير و انه هذه القطع محد فكها غيرهم ( بواجي - سير - فلتر بنزين ) يعني التهمة ثابتة